პირი, რომელთანაც გარდაცვალებამდე ზუზუ ბეჟაშვილი იმყოფებოდა, პოლიციამ დაკითხა

შინაგან საქმეთა სამინისტროს ინფორმაციით, მსახიობი ზაზა (ზუზუ) ბეჟაშვილი 16 აგვისტოს ღამით დოლიძის ქუჩაზე ნაცნობთან იმყოფებოდა.

როგორც უწყებაში “ინტერპრესნიუსს” განუცხადეს, აღნიშნული პირი გუშინვე გამოიკითხა.

ამასთან, შს სამინისტროში აღნიშნავენ, რომ გამოძიება ექსპერტიზის პასუხს ელოდება.

მსახიობი ზაზა (ზუზუ) ბეჟაშვილი დოლიძის ქუჩაზე, საცხოვრებელი სადარბაზოს ლიფტში გარდაცვლილი იპოვეს. საქმეზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.