ყოფილი "ლეოგრანდი" დღეს, 18:00 საათზე დაიხურება

სასტუმრო „ველმონდი"(ყოფილი „ლეოგრანდი“) დღეს, 18:00 საათზე დაიხურება - ამის შესახებ სასტუმროს იურისტმა კახაბერ წერეთელმა „ინტერპრესნიუსთან" საუბრისას განაცხადა.

იურისტის თქმით, სასტუმროში მყოფ ტურისტებს ბათუმის სხვადასხვა სასტუმროში დააბინავებენ.

"დღეს ჩვეულებრივ სრულდება გადაწყვეტილება და 18:00 საათზე სასტუმრო დაიხურება. რაც შეეხება ტურისტებს, აჭარის ტურიზმის დეპარტამენტის დახმარებით მათ სხვადასხვა სასტუმროში დავაბინავებთ. სასტუმრო ფუნქციონირებას დაიწყებს მაშინ, როგორც კი სახანძრო უსაფრთხოების ნორმებს დააკმაყოფილებს" - განაცხადა კახაბერ წერეთელმა.