მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ახალი დეტალები იტალიის შს მინისტრის მშობლების სახლის გაქურდვის საქმეში - რა წერია მილანის პოლიციის მასალებში
13:50 / 31-08-2018
საინფორმაციო სააგენტო "ინტერპრესნიუსმა" იტალიის ქალაქ მილანის პოლიციისგან გამოითხოვა დამატებითი დეტალები შს მინისტრის, მატეო სალვინის ოჯახის გაქურდვასთან დაკავშირებით. როგორც ცნობილია, მინისტრის მშობლების ბინის ქურდობაში საქართველოს მოქალაქეები არიან ბრალდებულნი.
როგორც მილანის პოლიციამ „ინტერპრესნიუსს“ აცნობა, დაკავებულები არიან საქართველოს შემდეგი მოქალაქეები: 26 წლის გ.გ, 34 წლის ბ.ბ, 33 წლის ა.კ, 27 წლის დ.გ და 29 წლის ე.ს.
მათივე ინფორმაციით, მილანის სასამართლომ ყველა დაკავებულს წინასწარი პატიმრობა უკვე შეუფარდა.
ამასთან, მილანის პოლიციაში აღნიშნავენ, რომ შს მინისტრის მშობლების სახლის გაქურდვის გარდა, საქართველოს დაკავებული მოქალაქეები კიდევ რამდენიმე ბინის ძარცვაში არიან ეჭვმიტანილნი.
როგორც საქმის მასალებშია აღნიშნული, „დაკავებულების ჯგუფმა 1-დან 15 აგვისტოს ჩათვლით რამდენიმე ბინა გაქურდა მილანის „ბანდე ნერეს“ რაიონში. დაკავებულები საკეტებზე სპეციალურ გამჭირვალე ფირს აკრავდნენ და რამდენიმე დღის შემდეგ ბრუნდებოდნენ: თუ ფირი დაუზიანებული რჩებოდა, ეს იმაზე მიუთითებდა, რომ სახლში ამჟამად არავინ ცხოვრობს და მისი ძარცვა უფრო უსაფრთხო იყო“.
დაკავებული პირების საცხოვრებელ სახლში ჩატარებული ჩხრეკის შედეგად ამოღებულია ფული, ძვირფასეულობა, სხვადასხვა ნივთი, მათ შორის ათეულობით საათი, სხვადასხვა სახის ბიჟუტერია და კიდევ სხვა ნაქურდალი.
"მილანის პოლიციაში დაბარებულმა დაზარალებულების ნაწილმა ამოიცნო თავიანთი ნივთები, რომლებიც დაკავებულების საცხოვრებლიდან იყო ამოღებული. ერთ-ერთმა დაზარალებულმა კი ერთი დაკავებულიც ამოიცნო, რომელიც მისი ბინის გაქურდვამდე სახლის მიმდებარე ტერიტორიაზე შეამჩნია“, - ნათქვამია „ინტერპრესნიუსისთვის“ მილანის პოლიციიდან გადმოგზავნილ მასალებში.
გარდა ამისა, მილანის პოლიციის ინფორმაციით, საქართველოს აღნიშნული მოქალაქეები მილანის დატოვებას გეგმავდნენ, „ვინაიდან ხუთივე მათგანს თან ბარგი ჰქონდა“.
აღსანიშნავია, რომ მილანის პოლიციამ „ინტერპრესნიუსს“ საქმის გარემოებასთან დაკავშირებული ფოტომასალებიც მიაწოდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
