მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ადგილები თბილისში, სადაც საგზაო სამუშაოების გამო, უზარმაზარი საცობებია
11:50 / 23-08-2018
თბილისში მიმდინარე საგზაო სამუშაოების გამო, რამდენიმე მთავარ საავტომობილო გზაზე საცობებია შექმნილი. როგორც „ინტერპრესნიუსის“ კორესპონდენტები იუწყებიან, გადაადგილება გართულებულია:
- სარაჯიშვილის გამზირიდან ავჭალის მიმართულებით
- აღმაშენებლის ხეივანში
- მარშალ გელოვანის გამზირზე
- რობაქიძის გამზირზე
- მტკვრის მარჯვენა სანაპიროს გარკვეულ მონაკვეთზე
- კახეთის გზატკეცილზე
- ბარათაშვილის ქუჩიდან ავლაბრის მიმართულებით.
როგორც „ინტერპრესნიუსთან“ საუბრისას მძღოლები აცხადებენ, მიმდინარე სამუშაოების გამო მათ დიდი ხნით უწევთ საცობში ყოფნა. „ერთ საათზე მეტია რობაქიძის გამზირზე საცობში ვარ. არ შეიძლებოდა გზები მაშინ გაკეთებულიყო, როცა თბილისიდან ხალხი გასული იყო?“, - განუცხადა „ინტერპრესნიუსს“ ერთ-ერთმა მძღოლმა.
ვფიქრობ, მერიამ დააგვიანა საგზაო ინფრასტრუქტურასთან დაკავშირებული სამუშაოების დაწყება, - ამის შესახებ „ინტერპრესნიუსს“ „ტრანსპორტისა და გზების ასოციაციის“ თავმჯდომარემ დავით მესხიშვილმა თბილისში მიმდინარე საგზაო ინფრასტრუქტურასთან დაკავშირებით საუბრისას განუცხადა.
დავით მესხიშვილი მიიჩნევს, რომ გზების რეაბილიტაცია თავისთავად დადებითია, თუმცა ყურადღება არის მისაქცევი სამუშაოების ჩატარების ვადებზე.
„ივნისი, ივლისი, აგვისტო, სექტემბრის 10 რიცხვამდე საგზაო სამუშაოების ჩატარების საუკეთესო პერიოდად ითვლება და როდესაც აქ ხდება გარკვეული ცვლილებები, ეს პირდაპირ აისახება ტრანსპორტის მოძრაობაზე, ჩვენს გადაადგილებაზე და შემდგომ იქმნება ის პრობლემები, რომელიც ყველასთვის ცნობილია. ვფიქრობ, მერიამ დააგვიანა სამუშაოების დაწყება, მათ გაცილებით ადრე უნდა დაეწყოთ ინტენსიური სამუშაო პროცესი. პრაქტიკულად, ივნისი-ივლისში მასშტაბური სამუშაოები არ მიმდინარეობდა.
აქვე ჩნდება კითხვა, რამდენად ჩაეტევა ვადებში მერია, ვფიქრობ, იქნება გადაცილება. იგივე კახეთის გზატკეცილზე. ეს ადგილი ავტოსაგზაო შემთხვევების თვალსაზრისით ითვლეობდა ერთ-ერთ ყველაზე პრობლემატურ მონაკვეთად, მაგრამ ის, რომ სამუშაოები უნდა დაწყებულიყო უფრო ადრე, ვიდრე დაიწყო, ამაზე ორი აზრი არ არსებობს. ეს საკმაოდ სერიოზულ პრობლემებს შექმნის სექტემბერში. ხალხი ჩამოდის სექტემბერში, ბრუნდება რაიონებიდან, შესაბამისად, გადაღობილი გზები საგზაო მოძრაობას ძალიან გადატვირთავს.
არ ვიცი რატომ მოხდა, რომ მერიამ არ დაიწყო ეს სამუშაოები ადრე და დაიწყო ასე გვიან. საგზაო ინფრასტრუქტურას რაც შეეხება, სამუშაოები უნდა მთავრდებოდეს ნოემბრის თვემდე. მე მგონია, რომ შესაძლოა, ეს სამუშაოები ვერ მორჩეს ნოემბრამდე და საკმაოდ სერიოზული პრობლემების წინაშე დავდგეთ“, - განაცხადა დავით მესხიშვილმა.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
