მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სად ჩააბარეს ცნობილი დედების შვილებმა - "ევროპის წამყვან უნივერსიტეტში მოხვდა და ძალიან გვასახელა!"
12:31 / 31-08-2018
ერთიანი ეროვნული გამოცდების საბოლოო შედეგები ცნობილია. წელს სტუდენტი 27 906 აპლიკანტი გახდა, რაც გამოცდებში მონაწილე აბიტურიენტების 70%-ია. ამასთან, 39 000-ზე მეტი აპლიკანტიდან მინიმალური კომპეტენციის ზღვარი ვერ გადალახა ან გამოცდაზე არ გამოცხადდა დაახლოებით 12 000 აბიტურიენტი.
სტუდენტები გახდნენ ცნობილი სახეების შვილებიც, მათ შორის მოდელების - თაკო ჩხეიძის, ლიკა კვარაცხელიას შვილები. ყოფილი ტელეწამყვანი ნინო თოლორდავაც, უკვე სტუდენტის დედაა. სტუდენტი გახდა დეპუტატ ირმა ინაშვილის ქალიშვილიც. AMBEBI.GE დაინტერესდა, სად ჩააბარეს და როგორი ქულები აიღეს ცნობილი ადამიანების აბიტურიენტმა შვილებმა.
მოდელი თაკო ჩხეიძე სამი ვაჟის დედაა, მისი და რუსლან აბაშიძის უფროსი შვილი სერგი, წელს სტუდენტი გახდა.
"სერგიმ მადრიდში ჩააბარა, ის ბიზნესის მიმართულებით ისწავლის. კარგი ქულები მიიღო, ევროპის წამყვან უნივერსიტეტში მოხვდა, რომელიც საუკეთესო ათეულში შედის და ძალიან გვასახელა. მე და ჩემი მეუღლე მის არჩევანში არ ჩავრეულვართ, ის ჩამოყალიბებული ადამიანია, ყოველთვის იცის, რა უნდა და ყველაფერში მის გვერდით ვდგავართ.
სერგი სწავლობდა შვეიცარიაში, ესტონეთში, საქართველოში გივი ზალდასტანიშვილის ამერიკული სკოლა დაამთავრა და არაჩვეულებრივი სასკოლო განათლება მიიღო. ინტერესიანი ადამიანია და ამ ინტერესების კიდევ უფრო მეტი გაღვივებისთვის საჭირო იყო განათლების საზღვარგარეთ მიღება. როდესაც არჩევანის წინაშე დავდექით, ევროპა თუ ამერიკა, ევროპაზე გააკეთა არჩევანი. ჩვენც ევროპა გვირჩევნია, რადგან ჩვენს შვილებს უჭირთ უცხო გარემოსთან შეგუება და ჯობია მშობლებთან ახლოს იყვნენ" - გვითხრა თაკო ჩხეიძემ.
სამი შვილის დედაა მოდელი და ბიზნესლედი ლიკა კვარაცხელია. წელს სტუდენტი გახდა მისი და ვეტერანი ფეხბურთელის, მურთაზ შელიას მეორე ქალიშვილი ელენე:
"ელენემ დაამთავრა სკოლა და სამხატვრო აკადემიაში ჩააბარა გარემოს დიზაინის ფაკულტეტზე. მან უნარებშიც და სამხატვრო აკადემიის გამოცდებზეც 100-პროცენტიანი გრანტი აიღო, რაც ძალიან მეამაყება. უკვე ორი სტუდენტის დედა ვარ, შარშან ანა გახდა სტუდენტი (მოდელი ანა შელია). როდესაც ელენე ბაკალავრიატს დაამთავრებს, ხარისხის ასამაღლებლად საზღვარგარეთ აპირებს გამგზავრებას და სურს არქიტექტურაზე გააგრძელოს სწავლა", - გვითხრა ლიკა კვარაცხელიამ.
წელს დაამთავრა სწავლა ყოფილი ტელეწამყვანის და თავდაცვის სამინისტროს პრესსამსახურის უფროსის ნინო თოლორდავას ვაჟმა ამიკო ხაზალიამ. ამიკო წარმატებული კალათბურთელია და ბოლო წლებია აშშ-ში ცხოვრობს. ის სწავლას პენსილვანიაში, Scotland Campus-ში გააგრძელებს. ამიკო პრესტიჟულ სასწავლებელში სპორტული სტიპენდიით ისწავლის, რომელიც მას სკოლის წარმატებული საკალათბურთო გუნდის მწვრთნელმა, ქრის ჩაინმა მიანიჭა.
სტუდენტი გახდა დეპუტატ ირმა ინაშვილის ქალიშვილიც. ნინი კევლიშვილმა ივანე ჯავახიშვილის სახელობის თბილისის სახელმწიფო უნივერსიტეტში პოლიტიკურ მეცნიერებათა ფაკულტეტზე ჩააბარა. თსუ-ში ის 100 %-იანი გრანტით მოხვდა.
- ჩემმა ქალიშვილმა თავად გადაწყვიტა განათლების საქართველოში მიღება და მეც ვფიქრობ, რომ სწორია ფუნდამეტური განათლების საკუთარ ქვეყანაში მიღება. როცა ფაკულტეტს ირჩევდა, ალბათ ჩემმა საქმიანობამაც მოახდინა გავლენა. მიზანდასახულია ნინი, ისე მეცადინეობდა მთელი ეს წლები, ერთხელაც არ შევუწუხებივარ.
- შესაძლოა ის თქვენს გვერდით ვიხილოთ, როგორც თქვენი თანამებრძოლი?
- არა, ჩვენ არაერთხელ გვიასაუბრია ამ თემაზე და ის ყოველთვის ამბობს, რომ საქართველოში მაღალკვალიფიციური პოლიტიკური ექსპერტების დეფიციტია. ამბობს, რომ პოლიტიკური ანალიზი ხშირად მიკერძოებულია. ჩემი შვილები ხშირად აკრიტიკებენ ჩემს საქმიანობას და სხვათაშორის ვითვალისწინებ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
100%-იანი გრანტი ავილი მისაღები არაა და ვულოცავ ირმას შვილის წარმატებას. რაც შეეხება ფულის აუცილებლობას განათლებასთან მიმართებაში, ეხლა ისეთი შესაძლებლობების დროა, უფულოსაც შეუძლია ძალიან კარგი განათლება მიიღოს, უბრალოდ მეტი ძალისხმევა დასჭირდება ამისათვის. ბევრი მაგალითი მყავს გარშემო ამის სათქმელად.