მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა მოხდა მატარებლის სადგურზე - სურათმა ყველა აღაშფოთა, ბავშვის მამა კი პირველ განმარტებას აკეთებს
10:03 / 24-07-2018
სურათმა, სადაც ჩანს, რომ ბავშვი მატარებლის ბაქნის კიდეზე წევს, მის უკან კი მამა და დები დგანან, სოციალური ქსელები აღაშფოთა. ფოტო უამრავმა ადამიანმა გააზიარა და ყველა მათგანი აღნიშნავდა, რომ მამა უპასუხისმგებლოდ მოიქცა და შვილის სიცოცხლე რისკის ქვეშ დააყენა.
სურათთან დაკავშირებით კომენტარს უკვე თავად მამაც აკეთებს. 46 წლის ბრიტანელი იან სტენტონი ამტკიცებს, რომ მის შვილს არანაირი საფრთხე არ ემუქრებოდა და სურათი სადგურზე შექმნილ სიტუაციას არასწორად ასახავს.
ფოტოს ავტორი ტიმ ბრაუნია, მან სოციალურ ქსელში გაზიარებულ ფოტოს აღწერად დაურთო, რომ ნანახი „სრულიად დაუჯერებელია“.
სტენტონი კი ამბობს, რომ შვილებთან ერთად ბატიდან ბრუნდებოდა, მატარებელმა მოსვლა დააგვიანა.
„ჩემი შვილი, 6 წლის დევონი ძალიან ცნობისმოყვარე ბავშვია და სურდა, ლიანდაგიდან აეღო ქვა, ვითომდა განძი იპოვა. ვუთხარი, რომ ამისი გაკეთება არ შეიძლებოდა, ამიტომ დევონმა მთხოვა, რომ უბრალოდ ახლოდან დაათვალიერებდა ლიანდაგს,“ - ამბობს სტენტონი.
მისივე თქმით, ბავშვის უკან იდგა და თვალყურს ადევნებდა როგორც მატარებლების განრიგის საინფორმაციო დაფას, ასევე - ლიანდაგს, მოდიოდა თუ არა მატარებელი.
მამა ამბობს, რომ დევონი ძირს სულ 30 წამის განმავლობაში იწვა და სოციალური ქსელების მომხმარებლებმა სურათის გამო არასწორი დასკვნები გამოიტანეს.
„ყველა, ვინც მე და ჩემს შვილებს იცნობს, იციან, რომ ბავშვს საფრთხე არ ემუქრებოდა,“ - აცხადებს იან სტენტონი.
თუმცა, დევონის მამას სატრანსპორტო პოლიციასთან საუბარი მაინც მოუწევს, რადგან ფოტოთი სამართალდამცველები დაინტერესდნენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
