მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისში, 54 წლის ქალი საავადმყოფოდან გაწერიდან ნახევარ საათში გარდაიცვალა - უბედური შემთხვევა თუ ექიმის დაუდევრობა?
16:58 / 14-08-2018
54 წლის ნანა შალვაშვილი საავადმყოფოდან გაწერის შემდეგ ნახევარ საათში გარდაიცვალა. გარდაცვალების ზუსტი მიზეზი დაუდგენელია, თუმცა დაზარალებული ოჯახი მომხდარში მკურნალ ექიმს ადანაშაულებს და საქმის გამოძიებას ითხოვს. თავად ექიმი კი მის უდანაშაულობაში დარწმუნებულია და მომხდარზე წუხს.
ნანა შალვაშვილი N1 კლინიკური საავადმყოფოს (არამიანცი) ნევროლოგიის განყოფილებაში 8 აგვისტოს გულისრევის შეგრძნებით და თაბრუსხვევით მიიყვანეს. კლინიკაში მას ანემიის დიაგნოზი დაუსვეს და შესაბამისი მკურნალობაც დაუნიშნეს. პაციენტი კლინიკაში მკურნალობას 4 დღის განმავლობაში გადიოდა მეხუთე დღეს კი შესაბამისი დანიშნულებით სახლში გაწერეს. თუმცა, 12 აგვისტო პაციენტისთვის საბედისწერო აღმოჩნდა - სახლში მისვლიდან ნახევარ საათში, ნანა შალვაშვილი მოულოდნელად გაითიშა და მისი გადარჩენა ვეღარ შეძლეს.
მომხდართან დაკავშირებით AMBEBI.GE-ს გარდაცვლილის მეუღლე დავით შალვაშვილი ესაუბრა:
„ჩემს მეუღლეს ოთხშაბათს დილით გულის რევის შეგრძნება და თაბრუსხვევა დაემართა. გამოვიძახეთ სასწრაფო, რომლებმაც საავადმყოფოში გადაგვიყვანეს. მიგვიყვანეს არამიანცში, ნეიროქირურგიის განყოფილებაში. ანემიის დიაგნოზი დაუსვეს - ჰემოგლობინი ჰქონდა 54 და დაუნიშნეს შესაბამისი მედიკამენტები. მისი მკურნალი ექიმი იყო განყოფილების გამგე ლია ლურსმანაშვილი, რომელმაც ანალიზები აუღო, თირკმელიც გაუსინჯა და გვითხრა ყველაფერი კარგად არისო. პარასკევს კი გვითხრა, კვირას გაგწერთო. გაწერის დღეს თავად არ იყო მკურნალი ექიმი, დანიშნულება დაგვიწერეს ფურცელზე და გამოგვიშვეს. გაწერისას არანაირი ანალიზი აღარ ჩაუტარდა, პრაქტიკულად თავიდან მოგვიშორეს.
სახლში ნახევარი საათის მოყვანილი გვყავდა, რომ უცბად გაითიშა. სასწრაფოს გამოვუძახეთ და ქინძმარაულზე “ევექსის“ კლინიკაში ჩავიყვანეთ, მაგრამ ვეღარაფერი ვუშველეთ. გარდაცვალების მიზეზი პრაქტიკულად გაურკვეველია, ახლა მითხრეს, რომ სავარაუდოდ, რაღაც უცნობი ვირუსი ექნებოდაო“, - გვითხრა გარდაცვლილის მეუღლემ.
დავით შალვაშვილი მეუღლის დაკრძალვის შემდეგ ჯანდაცვის სამინისტროს რეგულირების სააგენტოს მიმართავს და საქმის გამოძიებას მოითხოვს. "შესაბამისი უწყებისთვის ჯერ არ დამირეკავს, თუმცა საქმის კურსში აუცილებლად ჩავაყენებ. ამ ამბავმა ჩაიაროს და მერე მივხედავ, რომ სხვასაც იგივე არ გაუკეთონ, თორემ ჩემსას აწი არაფერი ეშველება..." - გვითხრა გარდაცვლილი პაციენტის მეუღლემ.
მომხდარით შეძრულია ნანა შალვაშვილის მკურნალი ექიმი ლია ლურსმანაშვილი, რომელიც ოფიციალურ დასკვნას და გამოძიებას დაელოდება. მისი თქმით, პაციენტს ყველა საჭირო მკურნალობა ჩაუტარდა.
"ნანა შალვაშვილი ოთხშაბათს, თაბრუსხვევით შემოიყვანეს, როგორც პაციენტმა გვითხრა ეს სიმპტომები ერთი კვირის განმავლობაში უგრძელდებოდა. წინა დღეს კი ხალიჩები გარეცხა და ძლიერი ფიზიკური დატვირთვის გამო უფრო გაუძლიერდა. შემდეგ მოიყვანეს ჩვენთან, ჩაუტარდა ანალიზი. თავდაპირველად რაღაც ცვლილებები იყო, შარდი მუქი შეფერილობის ჰქონდა. როდესაც დავინტერესდი, მან გვითხრა, რომ ეს ერთი კვირის წინ შეამჩნია, მაგრამ საზამთროს ჭამას დააბრალა და ყურადღება არ გაუმახვილებია. ჩვენ უყურადღებოდ არ დავტოვეთ და 9 და 10 აგვისტოს ექოსკოპია გავუკეთეთ. მისი გინეკოლოგიური მდგომარეობითაც დავინტერესდით, ვკითხე და გვითხრა, რომ არანაირი დენა არ ჰქონია. თირკმელაზე კი არაფერი ჰქონდა.
ზოგადად პაციენტის ჯანმრთელობის მდგომარეობა სტაბილური იყო. პალატაში იწვა, რეანიმაციაში გადაყვანას არ საჭიროებდა, თორემ კლინიკას ეს განყოფილება აქვს, სხვაგან გადაყვანაც არ იქნებოდა საჭირო. 30-წლიანი მუშაობის სტაჟი მაქვს და ასეთი რამ არ შემთხვევია. მეც ისევე გაოგნებული ვარ როგორც ოჯახი. რაც შემეძლო ნამდვილად ყველაფერი გავაკეთე. თითო პაციენტს საათობით ვსინჯავ, რომ არაფერი გამომრჩეს. ამიტომ დაველოდები ოფიციალურ დასკვნას. დარწმუნებული ვარ, არანაირი ჩემი ბრალეულობა არ გამოიკვეთება" - გვითხრა ლურსმანაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
