4
ივნისიდღის ზოგადი ასტროლოგიური პროგნოზი
ტრაგიკული აღმოჩნდა საბერძნეთის მასშტაბური ხანძარი ახლადდაქორწინებული ირლანდიელი წყვილისთვის, რომელიც საბერძნეთში საქორწინო მოგზაურობაში იმყოფებოდა - ხანძრის დროს სიძე დაიღუპა. ირლანდიის ერთი მოქალაქის დაღუპვის შესახებ ინფორმაცია დაადასტურა საბერძნეთში ირლანდიის საელჩოს წარმომადგენელმა.
ბრაიან ო კალაჰან-ვესტროპი და ზო ჰოლოჰანი საბერძნეთის საკურორტო დასახლება მატიზე ისვენებდნენ. წყვილმა გასულ კვირას იქორწინა და მალევე გაემგზავრა თაფლობისთვის გასატარებლად საბერძნეთის ცნობილ ტურისტულ ცენტრში. თუმცა, ძლიერი ხანძრის დროს ერთმანეთი დაკარგეს.
როგორც ცნობილი გახდა, წყვილი მანქანით მოგზაურობდა ხანძრის ზონაში, როცა ცეცხლი გაძლიერდა იძულებულები გახდნენ, გაქცეულიყვნენ. უცნობია, როგორ დაკარგა წყვილმა ერთმანეთი ძლიერ კვამლში, თუმცა ქალმა მოახერხა პლაჟამდე ჩაეღწია, საიდანაც ის შემდეგ ჰოსპიტალში გადაიყვანეს. გარდაცვლილის მეუღლე ზო ჰოლოჰანი ხელებზე და თავზე ძლიერი დამწვრობით ჯერ კიდევ საავადმყოფოში რჩება და მას ოპერაციას გაუკეთებენ.
ბრაიანი მოხალისედ მუშაობდა დუბლინში ერთ-ერთ არასამთავრობო ორგანიზაციაში, რომელიც ქალაქის საავადმყოფოებს უწევს სატრანსპორტო მომსახურებას.
ტყის მასშტაბურ ხანძრებს საბერძნეთში 80-მდე ადამიანი ემსხვერპლა, 200-ზე მეტი კი დაშავდა.
