მეცნიერებმა მარსზე წყალი აღმოაჩინეს. bbc.com-ის ინფორმაციით, დიდი რაოდენობით წყალს, თხევადი სახით, პლანეტის ზედაპირის ქვეშ მიაკვლიეს. ეს არის პირველი შემთხვევა, როდესაც მეცნიერებმა წყალი თხევად მდგომარეობაში აღმოაჩინეს.
ამ აღმოჩენამ დაასრულა დებატები, რომელიც რამდენიმე ათეული წლის განმავლობაში გრძელდებოდა - იყო თუ არა წყალი წითელ პლანეტაზე. აღმოჩენამ გააღრმავა ვარაუდი, რომ შესაძლოა, მარსზე ცოცხალი ორგანიზმები არსებობდეს. დიდი მოცულობის ტბას, რომელიც 20 კმ-ზეა გადაჭიმული, მარსის სამხრეთ პოლუსზე მიაკვლიეს.
