მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შემომთავაზეს, ძიძის ხელფასი ბავშვის ანგარიშზე ჩარიცხულიყო..." - რას ყვებიან ბაღში მომხდარ ინციდენტზე გამგე და ბავშვის მშობელი
15:53 / 14-08-2018
დიდ დიღომში, საბავშვო ბაღ "პირველ ნაბიჯში" მომხდარ ინციდენტზე გამოძიება დაიწყო. აღმზრდელის მიერ ბავშვზე განხორციელებულ სავარაუდო ძალადობის ფაქტზე, გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
ბაღში მომხდარი ინციდენტის კადრები, რომელზეც ასახულია როგორ ანჯღრევს ძიძა რვა თვის ბავშვს, სოციალურ ქსელში ჩვილის ოჯახმა გაავრცელა.
AMBEBI.GE-ს ინფორმაციით, ძიძა, რომელიც უხეშად ეპყრობა ბავშვს, ხათუნა ფაილოძეა და მას ბავშვებთან აღმზრდელობითი მუშაობის მრავალწლიანი გამოცდილება აქვს. ინციდენტთან დაკავშირებით, AMBEBI.GE ბაღის გამგეს დიანა კიკნაძეს ესაუბრა:
"ელენე გ-ს მშობელმა მოგვმართა თხოვნით, რომ მიგვეღო 8 თვის ბავშვი. ვინაიდან აგვისტოს თვეში ბაღის ძირითადი პერსონალი შვებულებაშია და პატარა ასაკის გამო ბავშვს სპეციფიკური მოვლა-ყურადღება ესაჭიროებოდა, ამის გამო, 5 აგვისტოს, 1 თვით თანამშრომლად ავიყვანეთ ძიძა – ხათუნა ფაილოძე. მას რეზიუმეში ეწერა, რომ წლების განმავლობაში მუშაობდა ოჯახებში კონკრეტული ასაკის ბავშვებთან, ჩვენც ნდობა გამოვუცხადეთ და მივამაგრეთ ბავშვი.
ბაღში გვაქვს ვიდეოკამერები და როგორც თანამშრომლებს, ასევე მშობლებს საშუალება ეძლევათ ონლაინ რეჟიმში თვალყური ადევნონ მათ შვილებს. როგორც კი მშობელმა ადმინისტრაციას აცნობა ძალადობის ფაქტის შესახებ, მაშინვე მივიღეთ სათანადო ზომები - 3 დღის მოსული ძიძა გავათავისუფლეთ სამსახურიდან, მშობელს კი საშუალება მივეცით, ამოეღო ვიდეოჩანაწერი და მიეღო სათანადო ზომები იმ ადამიანის მიმართ, ვისთანაც ჰქონდათ პრეტენზია" - ამბობს დიანა კიკნაძე და დასძენს, რომ ბაღში მუშაობის 10-წლიანი გამოცდილება აქვს, თუმცა მსგავსი შემთხვევა არასოდეს ჰქონია.
ბაღის გამგის თქმით, კანონი არ ავალდებულებს, საბავშვო ბაღში ვიდეოკამერები იყოს დამონტაჟებული, თუმცა ისინი საკუთარი სურვილით დაამონტაჟეს, რათა მუშაობის პროცესი გამჭვირვალე ყოფილიყო. კიკნაძე ამბობს, რომ აღნიშნული ინციდენტის შემდეგ, დაზარალებულის ოჯახთან მუდმივ კონტაქტზე იყო:
"შემთხვევის შემდეგ, ბავშვის მშობლებთან მქონდა მუდმივი კონტაქტი, ჩვენ დავთქვით შეხვედრა, შვებულებიდან გავედი და დავბრუნდი თბილისში. მაინტერესებდა რას აპირებდნენ. მათ შეხვედრა არ ისურვეს, რის შემდეგაც დავურეკე ბავშვის დედას, რომელმაც ამიხსნა, რომ იმ მომენტში აფექტურ მდგომარეობაში იყო, აღარ სურდათ ამ თემაზე საუბარი და ჯერ არ იცოდნენ, რას მოიმოქმედებდნენ.
მოგვიანებით, დამირეკა ბავშვის მამიდამ და შემომთავაზა, რომ ძიძას გაეგრძელებინა მუშაობა, ხოლო მისი ხელფასი - 400 ლარი ყოველთვიურად ბავშვის ანგარიშზე ჩარიცხულიყო. გავოცდი, რატომღა ჰქონდათ მშობლებს სურვილი, ასეთი მოძალადე ძიძის ხელში დარჩენილიყო მათი შვილი. წინადადებას არ დავთანხმდი, ვინაიდან ასეთ თანამშრომელს თვითონ აღარ გავაჩერებდი სამსახურში, ბოლო-ბოლო ეს პრესტიჟის ამბავიცაა. შემთხვევიდან 5 დღის შემდეგ, ოჯახის წევრებმა სოციალურ ქსელში განათავსეს ვიდეო და ბაღის რეპუტაციის შელახვა გადაწყვიტეს. ახლა ჩვენ ვაპირებთ სათანადო რეაგირებას, რათა ყველაფერს თავისი სახელი დაერქვას" - გვითხრა ბაღის გამგემ.
