მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქურთმა ლტოლვილმა მათემატიკაში უმაღლესი ჯილდო მიიღო
10:22 / 02-08-2018
ბრაზილიაში მათემატიკოსები მსოფლიოს ყველა ქვეყნიდან ჩავიდნენ. რიოში ყველაზე პრესტიჟული დაჯილდოების ცერემონიალი შედგა და მათემატიკაში შეტანილი დიდი წვლილისთვის ოთხ ადამიანს ფილდსის მედალი გადასცეს.
ჯილდო იმდენად მნიშვნელოვანია, რომ მას „მათემატიკის ნობელის პრემიას“ უწოდებენ.
მისი მფლობელები ქაშერ ბირკარი, ალესიო ფიგალი, პიტერ შოლცე და აქშაი ვენკატეში გახდნენ.
მსოფლიო მედიის ყურადღების ცენტრში კი პროფესორი ბირკარი მოხვდა, რომელიც ეროვნებით ქურთია და დიდ ბრიტანეთს რამდენიმე წლის წინ პოლიტიკური თავშესაფარი სთხოვა.
კემბრიჯის უნივერსიტეტის პროფესორი ამბობს, რომ ვერასოდეს წარმოიდგენდა, თუ ამ ყველაფერს რეალურად მიაღწევდა. თუმცა, ცერემონიაზე უსიამოვნო ინციდენტსაც ჰქონდა ადგილი - ოქროს მედლის გადაცემის შემდეგ ბირკარის ჩემოდანი, რომელშიც პრესტიჟული ჯილდო შეინახა, დაიკარგა.
ქაშერ ბირკარი ქურთისტანის პროვინციაში, ირან-ერაყის საზღვართან მდებარე სოფელში დაიბადა. გამოცემასთან Quanta magazine მან განაცხადა, რომ თეირანში, მათემატიკის კლუბში, სადაც თავადაც დადიოდა, ფილდსის მედლის გამარჯვებულების სურათები კედლებზე ეკიდა.
„ვუყურებდი და ვეკითხებოდი ჩემს თავს, ნეტა ოდესმე თუ შევხვდებოდი ამ ადამიანებს. მაშინ იმასაც კი ვერ წარმოვიდგენდი, რომ ირანიდან ოდესმე დასავლეთის ქვეყნებში წავიდოდი,“ - ჰყვება ბირკარი.
სწავლა თეირანის უნივერსიტეტში გააგრძელა, მოგვიანებით კი შეძლო, დიდ ბრიტანეთში გამგზავრებულიყო და პოლიტიკური თავშესაფარი ეთხოვა. მისი მოთხოვნა დააკმაყოფილეს. იმ დროისთვის მათემატიკოსს ინგლისურად საუბარი გამართულადაც არ შეეძლო.
სულ მალე ბირკარის ნაშრომმა ბირაციონალურ გეომეტრიაში დიდი წარმატება მოიპოვა და პრესტიჟული ჯილდო მოუტანა.
რაც შეეხება ფილდსის მედალს, 40 წლამდე მათემატიკოსებს ყოველ 4 წელიწადში ერთხელ აჯილდოებენ. თითოეული გამარჯვებული 15 ათას კანადურ დოლარს იღებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
