მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რით ვერ დაცხრნენ, რაც მათ ქართველების სახლები და ბინები მიისაკუთრეს?" - სოხუმში უბინაო აფხაზები რუსების სახლებში შეიჭრნენ
12:13 / 27-08-2018
მაშინ, როდესაც მოსკოვში, ვლადიმირ პუტინი აფხაზეთისა და ცხინვალის რეგიონის ლიდერებს ე.წ. დამოუკიდებლობის აღიარებიდან 10 წლისთავს “ოფიციალურად” ულოცავდა, სოხუმში, ე.წ. რუსების დასახლებაში აფხაზები შეცვივდნენ და მათ საცხოვრებლის დატოვება მოსთხოვეს.
საუბარია 12 ოჯახზე - მათგან რამდენიმე, დღემდე რუსების დაკეტილ ბინაში რჩება და გამოსვლაზე უარს აცხადებს... ეს ბინები სოხუმში, ახალ რაიონში, “რუსულ სახლებში” აშენდა. იქ თვითნებურად შეჭრილი აფხაზების უმეტესობა მრავალშვილიანია ან შშმ პირის სტატუსის მქონე შვილები ჰყავს და “ხელმძღვანელობისგან” რამდენიმე წელი ითხოვდნენ ბინით დაკმაყოფილებას. მას შემდეგ, რაც მილიციამ ნაწილი ძალის გამოყენებით გამოასახლა, მომხრეებთან ერთად მათ სოხუმის ცენტრში აქცია გამართეს. კითხვაზე, თუ რატომ შეცვივდნენ მაინცდამაინც “რუსების სახლებში”, მათი ნაწილი პასუხობდა - "ასე გვირჩიეს".
აფხაზეთის ე.წ. ვიცე-პრემიერი ასტამურ ქეცბა ჟურნალისტებთან საუბრისას აცხადებს, რომ აქცია დაიწყო მას შემდეგ, რაც იმ ადამიანებს “ხელმძღვანელობა” ბინებით დაკმაყოფილებას შეჰპირდა.
"მე შევხვდი იმ ოჯახებს და შევპირდი, რომ წლის ბოლომდე მათ საცხოვრებელი ფართებით აუცილებლად დავაკმაყოფილებდით... მშვიდად დავშორდით, მათ ავუხსენი, რომ თვითნებური შეჭრით, ამ პროგრამის წარმატებით განხორციელებას ხელს უშლიდნენ... შემდეგ კი აქცია დაიწყო. რაც იმას ნიშნავს, რომ მათ უკან გარკვეული ძალები დგანან. ეს მათი სურვილი და მოთხოვნა არ ყოფილა, ჩვენ ვიცით, რომ მათ უკან პოლიტიკოსები დგანან", - აცხადებს ქეცბა.
ekhokavkaza.com-ს ცნობით, ამ დროისთვის 9-სართულიან ბინაში, რომელიც სოხუმში არღუნის ქუჩაზე მდებარეობს, რამდენიმე ოჯახია დარჩენილი და ისინი წასვლას არ აპირებენ... აფხაზური მხარე აცხადებს, რომ მრავალბინიანი კორპუსი აშენდა, რათა აფხაზებსა და რუსებს შორის უძრავ ქონებასთან დაკავშირებით მუდმივი კამათი და დაპირისპირება დასრულებულიყო.
გამოცემა Нужная газета-ს ცნობით, რაიონებიდან ჩამოსული, შშმ ბავშვების ან ომში დაზარალებულ პირთა ოჯახები, რომელთაც სოფელში სამედიცინო მომსახურების გარეშე დარჩენა არ შეეძლოთ, წლების განმავლობაში ახორციელებენ თვითნებურ შეჭრებს, რადგან მათ უმეტესობას ქირით უწევს ცხოვრება, გადახდის საშუალება კი არ აქვთ...
აიდა დასანია, აფხაზი:
"რუსების სახლში" ადრეც შევიჭერით, მაგრამ მაშინ მოტყუებით გამოგვიყვანეს - მაშინაც მაღალჩინოსანი დაგველაპარაკა, სახლს შეგვპირდა და დავიჯერეთ... ამჯერად არ გაუვათ... გარშემო უამრავი ბინაა, ჩვენთვის კი არცერთი. არავინ არაფერს წყვეტს, მხოლოდ ფულია მნიშვნელოვანი... იმედი აქვთ, რომ ერთხელაც ავდგებით და წავალთ.
მესმის, რომ ეს ვიღაცის ბინაა, მაგრამ არ მაინტერესებს, როგორც სახელმწიფო მექცევა უკანონოდ, მეც ასე ვიქცევი, რადგან გამოსავალი არ მაქვს, რუსია პრიორიტეტული და მე არა? 16 წელია ორ შვილთან ერთად, სოხუმში ნაქირავებ ბინაში ვცხოვრობ. ადრე ორ ადგილას ვმუშაობდი, თუმცა ახლა ჯანმრთელობის გაუარესების გამო, არ შემიძლია... შს მინისტრმა გარი არბამ გარანტია მოგვცა, რომ დაგვაკმაყოფილებს, მაგრამ მისი სიტყვის არ გვჯერა," - ამბობს აფხაზი ქალი.
თვითნებურად შეჭრილების თქმით, “ხელმძღვანელობა” მუდმივად ეუბნება, რომ დოკუმენტები მზად არის და მხოლოდ ფულის გადარიცხვას ელოდებიან, თუმცა, არ აკონკრეტებენ, საიდან უნდა გადაირიცხოს.
“შს მინისტრმა გვითხრა, რომ თავად მოგვეძებნა 700-800 რუბლის ფარგლებში ბინები და ქირას სახლის დასრულებამდე, თავად გადაგვიხდიდნენ, რაც ასევე სიცრუეა, რადგან წინა შემთხვევაზე ასე მოატყუეს სხვებიც - პირველი ორი თვე გადაუხადეს, შემდეგ კი, ისევ ან ზარს არ პასუხობდნენ, ან მისაღებში არავინ უშვებდა... ერთი სიტყვით, მას შემდეგ 8 თვე გავიდა და ეს ხალხი თავად იხდის ქირის ფულს... ქეცბას თქმით, ბინის მიღების განაცხადი დაახლოებით 150-მა ოჯახმა გააკეთა. ის უკვე ესაუბრა თვითნებურად შეჭრილებს და ვითარების მოსალოდნელი გაგრძელების სცენარის შესახებაც გააფრთხილა", - ამბობს ერთ-ერთი აფხაზი, რომელიც რუსი მობინადრის სახლში შეიჭრა.
ბინების რუსი მეპატრონეების თქმით, ის ფართები მათ კანონიერად ეკუთვნით და თუ აფხაზები იქაურობას თავიანთი ნებით არ დატოვებენ, ხელისუფლებას კანონის ძალით მოქმედებას მოსთხოვენ: "რით ვერ დაცხრნენ, რაც მათ ქართველების სახლები და ბინები აქვთ მისაკუთრებული სოფლებსა და ქალაქებში? მაგრამ ეს ახალი ბინებია და აქ უნდათ ცხოვრება... გვესმის, რომ მათ შვილებს პრობლემები აქვთ, მაგრამ ეს ჩვენი საკუთრებაა”, - აცხადებს ლუდმილა სკოლზინა.
ფოტო: RFE/RL
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
