მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინი არ გაჩერდება, ვიდრე მას არ გააჩერებენ - რას წერს სააკაშვილი The Wall Street Journal-ში გამოქვეყნებულ სტატიაში?
12:50 / 09-08-2018
2008 წლის აგვისტოს სეპარატისტული ანკლავის „დაცვის“ საბაბით რუსეთი ჩემს ქვეყანაში შემოიჭრა. იმის თქმა, რომ რუსეთმა არაპროპორციული ძალა გამოიყენა, რეალობის დაკნინებაა, - ამის შესახებ საქართველოს ყოფილი პრეზიდენტი მიხეილ სააკაშვილი გამოცემა The Wall Street Journal-ში გამოქვეყნებულ სტატიაში წერს.
„თუმცა, ზოგიერთებმა დასავლეთში, როგორიც იყო იტალიის მაშინდელი პრემიერ-მინისტრი სილვიო ბერლუსკონი, საქართველო დაადანაშაულეს. გვერდზე რომ გადავდოთ ის, რომ შეუძლებელი იყო საქართველო თავს დასხმოდა ბირთვულ ზესახელმწიფოს, კონფლიქტი საქართველოს საერთაშორისოდ აღიარებულ ტერიტორიაზე გაჩაღდა. კრემლის განცხადება, რომ მათ სახმელეთო ძალების მობილიზება ერთი ღამის განმავლობაში მოახერხეს, აბსურდია. ამგვარი შეტევა მომზადებას ითხოვდა“, - წერს მიხეილ სააკაშვილი თავის სტატიაში.
საქართველოს ყოფილი პრეზიდენტის თქმით, „მიუხედავად იმისა, რომ ბევრმა დასავლელმა ლიდერმა ერთმნიშვნელოვლად დაგმო რუსეთი, კრემლის ანაზღაურებაზე მყოფმა ლობისტებმა და დასავლეთის მთავრობებმა, რომლებსაც ენერგეტიკისა და თავდაცვის სფეროში ხელსაყრელი შეთანხმებები ჰქონდათ რუსეთთან დადებული, საქართველო დაადანაშაულეს“.
„პუტინი დღესაც განაგრძობს ამ სუსტი მხარეების გამოყენებას. პუტინი აფინანსებს ევროპულ მემარცხენე და მემარჯვენე პოლიტიკურ ძალებს, ხოლო სოციალურ მედიაში რუსეთის მიერ დაფინანსებული დეზინფორმაცია ცივილიზებული დისკურსის ჩაშლას უწყობს ხელს. საქართველოში შექმნილ კრიზისზე ერთიანი პასუხის არგაცემა ცხადყოფს იმას თუ როგორ სათანადოდ ვერ აფასებს ბევრი დასავლეთში რუსეთის ამბიციებს“, - აღნიშნავს მიხეილ სააკაშვილი თავის სტატიაში.
მისი თქმით, საქართველო რუსეთის ბუნებრივ სამიზნეს წარმოადგენს.
„ჩვენ ყოველთვის მივიჩნევდით ჩვენს თავს დასავლური სამყაროს ნაწილად, ხოლო რუსეთი ჩვენ გვიყურებს, როგორც დასავლური ცივილიზაციის ფრონტის ხაზს. დასავლეთში ბევრმა ჩვენმა პარტნიორმა ვერ გაიაზრა, რომ საქართველოში მომხდარი კონფლიქტი საბოლოო ჯამში არ ეხებოდა საქართველოს. ოკუპაციაზე უღიმღამო საერთაშორისო პასუხმა უფრო გაბედული გახადა რუსეთის ავანტიურიზმი მეზობელ ქვეყნებში“, - წერს მიხეილ სააკაშვილი.
საქართველოს ყოფილი პრეზიდენტი თავის სტატიაში კითხვას სვამს: როგორ შეუძლია დასავლეთს რუსეთს უპასუხოს?
„პუტინი არ გაჩერდება, ვიდრე მას არ გააჩერებენ. ის დასავლეთის მხრიდან დათმობებს, როგორც სისუსტის ნიშანს განიხილავს. საქართველოს ტერიტორიებისა და ყირიმის მიტაცება არ იყო მხოლოდ ახალი ტერიტორიის მოპოვება. რუსეთი გაყინულ კონფლიქტებს ქმნის, რათა ხელი შეუშალოს ასპირანტ ქვეყნებს ნატო-ში გაწევრიანება. რუსეთს არ აქვს უფლება თავის მეზობლებს ნატო-ში წევრობაზე ვეტო დაუდოს. ეს ნატო-ს ყველა წევრმა ქვეყანამ უნდა გაიაზროს და საქართველოსა და უკრაინას გაწევრიანების რეალისტური საგზაო რუქა უნდა შესთავაზონ“, - დასძინა საქართველოს ყოფილმა პრეზიდენტმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
