მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ტყუილად მქონდა იმედი, რომ „რუსთავი 2“ სიმართლით დაინტერესდებოდა"
13:06 / 30-07-2018
"ჩვენ ერთ-ერთი ვართ იმ 300-მდე კომპანიიდან, ვინც ზუსტად ამ სქემით ჩაერთო “აწარმოე საქართველოში”
"დამიძახეთ და მოვალ ეთერში და სიმართლეს ვილაპარაკებ, დამიძახეთ და მოვალ, ისე ნუ მიედ-მოედებით, ძალიან გთხოვთ რა“ - ასე მიმართავდა 21 ივლისს „კოლორპაკის“ დირექტორი გიორგი ჟორჟოლიანი „რუსთავი 2“-ს, როდესაც ანონსიდან შეიტყო, რომ მისი კომპანიის შესახებ “კურიერში” დამახინჯებულ ინფორმაციაზე აგებული სიუჟეტი მზადდებოდა.
„ფეისბუქში“ ეს ვიდეომიმართვა გამოქვეყნდა „კურიერის“ დაწყებამდე რამდენიმე საათით ადრე და გიორგი ჟორჟოლიანმა „რუსთავი 2“-იდან “დათაგა” ყველა - ნიკა გვარამიათი დაწყებული და ჟურნალისტებით დამთავრებული. თუმცა, 21 ივლისის გადაცემაში ზემოხსენებული სიუჟეტი ისე გავიდა, რომ „კოლორპაკის“ დირექტორს არავინ დაკავშირებია.
დღეს 30 ივლისია და ჩვენ დავინტერესდით, გასული ერთი კვირის განმავლობაში, შეეხმიანა თუ არა "რუსთავი 2“ გიორგი ჟორჟოლიანს, თუნდაც ფორმალურად, რომ მას გვიან, მაგრამ მაინც დაეფიქსირებინა მისი პოზიცია.
„მცირე იმედი მქონდა, რომ „რუსთავი 2“ სიმართლით დაინტერესდებოდა, თუმცა... არავინ დამკავშირებია და როგორც ჩანს, ეს მცირე იმედიც ტყუილად მქონდა“, - გვითხრა ჟორჟოლიანმა 30 ივლისს.
„რუსთავი 2“-მა „კოლორპაკის“ შესახებ პირველი ტყუილები 17 ივლისს გაავრცელა - კერძოდ, ტელევიზიამ უცნობი „ჟურნალისტური“ ორგანიზაციის ჩაწოდებით გაავრცელა ინფორმაცია, თითქოს პროგრამა „აწარმოე საქართველო“ ბიუჯეტიდან ბანკის კრედიტის პროცენტებს უხდის „კოლორპაკს“ და ეს ხდება იმიტომ, რომ „პალიტრამედიაში“ შემავალი ორგანიზაციის „კოლორპაკის“ დამფუძნებელი ქუმსიშვილის ნათესავია. ამის გარდა, სიუჟეტში კიდევ არაერთი ცრუ ინფორმაცია გაჟღერდა “კოლორპაკის” და მისი დამფუძნებლების შესახებ. 17 ივლისის ამ სიუჟეტის ავტორებს მეორე მხარესთან დაკავშირება არც კი უცდიათ...
სიმართლე კი ძალიან მარტივია - პროგრამა „აწარმოე საქართველოს“ დებულების მიხედვით, რომელიც ადვილად ხელმისაწვდომია მათივე საიტზე, ნებისმიერი კომპანია, დიდი თუ მცირე, დამწყები თუ მოქმედი, ჯერ მიდის ბანკში. თუ ბანკი კომპანიას სესხს უმტკიცებს და ბიზნესგეგმა ჯდება „აწარმოე საქართველოს“ წინასწარ გაცხადებულ პრიორიტეტებში, ავტომატურად (და ამ შემთხვევაში “აწარმოე საქართველოს” უფლება არ აქვს კომპანიას უარი უთხრას პროგრამაში ჩართვაზე) კომპანია ხდება პროგრამის მონაწილე.
„აწარმოე საქართველოში“ (ანუ ბიუჯეტი) ყველა ამ კომპანიას ორი წლის განმავლობაში უხდის ბანკის პროცენტს (ძირ თანხას ეს არ ეხება) და ორი წლის შემდეგ, თავად კომპანია იხდის პროცენტსაც და სესხის ძირსაც ფარავს. სანაცვლოდ კი, სახელმწიფო იღებს დამატებით სამუშაო ადგილებს ეკონომიკაში და სესხის პროცენტში გადახდილ თანხაზე ბევრჯერ მეტს იბრუნებს გადასახადების სახით.
„კოლორპაკი“ ერთ-ერთია იმ დაახლოებით 300 კომპანიიდან, რომელიც ზუსტად ზემოხსენებული სქემით ჩაერთო „აწარმოე საქართველოს“ პროგრამაში.
ეს ყველაფერი „რუსთავი 2“-ის გასაგონად თავის ვიდეომიმართვაში გიორგი ჟორჟოლიანმა თქვა 21 ივლისს, როდესაც ამ ტელეკომპანიამ ტყუილებზე აგებული თემის გაგრძელება გადაწყვიტა „შაბათის კურიერში“. თუმცა არსაიდან ხმა, არსით ძახილი...
თუმცა, ტყუილი რომ თავად ტყუილის ავტორს უთხრის ძირს და იმიჯს, ეს ყოველგვარი ვიდეომიმართვების გარეშეც უნდა იცოდნენ "რუსთავი ორელებმა".
ის კი, თუ რა არის ამ შავი პიარის რეალური მიზეზი და ვინ არის (არიან) დაინტერესებული მხარე (მხარეები) აუცილებლად გამოაშკარავდება...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
