მნიშვნელოვანი ინფორმაცია
26
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ზაფხულის მაკიაჟის ხრიკები - საჭირო რჩევები ქალებს ვიზაჟისტისგან
09:30 / 24-07-2018
იმისთვის, რომ ზაფხულში გარუჯული სხეული კარგად გამოვკვეთოთ, ამაში მსუბუქი და ნატურალური მაკიაჟი დაგვეხმარება. ამ ნიუანსებს კი ცოდნა უნდა, განსაკუთრებით მათთვის, ვინც ვიზაჟისტთან ვიზიტს ვერ ახერხებს. სასურველია ვიცოდეთ, როგორ გავიკეთოთ სწრაფად ეფექტური მაკიაჟი, როგორ შევარჩიოთ სახის ტონები, ფერები, სწორი ფერის ტუჩსაცხები...
ზაფხულის მაკიაჟის ტენდენციებსა და ხრიკებზე AMBEBI.GE-ს მკითხველს ვიზაჟისტი ელენე საზანდრიშვილი უამბობს:
"ვინაიდან ზაფხულია, ცხელა, ყველას ვურჩევ ნაკლები მაკიაჟი გაიკეთონ და სახის სისუფთავეს მეტი ყურადღება მიაქციონ, რადგანაც სიცხეში სახე ოფლიანდება და ასეთი კანი ქუჩაში ბევრ ჭუჭყს იზიდავს. ამიტომ, სასურველია, მაქსიმალურად სუფთა სახით იარონ, წაისვან მხოლოდ მსუბუქი, მზისგან დამცავი კრემი", - გვეუბნება ელენე.
ხოლო მათთვის, ვისთვისაც მაკიაჟი აუცილებლობას წარმოადგენს, ასეთ განმარტებას აკეთებს:
"ამ შემთხვევაში პუდრი საკმარისი იქნება, თუ ეს არ აღმოჩნდა მათთვის საკმარისი, BB-კრემი გამოიყენონ, ან მსუბუქი ტონალური. ოღონდ, არა პროფესიონალური, წყალგამძლე. მოკლედ, პროფესიონალურ მაკიაჟს მოერიდონ, რადგანაც ვიმეორებ, სიცხეში ფორები ფართოვდება, კანზე არსებული ტონალურის, მტვრის ძლიერი შეწოვა ხდება და ეს ყველაფერი კანის უჯრედებში მაქსიმალურად ჯდება. ასე რომ, სახის კანის სისუფთავეს მეტი ყურადღება უნდა მიაქციოთ.
სახის ხშირად საპნით დაბანასაც არ ვურჩევდი. უბრალოდ, გაიწმინდონ მიცერალური წყლით და ზემოდან მსუბუქი, მზისგან დამცავი კრემი წაისვან, ასევე დამატენიანებელიც, რადგანაც აორთქლება ხდება - სახის კანი შრება. იმისთვის, რომ კანი არ გამოშრეს, მსუბუქი დეკორატიული მაკიაჟი უნდა გაიკეთონ, ამ დროს ტუჩსაცხიც შესაძლებელია. სასურველია, მშრალი ტუჩსაცხის გამოყენება, მკვეთრ ფერებს არ ვურჩევ.
- გვითხარით სამი მარტივი ხრიკი, რითაც შეიძლება სახის მიხედვა. სახის რა ნაწილზე უნდა გაკეთდეს აქცენტი?
- ვინაიდან ქალბატონების უმეტესობას რუჯი აქვს, ამიტომ შეიძლება, "რუმიანა" გაინაწილონ სახეზე, ან მუქი ფერის პუდრი, რომ არ აჭრელდნენ და სახე ერთ ფერში მოწესრიგდეს. ამასთან, გამოიყენონ წამწამსაცხი და ტუჩსაცხი, ოღონდ, ეს ყველაფერი მხოლოდ დეკორატიულ მაკიაჟს შეეხება.
ღია ფერის თვალის შემთხვევაში, უფრო თბილ ტონებს ვურჩევ, რომ ასეთი თვალი მეტად გამოიკვეთოს. საერთოდაც, ზაფხულია და თვალის ჩამუქებას არავის ვურჩევ. თუმცა, ხომ ვამბობ, ღია ფერის თვალს მაინც თბილი ტონები უხდება.
- ტუჩი, თვალი და ყვრიმალები - სახის ამ მთავარი ნაწილებიდან მეტად რომელი უნდა გამოიკვეთოს?
- აქ უფრო მთავარი სახის ფორმაა. თუ ცოტა პრობლემურია, შესაბამის ხერხს უნდა მიმართონ... ზოგ შემთხვევაში უნდათ, რომ ლოყა უფრო ჩავარდნილი ჰქონდეთ, ამიტომ, საჭიროა ბევრი სიმუქე, ღაჟღაჟა ფერები. შეუძლიათ პრიალა ტუჩსაცხის გამოყენებაც, ეს რუჯის შემთხვევაში კიდევ უფრო ლამაზია.
- წელს ზოგადად მოდაშია ბრჭყვიალა ტონები. რას იტყვით ამაზე?
- შეიძლება მბზინავი ჩრდილები გამოვიყენოთ. თუ კარგი რუჯია, სუფთა სახეზე მბზინავი ტონები ამართლებს, რაც ყვრიმალების ზედა ნაწილებში უნდა გაკეთდეს, თვალთან ახლოს.
რაც შეეხება ფერებს და ტონებს, სასურველია ეს კანის ფერთან იყოს მიახლოებული და ბზინავდეს. მართლაც ძალიან უხდება რუჯს. მისი გამოყენებისას მაკიაჟი - ჩრდილები, პუდრი აღარ არის საჭირო, ამის გარეშეც ძალიან ლამაზია და მანდილოსანი უკვე კარგად გამოიყურება. ბევრი წვალება არ სჭირდება. ასეთი მაკიაჟი საზღვაოდაც გამოდგება, რადგანაც საზღვაო მაკიაჟისას ლაინერის, წამწამსაცხის და ა.შ. დრო არ არის და წვალებადაც არ ღირს... ასე რომ, მიხედეთ თავს და იყავით ლამაზები!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
