მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
არალეგალი მიგრანტები ევროპაში მაფიოზური დაჯგუფების მსხვერპლნი ხდებიან - "ლიბიელი მოზარდები მონებად გაყიდეს..."
09:21 / 26-07-2018
ფლორენციელი პუბლიცისტი რაფაელო როლეტო იმ არალეგალ მიგრანტებზე წერს, რომლებიც იტალიელი და ნიგერიელი "ბოსების" "დამსახურებით", ადამიანებითა და ნარკოტიკებით ვაჭრობაში ჩაერთვნენ. ეს დანაშაულებრივი სისტემა და ქსელი ტრანზიტულ ქვეყნებში - იტალიაში, საბერძნეთსა და ესპანეთში ფართოდ არის გავრცელებული.
"ცნობისთვის, ახლა უკვე ევროპის ტერიტორიაზე ხვდებიან ის მიგრანტები, რომელთაც ევროპის რომელიმე სახელმწიფომ ლტოლვილის სტატუსი მიანიჭა, თუმცა, ასეთი მხოლოდ 1%-ია, დანარჩენი, არალეგალებად ითვლებიან და მიგრაციის ცენტრებში რჩებიან, სადაც ორგანიზებულად აბარებენ დოკუმენტებს ლტოლვილის პასპორტის მისაღებად, რომლის საფუძველზეც, მათ მუშაობა და შენგენის ზონაში გადაადგილება შეუძლიათ. ეს პროცესი კი რამდენიმე თვეს გრძელდება.
იქ ყოფნის პერიოდში, ლტოლვილებს შეუძლიათ ცენტრი რამდენიმე საათით, უფრო სწორად განსაზღვრული დროით დატოვონ. იტალიაში ამას "მაფიის საჩუქარს" უწოდებენ და შესაბამისადაც იყენებენ... "სწორედ ამ დროს, "თავისუფალ საათებში", ლტოლვილებთან მოდიან "შუამავლები" და მათ მაღალანაზღაურებად სამსახურს სთავაზობენ. თანხმობის შემდეგ იწყება მათი ფიზიკური მდგომარეობის შემოწმება - რამდენად შეძლებს ის ამა თუ იმ სამუშაოს შესრულებას. მერე კი სხვადასხვა სიმძიმის საქმეზე ანაწილებენ. მაგალითად - მშენებლობა, სოფლის მეურნეობის სამუშაოები. თუმცა, ადგილობრივებზე რამდენჯერმე ნაკლებს უხდიან.
ეს მეთოდი განსაკუთრებით აქტუალურია სიცილიაში, სადაც ადგილობრივი მაფიოზური კლანები, მათ მხოლოდ "იაფ მუშა ხელად" კი არა, დანაშაულებრივ საქმეებშიც იყენებენ. ლტოლვილებს დოკუმენტები არ აქვთ, შესაბამისად, მათი იდენტიფიკაცია რთულდება და "ბოსებსაც" ნაკლები სადარდებელი აქვთ," - წერს ფლორენციელი პუბლიცისტი.
The Guardian-სა და Il Fatto Quotidiano-ის მიერ წარმოებული ჟურნალისტური გამოძიების შედეგად ნათელი გახდა, რომ სამხრეთ იტალიაში ყველაფერი გაცილებით მძიმე სცენარით ვითარდება - იქ უკვე არსებობს "ნიგერიული მაფია", რომელიც იტალიელი კრიმინალების მფარველობის ქვეშ არის და "თავის საქმეს აკეთებს."
ჟურნალისტური გამოძიებისა და ადგილობრივი ხელმძღვანელობის სამართალდამცავი უწყების მუშაობის შედეგად გაირკვა, რომ სქემა, რომლითაც ნიგერიული მაფია მუშაობს, საკმაოდ მრავალფეროვანია და გავლენიან პირებთან არის დაკავშირებული - ნიგერიიდან წამოყვანილ, ტრეფიკინგის მსხვერპლ გოგონებს, რომლებიც სამუშაოდ მოტყუებით წაიყვანეს ან ოჯახებზე ზეწოლით ემუქრებიან, იტალიაში "პატრონი" აძლევს დაახლოებით 50 ევროს ლიბიასა და ტუნისში წასასვლელად.
მათ ასევე აძლევენ შუამავლის კოორდინატებსა და ტელეფონს, თუმცა, არ აქვთ არავითარი საიდენტიფიკაციო დოკუმენტი. ადგილზე ჩასვლის შემდეგ, რეკავენ შუამავლის ნომერზე და იწყებენ კონტაქტს ადგილობრივ კონტრაბანდისტებთან. ეს სწორედ ის კატეგორიაა, რომლებიც მიგრანტების გემებზე გადანაწილებასა და უახლოეს ქვეყნებში - იტალიაში, მალტასა და ზოგჯერ ესპანეთში გამოშვებას კურირებენ და ძირითადად, ნარკოტიკებზე მუშაობენ.
უმეტეს შემთხვევაში, თავადაც თან მოჰყვებიან, თუმცა, შემდეგ, სანაპიროდან, დაახლოებით ერთი კილომეტრის დაშორებით მიგრანტთა ნაწილს, პირდაპირ ზღვაში ყრიან, რათა სანაპიროს დაცვასთან პრობლემები თავიდან აირიდონ და ვიდრე ისინი მიგრანტების ამოყვანითა და გემზე დარჩენილების გადანაწილებით არიან დაკავებული, კონტრაბანდისტები უკვე სამშვიდობოს გადიან.
ისევე, როგორც ნიგერიელი გოგონები, რომლებიც იტალიაში მყოფი მათი თანამემამულე ბოსებისგან იღებენ ინსტრუქციებს. კონკრეტულად, მათი კარნახით, ყალბი სახელითა და გვარით ავსებენ დოკუმენტაციას, რომელსაც შემდეგ საემიგრაციო სამსახურში ლტოლვილის სტატუსის მისანიჭებლად აბარებენ. საქმე ის არის, რომ იმავდროულად ისინი საემიგრაციო ცენტრებში სხვა ლტოლვილებზეც მუშაობენ, რათა "შესაბამისი კადრები იპოვონ..."
გამოცემა parstoday.com აქვეყნებს Amnesty International-ის კვლევაზე დაყრდნობით ინფრომაციას, რომლის თანახმადაც ასობით შემთხვევა დაფიქსირდა, როდესაც ლიბიელი ლტოლვილები, განსაკუთრებით მოზარდები მონებად გაყიდეს.
The Guardian-ის ცნობით, "თავისუფალი საათების" პერიოდში, ნიგერიელ "ბოსებსა" და იტალიელ მაფიოზებს ისინი პრაქტიკულად მონობაში ჰყავთ - იყენებენ პროსტიტუციასა და სხვადასხვა დანაშაულებრივ საქმეებში.
მხოლოდ იტალიაში ათასობით ნიგერიელი სექს-მონა არსებობს, რომელთა ნამდვილი ვინაობაც კი არ არის ცნობილი და რომლებიც მუქარის ქვეშ უამრავ საშიშ საქმეზე მიდიან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
