ვარ­კე­თილ­ში მომხდარ მკვლელობაში ბრალდებული 20-დღიანი ძებნის შემდეგ დააკავეს

8 აგვისტოს ვარკეთილში მომხდარ შემზარავ მკვლელობაში ბრალდებული დაკავებულია.

AMBEBI.GE-ს ინფორმაციით, დაკავებულია 41 წლის გია ფეიქრიშვილის მკვლელობაში ბრალდებული ახალგაზრდა მამაკაცი ც.გ-ა, რომელიც მიმალვაში იყო და სამართალდამცველები მას მომხდარი მკვლელობის შემდეგ 20 დღის განმავლობაში ეძებდნენ. ბრალდებული ც.გ 29 წლისაა.

აღნიშნულთან დაკავშირებით შინაგან საქმეთა სამინისტრო განცხადებას უახლოეს მომავალში გაავრცელებს.

შეგახსენებთ, მკვლელობა ვარკეთილში 8 აგვისტოს, საღამოს მოხდა. შსს-ს ინფორმაციით, 2018 წლის 8 აგვისტოს ვარკეთილი 3-ის პირველი მიკრორაიონის 25-ე კორპუსის სადარბაზოში მკვლელობა ეჭვიანობის ნიადაგზე მოხდა.

ცეცხლსასროლი იარაღიდან გასროლით ბრალდებულმა მოკლა 41 წლის მამაკაცი. ასევე, დაჭრა 48 წლის მამაკაცი, რომელსაც სამედიცინო დაწესებულებაში მკურნალობა ჩაუტარდა.