მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველო NATO-ს ისტორიული სამიტის მოლოდინში - მივიღებთ თუ არა "მაპს"?
16:47 / 10-07-2018
ბრიუსელი 11-12 ივლისს NATO-ს სამიტს მასპინძლობს. სამიტი განსაკუთრებით მნიშვნელოვანია საქართველოსთვის - რადგან პირველად, საქართველოსა და ნატო-ს ურთიერთობების ისტორიაში, უმაღლეს დონეზე გაიმართება შეხვედრა სახელმწიფოს მეთაურთა მონაწილეობით, სადაც საუბარი იქნება საქართველოს უსაფრთხოების გამოწვევებზე, თავდაცვისუნარიანობაზე და ამ კონტექსტში ნატო-საქართველოს თანამშრომლობის შემდგომ გაძლიერებაზე.
სამიტზე დასასწრებად, საქართველოს პრეზიდენტის მეთაურობით ქართული დელეგაცია ბრიუსელში გაემგზავრა.
"ოცნების" ხელისუფლება ნატო-ს სამიტზე დიდ იმედებს ამყარებს. დამაიმედებელი განცხადებები კეთდება საერთაშორისო პარტნიორების მხრიდანაც, თუმცა პოლიტოლოგების აზრით, ჩრდილო-ატლანტიკური ხელშეკრულების ორგანიზაციის სამოქმედო გეგმას არც წელს მივიღებთ, თუმცა ის, რომ საქართველოსთან დაკავშირებით პოზიტიური განცხადებები გაკეთდება, ამაზე არ დაობენ.
"ჩვენ განვაგრძობთ საქართველოს მხარდაჭერას. მადლობელი ვართ იმ მხარდაჭერისთვის, რომელსაც საქართველო ნატო-ს უწევს საერთაშორისო მისიებში და ოპერაციებში. საქართველოს ნამდვილად კარგი პროგრესი აქვს. რაც შეეხება საქართველოს გაწევრიანებას ალიანსში, კონკრეტულ თარიღს ვერ დავასახელებ, მაგრამ ის ფაქტი, რომ მონტენეგრო ნატო-ს წევრი გახდა, ხოლო მაკედონიასთან გაწევრიანების შესახებ მოლაპარაკებებს ვიწყებთ, იმაზე მეტყველებს, რომ ნატო-ს კარები ღიაა.
ჩვენ განვაგრძობთ საქართველოს მხარდაჭერას ნატო-ში გაწევრიანების გზაზე. ნატო-ს წევრი ქვეყნების ლიდერები დაადასტურებენ კვლავ 2008 წელს მიღებულ გადაწყვეტილებას, რომ საქართველო ნატო-ს წევრი გახდება”, - განაცხადა იენს სტოლტენბერგმა ბრიუსელში გამართულ პრესკონფერენციაზე "ინტერპრესნიუსის" კითხვის საპასუხოდ.
ქართული მხარე სამიტზე რუსეთის მხრიდან მომდინარე საფრთხეებზე და სტრატეგიული პარტნიორების მხარდაჭერის შესახებ ისაუბრებს. ის, რომ ნატო-ს სამიტზე საქართველოსთან დაკავშირებით პოზიტიური განცხადებები გაკეთდება, ამაზე პოლიტოლოგებიც არ დაობენ. მაპი-ს მიღებასთან დაკავშირებით კი სკეპტიკურად არიან განწყობილები.
თსუ-ს პროფესორის, საქართველოს პოლიტიკის ინსტიტუტის" (GIP) მკვლევარის მარიამ გრიგალაშვილის თქმით, რუსეთს საქართველოსთან დაკავშირებით აგრესიული პოლიტიკა არ შეუცვლია, ამიტომ მისი აზრით, ნატო-ს წევრი სახელმწიფოები ამ აგრესიის შესაჩერებლად მაპ-ს არ გამოიყენებენ.
