მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთში შიდსით ყოველდღიურად 100 ადამიანი იღუპება - "ვირუსმა უკვე ეპიდემიის სახე მიიღო"
11:56 / 31-07-2018
რუსეთს აივ ინფექცია უტევს. ინტერნეტგამოცემა rbc.ru-ს ცნობით, ბოლო წლების განმავლობაში, მხოლოდ მოსკოვში ვირუსის მატარებელთა რაოდენობა 20%-ით გაიზარდა და ამ მონაცემებით, რუსეთმა, აივ-ინფიცირების შემთხვევებით, მსოფლიოში მესამე ადგილი დაიკავა.
გამოცემის ინფორმაციით, განსაკუთრებით მძიმე მდგომარეობაა პროვინციებში, სადაც ცნობიერებაც დაბალია და სამედიცინო მომსახურებაც ცუდად არის განვითარებული.
აკადემიკოს ვადიმ პოკროვსკის თქმით, შიდსით, რუსეთში, ყოველდღიურად, 100-მდე ადამიანი იღუპება და ეს ეხება დაბალშემოსავლიან სოციალურ ფენას. მთლიანობაში კი, რუსეთის მილიონობით მოქალაქე აივ-ინფიცირებულია, უბრალოდ, გარკვეული ნაწილი ვირუსის მართვას ახერხებს...
“ხელისუფლების არასაკმარისი აქტიურობის, გამოკვლევებისა და პროფილაქტიკური სამუშაოების გამო, რუსეთის ზოგიერთ რაიონში ვირუსმა უკვე ეპიდემიის სახე მიიღო და რაც ყველაზე მთავარია, გავრცელების პრევენციაზე არავის ზრუნავს“, - აცხადებს ის. სპეციალისტის თქმით, რუსეთის სახელმწიფო არ ზრუნავს ვირუსის მატარებელ ადამიანებზე, მეტიც, ცდილობს, არ ისაუბროს ამ თემაზე. ამასობაში კი ვითარება სულ უფრო მწვავდება და ახალგაზრდავდება.
“მხოლოდ 2017 წელს, აივ-ვირუსის შემთხვევები 20,4 %-ით გაიზარდა. ეს რაც შეეხება ოფიციალურ მონაცემებს, რომელსაც ადგილობრივი ჯანდაცვის სამინისტრო ავრცელებს, თუმცა, სინამდვილეში ვითარება გაცილებით მძიმეა, რადგან მოსახლეობაში ცნობიერება ძალიან დაბალია და ბევრმა არც იცის, რომ ვირუსის მატარებელია,” - წერს ვადიმ პოკროვსკი.
მისივე თქმით, თუნდაც მცირედი შედეგის მისაღებად, სახელმწიფომ მკურნალობისთვის განკუთვნილი თანხა უნდა გაასამმაგოს, თუმცა, აქვე დასძენს, რომ საპენსიო ასაკის გაზრდის ფონზე, ეს სულაც არ არის მოსალოდნელი.
“2016 წლის სტატისტიკის თანახმად, გამოვლინდა 2,400 შემთხვევა, 2017 წელს - 2,900, რაც ჯანდაცვის სამინისტროს ოფიციალური ინფორმაციაა და რეალური სურათისგან ძალიან შორს არის. შიდსთან ბრძოლის ფედერალური ცენტრის ინფორმაციით, მთელ ქვეყანაში სულ დარეგისტრირებულია 1 200 000-ზე მეტი ადამიანი და მათ შორის არიან როგორც გარდაცვლილები, ასევე ისინი, ვინც მკურნალობს. 2017 წლის ბოლოს, ეს რაოდენობა 944 000 ვირუსის მატარებელი ადამიანით გაიზარდა და მათი უმეტესი ნაწილი ახალგაზრდაა", - წერს გამოცემა.
ამ მხრივ უმძიმესი მდგომარეობა ჩუკოტკასა და ტივას რესპუბლიკაში. დაავადებული ადამიანების ასაკი 29-73 წელია და რეგიონში, 50 ათასზე მეტი ადამიანია შიდსის ცენტრში დარეგისტრირებული.
ვირუსის გავრცელების ყველაზე მეტი შემთხვევა ირკუტსკში დაფიქსირდა, სადაც მხოლოდ ის არის ცნობილი, რომ შარშანდელის შემდეგ, 4 200 ახალი შემთხვევა დაფიქსირდა. ამ ფონზე კი, რუსეთის ჯანდაცვის სამინისტროს ინფორმაციით, ქვეყანაში 34 ათასამდე აივ-ვირუსის მატარებელი ადამიანი ცხოვრობს, რაც ასევე შორს არის რეალობისგან. ზუსტ ინფორმაციას, “პანიკის თავიდან არიდების მიზეზით” არც შისდის ცენტრი ავრცელებს.
აკადემიკოს პოკროვსკის თქმით, ადგილობრივ მოსახლეობაში ამ ვირუსთან დაკავშირებით ცნობიერება იმდენად დაბალია, რომ პაციენტები და უბრალო ადამიანები კი არა, ექიმებიც კი არ არიან ინფორმირებული და ჰომოფობია მათ შორისაც ძველებურად ძლიერია. კიდევ ერთი, - დაავადების გავრცელების მაჩვენებელი ძალიან დიდია სექსუალურ უმცირესობას შორის და ისინი ძალიან მწვავე რეალობის წინაშე არიან, რადგან მკურნალობა იმ დოზითაც კი, როგორც ეს რუსეთშია ხელმისაწვდომი, მათთვის მიუწვდომელია, რადგან ძალიან ბევრი ექიმი ჰომოსექსუალებისა და ლესბოსელების მკურნალობაზე უარს აცხადებს.
novayagazeta.ru-ს ცნობით, ვირუსი ვრცელდება სამედიცინო დაწესებულებებში სტანდარტების უგულებელყოფის გამოც, ეს ეხება ყველა სახის სამედიცინო მომსახურებას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
