მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ შემიძლია, საკუთარ შვილებს ჩავეხუტო" - აშშ-ში მღვდლების მიერ გაუპატიურებული ადამიანები საჯაროდ საუბრობენ
10:29 / 16-08-2018
აშშ-ს კათოლიკურ ეკლესიაში ძალადობის გამოსავლენად გამოძიება დასრულდა. გამომძიებლებს ჩვენება საეკლესიო პირებთან ერთად დაზარალებულებმაც მისცეს. მღვდლების მიერ სექსუალური ძალადობის მსხვერპლნი საკუთარი მძიმე გამოცდილების შესახებ საუბრობენ, მასალას CNN აქვეყნებს.
70 წელი გავიდა მას შემდეგ, რაც რობერტი მღვდელმა გააუპატიურა. ფსიქოლოგიური ტრავმის გამო ის დღემდე დისტანცირებულია საკუთარი ოჯახის წევრებისგან.
„ვერ ვახერხებ გამოვხატო გრძნობები საკუთარი ცოლის მიმართ. არ შემიძლია მოვეხვიო, ან ჩავეხუტო ჩემს შვილებს,“ - ამბობს რობერტი, რომელიც ახლა 83 წლისაა.
ტრავმა, რომელიც მთელი ცხოვრების მანძილზე გრძელდება, პენსილვანიელი მღვდლების დამსახურებით 1000-ზე მეტმა ადამიანმა მიიღო.
გამოძიების 887 გვერდიან ანგარიშში 300-ზე მეტი მღვდელი ამხილეს. წლების განმავლობაში მათ 1000-ზე მეტი ბავშვი ჰყავთ გაუპატიურებული. გამოძიება შიშობს, რომ ძალადობის მსხვერპლი ბევრად მეტია.
რობერტი 13 წლის იყო, როდესაც მასზე იძალადეს და ამის შესახებ არავისთვის უთქვამს.
ვინ დამიჯერებდა 1947 თუ 1948 წელს, რომ ჩემზე მღვდელი ძალადობდა? ასეთი ამბის შესახებ იმ პერიოდში არავის სმენოდა, რადგან ყველა მალავდა.
რობერტის აზრით, მასზე მარტივად იმიტომ ბედავდნენ ძალადობას, რომ მამა არ ჰყავდა.
გამოძიებამ არაერთი სხვა შოკისმომგვრელი ამბავი გამოავლინა, მათ შორის - მღვდელი ძალადობდა ბიჭზე და არწმუნებდა, რომ ასე უნდა შეემოწმებინათ სიმსივნე; აივ-დადებითი მღვდელი წლების მანძილზე აუპატიურებდა ბავშვებს, მოგვიანებით კი ის დააპატიმრეს...
კიდევ ერთი მსხვერპლი, რომელიც საჯაროდ საუბრობს მომხდარზე, კეროლინია. მისი თქმით, როდესაც მოძალადეს პირველად შეხვდა, 18 თვის იყო. წლები გადიოდა და მღვდელი მასზე ძალადობას არ წყვეტდა.
როდესაც სიტყვა „ღმერთი“ ესმის, კეროლინს მუდმივად საკუთარი მძიმე გამოცდილება ახსენდება.
„გამოძიების ანგარიში, ვფიქრობ, დაეხმარება ადამიანებს, ვისაც არ ჰყავს ოჯახი. მათ ეცოდინებათ, რომ უამრავ ადამიანს სჯერა მათი და მხარს უჭერენ,“ - ამბობს კეროლინი.
გამოძიება აშშ-ს კათოლიკურ ეკლესიაში ორი წლის განმავლობაში მიმდინარეობდა. დაიკითხა ათობით მღვდელი და მათმა უმეტესობამ ჩადენილ დანაშაულებზე ღიად ისაუბრა.
მსხვერპლთა უმეტესობა ბიჭია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
