31
მარტიდღის ზოგადი ასტროლოგიური პროგნოზი
სენატორ ჯონ მაკკეინის ქალიშვილი, მეგან მაკკეინი მამის გარდაცვალების შემდეგ ემოციურ წერილს აქვეყნებს.
"მამაჩემმა, შეერთებული შტატების სენატორმა ჯონ მაკკეინმა დღეს დაგვტოვა. მე მასთან ვიყავი მისი სიცოცხლის ბოლო წუთამდე, ისევე, როგორც ის იყო ჩემთან ჩემი ცხოვრების პირველივე წუთებიდან. 33 წლის განმავლობაში ჩვენ ერთმანეთს ვუზიარებდით ყველაფერს. ის მზრდიდა, მასწავლიდა, მისწორებდა, მამხნევებდა და ყველაფერში მხარს მიჭერდა. მას მე ვუყვარდი და მე ის მიყვარდა. მან მასწავლა, როგორ მეცხოვრა. მისი სიყვარულით და მზრუნველობით ვიქეცი გოგოდან ქალად და მან მაჩვენა მე, რას ნიშნავს იყო კაცი.
ამ ყველაფრისთვის მე მისი მადლიერი ვარ. ახლა, როცა ის წავიდა, ჩემი ცხოვრების ამოცანაა, ვიცხოვრო მისი მაგალითის მიხედვით, მისი მოლოდინებითა და სიყვარულით. მამაჩემის გარდაცვალება ტრაგიკული და სამწუხაროა ჩემთვის, ჩემი ძმებისთვის და დებისთვის. ის იყო ცეცხლი, რომელიც ბრწყინვალედ იწვოდა და ჩვენ ვცხოვრობდით მისი შუქისა და სითბოს ქვეშ, ძალიან დიდი ხნის მანძილზე. ჩვენ ვიცით, რომ მისი ალი იცხოვრებს თითოეულ ჩევნგანთან ერთად. მომდევნო დღეები და წლები არ იქნება ისეთივე მამის გარეშე, მაგრამ იქნება კარგი დღეები, სავსე სიცოცხლითა და სიყვარულით, იმ მაგალითის გამო, რომ ის ცხოვრობდა ჩვენთვის.
თქვენი ლოცვა მისი სულისთვის და ჩვენი ოჯახისთვის ძალიან ღირებული და დასაფასებელია.
მამაჩემი წავიდა და მე მენატრება ის, როგორც შეიძლება ენატრებოდეს ქალიშვილს, რომელიც მას აღმერთებს. ამ დანაკარგისა და მწუხარების დროს მე ვპოულობ სიმშვიდეს იმაში, რომ: ჯონ მაკკეინი, გმირი მისი ქვეყნისა და საკუთარი პატარა გოგონასი, დღეს იღვიძებს რაღაც დიდებულისთვის, რაც აქამდე დედამიწაზე ყოფილა. დღეს მეომარი შეაბიჯებს თავის ნამდვილ და მარადიულ სიცოცხლეში, სადაც მას მიესალმება ყველა, ვინც იქ მანამდე წასულა, წამოიმართება, რათა შეხვდეს ყველაფრის შემოქმედს.
ოცნება დასრულდა, ეს სწორედ ის დილაა", - წერს მეგან მაკკეინი.
ამერიკელი სენატორი, ვიეტნამის ომის გმირი ჯონ მაკკეინი 81 წლის ასაკში გარდაიცვალა. როგორც მისი ოჯახის მიერ გავრცელებულ მოკლე განცხადებაშია აღნიშნული, ჯონ მაკკეინი შაბათს დაიღუპა.
სენატორი 2017 წლის ივლისიდან უმძიმეს დაავადებას - ტვინის სიმსივნეს ებრძოდა და იმ პერიოდიდან მოყოლებული მკურნალობის კურსს გადიოდა.
ოჯახის ინფორმაციით, სენატორმა მისივე გადაწყვეტილებით, პარასკევიდან მკურნალობა შეწყვიტა.
