მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა დაუჯდა ბიუჯეტს NATO-ს სამიტში პრეზიდენტის მონაწილეობა - 3-დღიანი ვიზიტის ხარჯები
13:31 / 16-08-2018
ბრიუსელში 11-12 ივლისს NATO-ს სამიტი გაიმართა. სწორედ ამ სამიტზე, პირველად, საქართველოსა და ნატო-ს ურთიერთობების ისტორიაში, უმაღლეს დონეზე გაიმართა შეხვედრა სახელმწიფოს მეთაურთა მონაწილეობით, სადაც საუბარი შეეხო საქართველოს უსაფრთხოების გამოწვევებს, თავდაცვისუნარიანობასა და ამ კონტექსტში ნატო-საქართველოს თანამშრომლობის შემდგომ გაძლიერებას.
სამიტზე დასასწრებად, ბრიუსელში ქართული დელეგაცია საქართველოს პრეზიდენტის მეთაურობით გაემგზავრა. AMBEBI.GE-მ პრეზიდენტის ადმინისტრაციას რამდენიმე კვირის წინ მიმართა და გამოითხოვა საჯარო ინფორმაცია იმასთან დაკავშირებით, თუ რა დაუჯდა ქვეყნის ბიუჯეტს ქართული დელეგაციის ვიზიტი ბრიუსელში. პრეზიდენტის ადმინისტრაციამ მოთხოვნილი საჯარო ინფორმაცია დათქმულ ვადებში მოგვაწოდა.
როგორც ირკვევა, ბრიუსელში ნატო-ს სამიტზე საქართველოს პრეზიდენტის და ქართული დელეგაციის 3-დღიანი ვიზიტი სახელმწიფო ბიუჯეტს 21 059 ლარი დაუჯდა.
გიორგი მარგველაშვილი ბელგიის სამეფოში ნატო-ს სამიტზე დასასწრებად 10 ივლისს გაემგზავრა ადმინისტრაციის 5 თანამშრომელთან ერთად. პრეზიდენტის ადმინისტრაციიდან დელეგაციაში იმყოფებოდნენ: საქართველოს პრეზიდენტი გიორგი მარგველაშვილი, პრეზიდენტის ადმინიტრაციის უფროსი - გიორგი აბაშიშვილი, საქართველოს პრეზიდენტის მრჩეველი, საგარეო ურთიერთობათა მდივანი - თენგიზ ფხალაძე, პრეზიდენტის ადმინისტრაციის პროტოკოლის ხელმძღვანელი - ლაშა კვერნაძე, საქართველოს პრეზიდენტის ადმინისტრაციის საზოგადოებასთან ურთიერთობისა და კომუნიკაციის დეპარტამენტის ხელმძღვანელი - სოფიკო ჯაჯანაშვილი და საქართველოს პრეზიდენტის ადმინისტრაციის საზოგადოებასთან ურთიერთობისა და კომუნიკაციის დეპარტამენტის ვიდეოოპერატორი - ბექარ ხულელიძე.
პრეზიდენტისა და დელეგაციაში მონაწილე პირების ვიზიტისას სადღეღამისო ნორმის ხარჯებმა 5 131 ლარი შეადგინა. აქედან მხოლოდ გიორგი მარგველაშვილის დღიურმა ნორმამ 2,525 ლარი შეადგინა. შედარებით მოკრძალებული აღმოჩნდა დელეგაციაში მონაწილე პირების ხარჯები. მაგალითად, აბაშიშვილისა და ფხალაძის ხარჯების დღიურმა ნორმამ - 584 და 626 ლარი შეადგინა. ხოლო კვერნაძისა და ჯაჯანაშვილის ხარჯმა 454 ლარი შეადგინა. 422 ლარი შეადგინა ვიდეოოპერატორის, ბექარ ხულელიძის სადღეღამისო ნორმამ.
რაც შეეხება ბრიუსელში ნატო-ს სამიტის მიმდინარეობისას საცხოვრებელი ფართის დაქირავების ხარჯებს, ეს სახელმწიფო ბიუჯეტს 15 928 ლარი დაუჯდა. აქედან, პრეზიდენტის აპარტამენტის ხარჯმა სამი დღის განმავლობაში 5 257 ლარი შეადგინა. გიორგი აბაშიშვილისთვის გაწეულმა ხარჯმა - 3 222 ლარი. ანალოგიური თანხა დაუჯდა ბიუჯეტს ფხალაძისთვის გამოყოფილი საცხოვრებელი ფართის დაქირავების ხარჯები.
ხოლო კვერნაძის, ჯაჯანაშვილისა და ხულელიძის საცხოვრებელი ფართისთვის თითოეულისთვის 1 409 ლარი გამოიყო.
აღსანიშნავია, რომ დელეგაციაში ასევე იმყოფებოდნენ საქართველოს საგარეო საქმეთა მინისტრი დავით ზალკალიანი, თავდაცვის მინისტრი ლევან იზორია, ეროვნული უშიშროების საბჭოს მდივანი დავით რაქვიაშვილი, საქართველოს შეიარაღებული ძალების გენერალური შტაბის უფროსი ვლადიმერ ჩაჩიბაია და ნატოსთან საქართველოს წარმომადგენელი ალექსანდრე მაისურაძე. ასევე საგარეო საქმეთა სამინისტროს 2 თანამშრომელი. პრეზიდენტის ადმინისტრაციას ამ ადამიანების ხარჯებთან დაკავშირებით ინფორმაცია არ მოუწოდებია.
ცნობისთვის, საქართველოს თანამდებობის პირთა ხარჯებს საქართველოს პრეზიდენტის 2005 წლის ბრძანებულება არეგულირებს, სადაც გაწერილია თუ რა რაოდენობის თანხის დახარჯვა შეუძლია ამა თუ იმ თანამდებობის პირს. საქართველოს პრეზიდენტის 2005 წლის 20 აპრილის #231 ბრძანებულებით განისაზღვრა საჯარო მოსამსახურეთათვის სამსახურებრივი მივლინების ხარჯების ანაზღაურების წესი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