AMBEBI.GE კომენტარისთვის დაზარალებული ბავშვის ოჯახსაც დაუკავშირდა. ტარიელ გ, ელენეს მამა:
"აღშფოთებული და ძალიან გაღიზიანებული ვარ, რადგან ბაღების მიმართ მაინც მქონდა ნდობა. ჩანაწერი ბაღის ტექნიკურმა სამსახურმა გადმოგვცა და ის შემდგომ ჩემმა მეუღლემ დადო “ფეისბუქზე”.
პოლიციისთვის არ მიმიმართავს, ვთვლი, რომ ეს მხოლოდ ძიძის პრობლემა არ იყო. მომხდარით მარტო მენეჯერი აღშფოთდა, ვინაიდან ძიძა მისი მოყვანილი კადრი იყო, სასოწარკვეთილი მესაუბრებოდა, ხოლო გამგე, რომელიც თურმე ბორჯომში ისვენებდა, ძალიან მშვიდად მესაუბრა, აღშფოთებაც არ გამოუხატავს და მიხსნიდა - ძიძა სამსახურიდან გავუშვი და თქვენ თუ გეგულებათ ვინმე, ვისაც ბავშვს ანდობდით, შემიძლია მივიღო სამსახურში და თქვენს შვილს მიხედავსო. ამით თითქოს ყველაფერი დასრულდა, ბაღმა თავზე სხვა არანაირი პასუხისმგებლობა არ აიღო.
- როგორც გვითხრეს, ბაღის გამგეს თქვენთან დალაპარაკება უცდია, რატომ არ შეხვდით მას?
- ეს მას შემდეგ მოხდა, რაც მკაცრად დაველაპარაკე და ვუთხარი, რომ შემეძლო სხვა ზომები მიმეღო. მანამდე თურმე კამერებს არც მენეჯერი უყურებდა და არც გამგე. ჩემი მეუღლე სამსახურში მიდიოდა, ჩართო თუ არა კამერა, მაშინვე დაფიქსირდა ეს ფაქტი, წინა დღეებში რა ხდებოდა არ ვიცით, ესეც გასარკვევია. ცოტა დაბნეულიც ვარ. ბაღის ადმინისტრაციას მე ვთხოვე, რომ სამართალდამცველების ჩარევის გარეშე გადმოეცათ ჩანაწერი, გადავავლეთ თვალი და შოკირებული დავრჩი.
- ბავშვის მამიდამ მართლა შესთავაზა ბაღის გამგეს, რომ თქვენს შვილთან ისევ იმ ძიძას ემუშავა და მისი გასამრჯელო თქვენი ბავშვის ანგარიშზე დარიცხულიყო?
- როგორ ფიქრობთ, მამას გაუჩნდება იმის სურვილი, რომ ბავშვი ისევ ასეთ ძიძას ანდოს?! ჩემს დას ბავშვი ამავე ბაღში დაყავდა და ის ესაუბრა ბაღის გამგეს. მე საუბრის შინაარსი არც ვიცოდი და ქალბატონ დიანას ვუთხარი, რომ ამ თემაზე ოჯახის წევრებიდან ჩემს გარდა არავისთან ესაუბრა. მით უმეტეს ჩემს დასთან, რომელიც მკურნალობს და პატარა ნერვიულობაზეც კრუნჩხვებში ვარდება, ფსიქოთერაპიიის კურსს გადის. მას შემდეგ, რაც ჩემმა მეუღლემ სოციალურ ქსელში განათავსებინა ეს ვიდეო, ქალბატონი დიანა ულტიმატუმის ენით მესაუბრა, ვიდეო აიღეთ, თორემ მეც მაქვს თქვენს დასთან საუბრის ჩანაწერი, სადაც მაშანტაჟებს და ფულის გამოძალვას ცდილობსო. ვკითხე, ჩანაწერი ორმხრივი შეთანხმების საფუძველზე თუ ჰქონდა მოპოვებული, რაზეც უარი მითხრა, მაშინ იურისტებთან ერთად ვისაუბროთ ერთმანეთთან-მეთქი და ამით დავასრულეთ საუბარი.
- ახლა რას აპირებთ?
- ვერ გეტყვით რას ვაპირებ, ცუდ სიტუაციაში ვარ. ჯერ ვერ გავიაზრე, როგორ მოვიქცე. იურისტს გავესაუბრები და ამის შემდეგ გადავწყვეტ, როგორ მოვიქცე.
შეგახსენებთ, შსს-ს ინფორმაციით, სამართალდამცველებმა ფაქტის შესახებ მიღებული შეტყობინებისთანავე დაიწყეს გამოძიება სისხლის სამართლის კოდექსის 126-ე პრიმა მუხლით, რაც არასრულწლოვნის მიმართ ძალადობას გულისხმობს. ამ ეტაპზე მიმდინარეობს აქტიური საგამოძიებო მოქმედებები.
ავტორი: ნანა ფიცხელაური
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გამგე რომ ყოველთვის ცამდე მართალია, თურმე შვებულებიდანაც დაბრუნებულა! ყველა ერთმანეთზე უარესები, ბავშვებმა რა დააშავეს?!სულ