მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დროა, ბავშვებს ავუხსნათ, რომ სექსი ადამიანის ერთ-ერთი ძირეული მოთხოვნილებაა, როგორც კვება და ძილი"- ტორესა მოსი
13:00 / 21-08-2018
მწერალი ტორესა მოსი "ფეისბუქის" პირად გვერდზე სოფელ ნატანებში შანტაჟის გამო 16 წლის გოგონას თვითმკვლელობის ფაქტს ეხმაურება:
"დროა, ბავშვებს ავუხსნათ, რომ სექსი ადამიანის ერთ-ერთი ძირეული მოთხოვნილებაა, როგორც კვება და ძილი, რომ სექსში არაფერია სასირცხვილო და არაადამიანური, რომ სექსუალური მოთხოვნილებები და მათი დაკმაყოფილება ბუნებრივი და აუცილებელია, რომ ამისათვის აუცილებელი არაა, ნოტარიულად დამოწმებული დოკუმენტები და სამუდამო ერთგულების ფიცი, რომ სექსი ურთიერთობის ბუნებრივი შემადგენელი ნაწილია და ზუსტად ისევე ბუნებრივია, ვერ შეეწყო ადამიანს სექსუალურად, როგორც ხასიათით, ამიტომ სანამ გადაწყვეტილებას მიიღებ, ვისთან გსურს გაატარო დარჩენილი ცხოვრება და ვინმეს სამუდამო ერთგულების ფიცი დაუდო, აუცილებელია გაიგო, როგორც თქვენი მსოფლმხედველობრივი თანხვედრა, ისე სექსუალური თანხვედრა, რადგან ამის გარეშე თანაცხოვრება იქცევა ჯოჯოხეთად და ძალადობად.
დროა ბავშვებს ავუხსნათ, რომ სექსი არაა დასაძრახი, დასაძრახი დედამო**აა, შანტაჟი, ძალადობა და სხვისი პირადი ცხოვრების საჯაროდ გამოფენა. დროა ბავშვებს ავუხსნათ, რომ ჩვენ მათ არ განვსჯით მათი სექსუალური ცხოვრების გამო და ყველაფერს გავაკეთებთ იმათ დასასჯელად, ვინც გაბედავს და მათ დაშანტაჟებას და მათზე ძალადობას ცდის. ყველას დე**ან, ვინც ჩემ შვილს მისი სექსუალური ცხოვრების გამო დაძრახავს. საკმარისია ის ჯოჯოხეთი, რომელიც ჩვენ მოგვიწყეს, საკმარისია, რაც ჩვენ ვიტანჯეთ სექსისადმი ამ მახინჯი დამოკიდებულების გამო.
მე არ მჯერა, რომ ღმერთი ოდესმე იმის გამო გაგვასამართლებს, რომ ვიღაცასთან ვიწექით. არ მჯერა, რომ ღმერთი იმ ინსტინქტების გამო დაგვსჯის, რაც თავად მოგვცა. არ მჯერა მე ასეთი ღმერთის, რომელიც ჩასაფრებული მითვალთვალებს ვისთან, სად, როდის და როგორ მექნება სექსი და მერე ხაზს გადაუსვამს ყველაფერს, რაც ცხოვრებაში მიკეთებია და ჯოჯოხეთისთვის გამწირავს. არ შეიძლება გჯეროდეს, რომ არსებობს სრულყოფილი გონი და ამავდროულად ფიქრობდე, რომ ეს სრულყოფილი გონი ასეთი მეწვრილმანე და შეზღუდულია. ნუთუ ასე რთული დასანახია, რომ სექსისადმი ეს წარმოუდგენელი და ბრიყვული ტაბუ, დაკომპლექსებული და გაბოროტებული ადამიანური გონების ნაყოფია და არა რაიმე სრულყოფილი გონის. დროა ეს სიგიჟე დასრულდეს და დავიწყოთ ნორმალური ადამიანური ცხოვრება და საკუთარ შვილებს ცხოვრება ჯოჯოხეთად არ ვუქციოთ. და თუ ვინმე მართლა მოხვდება ჯოჯოხეთში, ღრმად მწამს, რომ პირველები ისინი იქნებიან, ვინც ღმერთის სახელით სხვა ადამიანებს ამ ქვეყნად ცხოვრებას უქცევს ჯოჯოხეთად. ასეთია ჩემი რწმენა".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