„ბუქარესტის სამიტიდან 10 წელი გავიდა. ეს იყო ჩვენთვის ყველაზე მნიშვნელოვანი სამიტი, სადაც ჩაიწერა, რომ საქართველო ერთ დღეს გახდებოდა ნატო-ს წევრი. ამ ხნის განმავლობაში ქვეყანამ ძალიან გრძელი და რეფორმებით დატვირთული გზა გაიარა, რომ ის სტანდარტები დაეკმაყოფილებინა, რომელიც საბოლოოდ ნატო-ს წევრობამდე მიგვიყვანს.
თვითონ ალიანსის წევრი ქვეყნები თავის ანგარიშებში ყოველთვის ხაზს უსვამდნენ საქართველოს წინსვლას. რაც შეეხება მოლოდინებს, ძნელია ივარაუდო, რა ტექსტი ჩაიწერება სამიტის საბოლოო დოკუმენტში. ნატო-ს წევრი სახელმწიფოები აანალიზებენ იმას, რომ მათ მოუწევთ დაპირების შესრულება, მეორე მხრივ ქვეყანა, რომელსაც დაპირება მისცეს, პროგრესირებს. ასევე მნიშვნელოვანი ფაქტორია, რომ მოსახლეობის 65% მხარს უჭერს საქართველოს ნატო-ში ინტერგაციას. აქედან გამომდინარე, ნატო-ს წევრმა სახელმწიფოებმა კიდევ ერთხელ უნდა გაიმეორონ, რომ საქართველო მზადაა შემდეგი ნაბიჯებისთვის.
ბოლო დროს გაკეთებული განცხადებები საკმაოდ ოპტიმისტურ მოლოდინებს ტოვებს და ვიცით რომ შემდეგი ნაბიჯი, რაც ნატო-მ საქართველოს უნდა შესთავაზოს, ეს არის მაპი. თუმცა, გეოპოლიტიკური ვითარება არ შეცვლილა - რუსეთი საქართველოსთან დაკავშირებით აგრძელებს აგრესიულ პოლიტიკას, ამიტომ ეჭვი მაქვს, ამ აგრესიის შესაჩერებლად ჩრდილო ატლანტიკურმა ალიანსმა მაპი მოგვცეს.
პოზიტიური განცხადებები კი რაც შეიძლება გაკეთდეს - კიდევ ერთხელ უნდა დაფიქსირდეს, რომ საქართველოს ტერიტორიების 20% არის ოკუპირებული. ასევე უნდა აღინიშნოს, რომ საქართველომ ამ წლების განმავლობაში გადადგა პროგრესიული ნაბიჯები და წევრმა სახელმწიფოებმა გამონახონ მაპის გარდა თანამშრომლობის სხვა ინსტრუმენტი" - განაცხადა AMBEBI.GE-სთან საუბარში გრიგალაშვილმა.
ნატო-ს სამიტისგან მაპ-ს არც ევროპული კვლევების ცენტრის დირექტორი კახა გოგოლაშვილი ელის, თუმცა ფიქრობს, რომ ამ სამიტის შემდეგ საქართველოს თავდაცვისუნარიანობის გაზრდასთან დაკავშირებით პარტნიორი სახელმწიფოები კონკრეტულ ნაბიჯებს გადადგამენ.
"სამიტზე მაპი-ს მონიჭებაზე არამგონია საუბარი იყოს და არც იმის მოლოდინი მაქვს, რომ გაკეთდება ჩანაწერი, რომელიც საქართველოს გაწევრიანებას მაპი-ს გარეშე უზრუნველყოფს. თუმცა შეიძლება რაიმე სახის ჩანაწერი გაკეთდეს, რომელიც ამაზე მიანიშნებს. რაც შეეხება დანარჩენს, საქართვლო შეიძლება მოხსენიებული იყოს შავი ზღვის ნატო-ს უსაფრთხოების კონტექსტში, ასევე იქნება საუბარი ჰიბრიდულ საფრთხეებზე და მასში საქართველოს ჩართვაზე.
ერთი სიტყვით პოზიტიური და კონკრეტული განცხადებები გაკეთდება საქართველოს თავდაცვის უნარიანობის გაზრდასთან დაკავშირებით. მაპზე კი დარწმუნებული ვარ საუბარი არ იქნება" - უთხრა AMBEBI.GE-ს გოგოლაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
