მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი მოსწავლეების წარმატება მექსიკაში - საქართველოს რობოტიკის გუნდი First Global-ის კონკურსზე ამ ეტაპზე ლიდერთა ხუთეულშია
14:16 / 18-08-2018
საქართველოს რობოტიკის გუნდმა მექსიკაში გამართულ რობოტიკის საერთაშორისო კონკურსზე First Global რვა თამაშიდან შვიდი მოიგო. ამ დროისთვის საერთო რეიტინგში 193 მონაწილე ქვეყანას შორის საქართველოს გუნდი მე-5 ადგილზეა. პირველ სამ ადგილს ამ ეტაპისთვის ამერიკის, მექსიკის და რუმინეთის გუნდები იკავებენ. კონკურსის ფინალი 19 აგვისტოს გაიმართება.
"ამ დროისთვის სულ რვა თამაში ვითამაშეთ. მხოლოდ ერთი წავაგეთ, რადგან შეიქმნა ტექნიკური პრობლემა - ვერ მოხერხდა სისტემასთან დაკავშირება. ამასთან გამოძვრა კაბელი და რობოტი უფუნქციო გახდა. ორი თამაში განსაკუთრებით კარგად ვითამაშეთ. ერთში ამერიკის და კონგოს გუნდთან ვიყავით ალიანსში, მეორეში კი მალდივებთან და ნამიბიასთან.
კარგი სტრატეგია შევიმუშავეთ და მაღალი ქულები ავიღეთ. ბოლო თამაში იყო განსაკუთრებით რთული, რადგან იმ ორ გუნდს, რომელთან ერთად ვიყავით ალიანსში, არაფერი გამოსდიოდა, მაგრამ ჩვენ შევასრულეთ სამივე რობოტის დავალებები და გავიმარჯვეთ. საერთო ჯამში საკმაოდ კარგი ქულები დავაგროვეთ", - აცხადებენ კონკურსის მონაწილეები.
რობოტების საერთაშორისო კონკურსი First Global ყოველწლიურად იმართება. წელს კონკურსში 193 ქვეყნის გუნდი მონაწილეობს. კონკურსის თემა განახლებადი ენერგიაა, კერძოდ, მზის პანელები და ქარის ტურბინები, რომელთა მეშვეობით რობოტებმა ელექტროენერგია უნდა გამოიმუშაონ. თითოეულ კონკურსში ერთმანეთს სამი გუნდისგან შემდგარი ალიანსები ეჯიბრებიან.
საქართველოს ნაკრები კონკურსში მეორედ იღებს მონაწილეობას. გუნდის წევრები გივი ზალდასტანიშვილის სახელობის ამერიკული აკადემიის მოსწავლეები სოფო კევლიშვილი, ლიკა მიხელაშვილი და ნიკა გეგეჭკორი არიან. მათი მენტორი აკადემიის მასწავლებელი ილია მესტვირიშვილია. გუნდის სპონსორები არიან: მიკროსაფინანსო ორგანიზაცია "კრისტალი" და საერთაშორისო ოლიმპიადა First Global-ი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
