დღის პოზიტიური ამბავი: თავდაცვის აკადემიის კურსდამთავრებულმა ფიცის დადების შემდეგ საკუთარ რჩეულს ხელი სთხოვა

ეროვნული თავდაცვის აკადემიის კურსდამთავრებულ შალვა ხუნძაყიშვილისთვის აკადემიის დამთავრების დღე ორმაგად სასიხარულო აღმოჩნდა. მან ბაკალავრის დიპლომის მიღების შემდეგ, საკუთარ რჩეულს სტუმრების თანდასწრებით ხელი სთხოვა. პოზიტიური ამბავი და ფოტომასალა თავდაცვის სამინისტრომ გაავრცელა.

ეროვნული თავდაცვის აკადემიის ბაკალავრიატისა და ოფიცერთა მომზადების საკანდიდატო კურსის დასრულება აკადემიის სამწყობრო მოედანზე საზეიმო ცერემონიალით აღინიშნა. 118-მა ლეიტენანტმა საზეიმო ვითარებაში ფიცი დადო.