მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როგორ უნდა შეეძლოს ადამიანს მოზარდი გოგონას ან ბიჭის დაშანტაჟება სქესით? 21-ე საუკუნეში ეს ხომ სრული სიგიჟეა" - დეკანოზი თამაზ ლომიძე
12:23 / 21-08-2018
დეკანოზი თამაზ ლომიძე "ფეისბუქის" პირად გვერდზე მოზარდების სექსუალური განათლების შესახებ წერს და შვილებთან დაკავშირებით, პირად გამოცდილებას გვიზიარებს:
"მშობლებო, გახსოვდეთ: შანტაჟი ბავშვობიდან იწყება!
შანტაჟი ბავშვობიდან იწყება. 9-10 წლის რომ იყო ჩემი ბიჭი, ჰქონდა ფაზა, როცა ხშირად უჩნდებოდა სურვილი სახლში ეთქვა სქესთან დაკავშირებული სიტყვები, ხმამაღლა წამოიძახებდა რამე სქესთან დაკავშირებულ ფრაზას ან ჟარგონს ან ხუმრობით იტყოდა რამეს, თან ისე, რომ ახლობელ დიდებსაც გაგვეგო. მე არასოდეს გავწყრომივარ ამის გამო, რადგან ვხვდებოდი, რომ ეს მისთვის ადამიანში რაღაც ახლის აღმოჩენის ფაზა იყო და ამიტომ არც შემირცხვენია და არც დამისჯია ამის გამო. პირიქით, ხშირად ავყოლივარ ასეთ ხუმრობებში, რათა მარტო არ ყოფილიყო თავის აღმოჩენებში. მალე სრულიად გაუარა ამ ფაზამ და სურვილიც გაუქრა რაიმეს თქმის. 12 წლის რომ იყო, ბიოლოგიის სახელმძღვანელო მოიტანა სკოლიდან (გერმანიაში სწავლობს), სადაც ქალის და კაცის სქესობრივი აგებულება და რეპროდუქციის ორგანოები იყო აღწერილი, ასევე ბავშვისთვის გასაგებ, სამეცნიერო ენაზე აღწერილი იყო სქესობრივი აქტი და ბავშვის ჩასახვის პროცესი. მოიტანა ეს წიგნი, თან მიყვებოდა ამ უცნაური გაკვეთილის შესახებ, თან ეცინებოდა უხერხულობისგან და თანაც ძალიან უნდოდა აუცილებლად ჩემთვისაც ეჩვენებინა ეს გაკვეთილი. მე არ გავწითლებულვარ ჩვენი მშობლების მსგავსად, უკან არ დამიხევია, პირიქით იქით ვთხოვე წაეკითხა ჩემთვისაც, რა ისწავლეს. მოვიდა, ძმაკაცივით დამიჯდა გვერდით, წამიკითხა და ჩემი რეაქციით დარწმუნდა, რომ ამ ყველაფერში არ იყო არაფერი სამარცხვინო, წარმოუდგენელი ან ბინძური საიდუმლო. ჩემი რეაქციით მე არ შემიშინებია და დამიშანტაჟებია ბავშვი. მას შემდეგაც თუ რამ დელიკატური კითხვა უჩნდება სქესთან დაკავშირებით, იცის, რომ შეუძლია სრულიად ბუნებრივად მკითხოს და ამისთვის არავინ შეაჩვენებს. ჩემს ბავშვს ვეღარავინ დააშანტაჟებს სქესით, რომც სცადონ ალბათ ჩათვლის, რომ ისინი არანორმალურები არიან.
როგორ უნდა შეეძლოს ადამიანს მოზარდი გოგონას, ბიჭის ან თუნდაც ქალის ან კაცის დაშანტაჟება სქესით? დღეს, 21-ე საუკუნეში ეს ხომ წარმოუდგენელია, სრული სიგიჟეა და სასაცილოც კია, შედეგად თვითმკვლელობის ასეთი მძიმე შემთხვევით რომ არ მთავრდებოდეს ხანდახან. თუ გვინდა, რომ ჩვენი შვილები არ იყვნენ ასეთი ბოროტების მსხვერპლნი, ყველა უნდა გავთავისუფლდეთ სქესის კომპლექსისგან, შევიგნოთ, რომ სქესი არათუ სამარცხვინოა, არამედ პირიქით, სწორედ ღმერთისგან აქვს ადამიანს სქესი, ადამიანის სწორედ სქესობრივი გზით გამრავლება აკურთხა უფალმა და სქესობრივი კავშირიც ქალის და კაცის სიყვარულის განუყოფელი ნაწილია. ასე ბრძანებს ბიბლია: "იპოვის კაცი თავის ქალს და შეუერთდება მას". როგორ უნდა შეძლოს ვინმემ და შემარცხვინოს იმის მეშვეობით, რაც ღვთისაგანაა ჩემში?!
თუ გვინდა ჯანსაღი მომავალი, უპირველესად სკოლამ და ასევე მშობლებმაც ბავშვის ასაკის შესაბამისად უნდა ცნობიერი გავხადოთ მათთვის საკუთარი სქესი. ვასწავლოთ, როგორაა სქესობრივად აგებული ქალი და კაცი, რა არის მათი სქესობრივი განსხვავება, რატომ იზიდავთ და სიამოვნებთ ერთად ყოფნა, როდის და როგორ ჩნდება მათში სიყვარული, როგორ ჩაისახება და ჩნდება ბავშვი, რომ ეს ყველაფერი ბუნებრივი და კარგია და ა.შ. მაშინ, თუნდაც ბოროტად რომ გამოიყენოს ვინმემ მათი სქესობრივი მხარე, თვითმკვლელობამდე მაინც ვერ დააშანტაჟებს მოზარდს.
ჩვენი შვილების მტერია ის, ვინც სკოლაში ამ საკითხების ღიად და აკადემიურად სწავლებას ეწინააღმდეგება.
მშობლებო გახსოვდეთ: შანტაჟი ბავშვობიდან იწყება!".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
