მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
წითელას შემთხვევებით საქართველო მე-3 ადგილზეა - გახდება თუ არა ვაქცინაცია სავალდებულო
14:53 / 21-08-2018
წითელას შემთხვევებით, სერბეთისა და უკრაინის შემდეგ საქართველო ევროპაში წელს მესამე ადგილზეა. როგორც BBC ჯანდაცვის მსოფლიო ორგანიზაციის მონაცემებზე დაყრდნობით წერს, ევროპაში წითელას შემთხვევებმა რეკორდულ მაჩვენებელს მიაღწია. 2018 წლის პირველი 6 თვის განმავლობაში, ევროპის მასშტაბით, წითელათი 41 000 ადამიანი დაინფიცირდა, რის შედეგადაც 37 ადამიანი გარდაიცვალა.
დაავადებულთა რაოდენობის მიხედვით, პირველ ათეულში შედიან, ასევე, საბერძნეთი, რუმინეთი, იტალია, საფრანგეთი, სლოვაკეთი, რუსეთი, დიდი ბრიტანეთი.
როგორც დაავადებათა კონტროლის ეროვნული ცენტრის გენერალური დირექტორი, ამირან გამყრელიძე აცხადებს, საქართველოში საკმაოდ დიდია იმ ადამიანთა რიცხვი, რომელთაც ამ დრომდე ვაქცინაცია არ აქვთ ჩატარებული.
"წითელა სახუმარო დაავადება არ არის. წელს საქართველოში ორი გარდაცვალების შემთხვევა დაფიქსირდა. სამწუხაროდ, შარშან შემოდგომაზე აჭარის რეგიონიდან დაიწყო წითელას პიკი და 2018-ში უკვე ინფექციის 1300-მდე შემთხვევაა. ქვეყანაში ამ დრომდე 20-დან 40 წლამდე ასაკის ნახევარი მილიონი ადამიანია აუცრელი. შეიძლება ითქვას, რომ წითელა ისევ "მობრუნდა" ევროპის ქვეყნებში. საფრანგეთში და იტალიაში შარშან ინფექციის ძალიან ბევრი შემთხევა იყო, რის გამოც ამ ქვეყნებში წითელას სავალდებულო ვაქცინაცია შემოიღეს", - აცხადებს დაავადებათა კონტროლის ეროვნული ცენტრის გენერალური დირექტორი.
ამირან გამყრელიძის განცხადებით, წითელას ვაქცინაცია, შესაძლოა, საქართველოშიც სავალდებულო გახდეს. მისივე განმარტებით, ინიციატივა პარლამენტის ჯანდაცვის კომიტეტს ეკუთვნის და კანონპროექტს მიმდინარე წლის საშემოდგომო სესიაზე განიხილავენ.
"საქართველოში წითელას ვაქცინაცია ნებაყოფლობითია. ამან მიგვიყვანა ამ სიტუაციამდე, რაც დღეს გვაქვს. მთელ რიგ ქვეყნებში წითელა აღმოფხვრილია. სამწუხაროდ, საქართველოში ჯერჯერობით ვერ ვერევით. საქართველოს მასშტაბით ყოველდღიურად 5-დან 10-მდე მერყეობს წითელას შემთხვევების რიცხვი. განსაკუთრებით არასასიამოვნო ვითარება გვაქვს დიდ ქალაქებში", - აცხადებს ამირან გამყრელიძე.
დაავადებათა კონტროლის ეროვნული ცენტრის გენერალური დირექტორი ყველას, ვისაც არ აქვს აცრილი, ან არ ახსოვს აქვს თუ არა გადატანილი წითელა, ვაქცინაციისკენ მოუწოდებს. მისივე განცხადებით, ქვეყანაში ვაქცინაციის საკმაო მარაგია.
"საქართველოში წითელას საწინააღმდეგო ვაქცინაცია უფასოა და გეგმიურად 1 წლისა და 5 წლის ასაკში კეთდება. თუ ორივე აცრა ჩატარებულია 98%-ით დაზღვეულია ადამიანი, რომ არ დაინფიცირდება. იწყება სასწავლო წელი, ყველა დედას მოვუწოდებ, გადაამოწმონ ბავშვების აცრის კალენდარი. განსაკუთრებით ის გოგონები, უნდა იყვნენ ყურადღებით, რომლებიც შვილოსნობის ასაკში არიან. მათ წინასწარ უნდა გამოიკვლიან აქვთ თუ არა წითელას იმუნიტეტი და საჭიროების შემთხვევაში, აიცრან. რადგან წითელა როგორც ნაყოფისთვის, ისე დედისთვის სახიფათო ინფექციაა", - აღნიშნავს ამირან გამყრელიძე.
ქრისტინე გამთენაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
