მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნანგრევებში ჯერ კიდევ ეძებენ ხალხს..." - ნატო დუმბაძე და ზალიკო ბერგერი იტალიაში მომხდარი ტრაგედიის ადგილას იმყოფებიან
12:18 / 15-08-2018
იტალიის ქალაქ გენუაში საავტომობილო ხიდის ჩანგრევის შედეგად დაღუპულთა რაოდენობამ 30 ადამიანს გადააჭარბა. იტალიური მედია იუწყება, რომ დაღუპულებს შორის 3 ბავშვია.
იტალიის მეხანძრეების ეროვნული კორპუსის ხელმძღვანელის, ემანუელე ჯისის განცხადებით, ხიდიდან დაახლოებით 30 მანქანა ჩავარდა. მაშველებმა ნანგრევებიდან 16 ადამიანი გამოიყვანეს.
როგორც გაირკვა, შემთხვევის ადგილიდან 15 წუთის სავალზე ჩვენი თანამოქალაქე, პროდიუსერი ნატო დუმბაძე იმყოფებოდა, რომელმაც ტრაგედიის შესახებ AMBEBI.GE-ს უამბო:
- რომში 2 დღე ვიმყოფებოდი, იქ ძალიან ცხელოდა და პორტოფინოში ჩამოვედი, ზღვაზე ვიმყოფები. მთელი 20 დღის განმავლობაში არ უწვიმია, საშინელი სიცხეები იყო იტალიაში. აქაურები ამბობდნენ, ასეთი ცხელი ზაფხული არ გვახსოვსო და გუშინ, შემთხვევის დღეს პირველად გაწვიმდა, იყო ჭექა-ქუხილი, მეხი...
გუშინ დილას მეგობრებს - ზალიკო ბერგერს და ვასიკო თედორაშვილს ველოდებოდი. დამირეკეს, დიდ საცობში ვდგევართ, არ ვიცით, რა ხდება, გვაგვიანდებაო. ისინი სანრემოდან მოდიოდნენ. მერე აქ, იტალიელმა ქალბატონმა გვითხრა, რომ გენუაში ხიდი ჩაინგრა და შვილს ვერ უკავშირდებოდა. ეს რომ გავიგე, ძალიან ვინერვიულეთ, თუმცა უკვე ვიცოდი, რომ ზალიკო და ვასიკო სამშვიდობოს იყვნენ. მათთან მუდმივი კავშირი მქონდა.
შემდეგ ამ ქალბატონის შვილმაც დარეკა და თქვა, რომ შემოვლითი გზით მშვიდობით დაბრუნდა! ზალიკო და ვასიკოც შემოვლითი გზით წამოვიდნენ. ნაცვლად 15 წუთისა, 1 საათი შეყოვნდნენ. რაც შეეხება იტალიის მთავრობას, ჯერ ვერაფერს ამბობენ, თუმცა როგორც გავიგე, ხიდი მოძველებული იყო და მასზე სარემონტო სამუშაოები იყო ჩასატარებელი. დაიწყება გამოძიება. ნანგრევებში ჯერ კიდევ ეძებენ ხალხს. იტალიას საკმაოდ კარგი, ახალგაზრდა პრემიერი ჰყავს და ასე არ დატოვებს ამ უბედურ შემთხვევას. მართლა საშინელი რამ მოხდა. ეს ხიდი მე კარგად ვიცი, მასზე რამდენჯერ გადავსულვარ, სანრემოში რომ მიდიხარ, ეგ ხიდი უნდა გაიარო.
- ახლა ეს დამაკავშირებელი მაგისტრალი რომ აღარ არის, გაწყდა კავშირი?
- არა, გზა ქალაქს წრეს უვლის, ძალიან დიდია, ზუსტი სიგრძე კი არ ვიცი. სადაც ვიმყოფები, იქიდან მანქანით 15 წუთის სავალზეა. პორტოფინო და გენუა ერთმანეთთან ისეა, როგორც მცხეთა და თბილისი. მონაკო, ნიცა, სანრემოში რომ მოხვდე, გენუა უნდა გაიარო. ამასთან, ჯერ გენუაში უნდა ჩაფრინდე და იქიდან მანქანით ლიგურიის სანაპიროზე მოხვდები. ამ ტრაგედიის გამო, ცხადია, აქ პანიკა იყო, დაღუპულია 30-ზე მეტი ადამიანი - ოფიციალური მონაცემები ასეთია, თუმცა კიდევ ეძებენ...
ტრაგედიის ადგილას სამაშველო სამსახურის წარმომადგენლები მუშაობას განაგრძობენ. ქალაქ გენუას ადგილობრივმა ხელისუფლებამ დღევანდელი და ხვალინდელი დღეები გლოვის დღეებად გამოაცხადა.
იტალიური მედიის ინფორმაციით, თვითმხილველები აცხადებენ, რომ გენუაში საავტომობილო ხიდის ჩამონგრევამდე მას მეხი დაეცა.
აღნიშნული ხიდი 60-იან წლებში იყო აშენებული. მისი რეკონსტრუქცია კი 2016 წელს ჩატარდა. სოციალურ ქსელებში იტალიელები აღნიშნავენ, რომ ხიდი არაერთხელ იყო შეკეთებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
