მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პირი შეკრეს და მე გამწირეს. ერთადერთი, რაც მინდა, აქედან წასვლაა" - რას ჰყვება ე.წ. სამხრეთ ოსეთში ტყვეობაში მყოფი დაღესტნელი ბიზნესმენი
22:31 / 08-07-2018
დაღესნტელი ბიზნსმენი, სამშენებლო კომპანია Домстрой-ის დირექტორი, ყურბან ბუგანოვი, რომელსაც ე.წ. სამხრეთ ოსეთიდან გასვლის უფლება არ აქვს, Эхо Кавказа-სთან საუბარში ჰყვება, თუ როგორ გააცურეს ბიზნესის კეთების დაპირების სანაცვლოდ და ახლა, ფაქტობრივად, ე.წ. ხელისუფლების ტყვეობაშია. გამოცემის ინფორმაციით, მას "წაართვეს ბიზნესი, გადააგდეს ვალებში და ახლა რესპუბლიკიდან გასვლის უფლებას არ აძლევენ".
"სამხრეთ ოსეთში მოხვედრა ჩემი ოცნება არასდროს ყოფილა. მახაჩყალაშიც მყოფნიდა საქმე, თუმცა, 2008 წლის ომის შემდეგ ქალაქის მერმა, სხვა სამშენებლო კომპანიების ხელმძღვანელების მსგავსად მეც დამიბარა - სამხრეთ ოსეთის დასახმარებლად უნდა წახვიდეო", - იხსენებს ბიზნესმენი.
მისივე თქმით, როდესაც ასეთი თანამდებობების პირები გეუბნებიან, "საჭიროა დახმარება", ეს ნიშნავს, რომ მიდიხარ ფულის გასაკეთებლად და მისი მადლიერი უნდა იყო; ასევე, იქ მიდიხარ ჩინოვნიკის ავტორიტეტით და ასრულებ მის პირად დავალებას. რაც შეეხება ანაზღაურებას, ამას სახლში დაბრუნების შემდეგ მიიღებ, როდესაც ჯიდლოდ, კარგ თანამდებიობაზე დაგნიშნავენ. აი, ამ პრინციპით მუშაობენ დღეს სამხრეთ ოსეთში სამშენებლო კომპანები", - ამბობს დაღესტნელი.
ცხინვალში სამუშაოდ, მან ახალი კომპანია Домстрой 2009 წლის 14 იანვარს დააფუძნა და საცხოვრებელი სახლების აღდგენა-მშენებლობას შეუდგა. 2011 წლის შემდეგ, მას გზების მშენებლობა შესთავაზეს, რასაც დასთანხმდა. მას ორი მიმართულება, დმენისი-ბიკარი და ცხინვალი-ზნაური შესთავაზეს. ბიზნესმენს ურთიერთობა ჰქონდა ე.წ. საგაზო მშენებლობის კომიტეტის უფროსთან, ედუარდ გუზიტაევთან, რომლის მაქინაციებითაც კომპანია ვალებში გადავარდა, სამშენებლო მასალების მომწოდებელ ფირმებთან მას ვალი დაედო. ახლა მას, დაუსრულებელი სამუშაოების გამო, "ხელმძღვანელობა" ცალკე ემუქრება და მევალეები - ცალკე.
დაღესტნელი ბიზნესმენის თქმით, ამ საქმეში მისი პარტნიორები იყვნენ ზემოთ ხსენებული ედუარდ გუზიტაევი და Дорэкспострой-ს დირექტორი მურატ ლალიევი, რომელიც, არსებული ინფორმაციით, არაერთი უკანონო გადარიცხვის ავტორია. ერთი სიტყვით, ჯოხი ბუგანოვზე გადატყდა, მას რამდენიმე დარღვევის გამო უჩივლეს და, რა თქმა უნდა, სუბიექტური "სასამართლო პროცესი" მან ზეწოლის ქვეშ წააგო.
ე.წ. უმაღლესი სასამართლოს მოსამართლე ირინა ლალიევამ, ბუგანოვის მიერ წარდგენილ მტკივებულებებს არც კი გადახედა და პირდაპირ უთხრა, რომ მის წინააღმდეგ წარმოგდენილი მტკიცებულელების შემდეგ, "მას მორალური უფლებაც კი არ აქვს, რამე მოითხოვოს, მით უფრო სამართალი".
"როგორც გავარკვიე, ირინა ლალიევა, მურატ ლალიევას ბიძაშვილის შვილი იყო და, რა თქმა უნდა, თავისიანს არ გაწირავდა. ჯერ კიდევ წინა პრეზიდენტ თიბილოვსაც მივმართე, მერე ბიბილოვსაც ვთხოვე ჩემთვის მოესმინა, მან გენერალურ პროკურორთან, უზურმაგ ჯაგაევთან გადამამისამართა, რომელის ჩემი პრობლემით არც კი დაინტერესდა", - ჰყვება ის.
დაღესტნელი ბიზნესმენის თქმით, ის ახლა ბოლომდე გაკოტრებულია, თუმცა არც არაფერს ითხოვს ადგილობრივი "ხელმძღვანელობისგან", გარდა ერთისა - შეეშვან და დაღესტანში დაბრუნების საშუალება მისცენ. "დაფარე ვალები და მერე წადიო, მეუბნებიან, რით დავფარო ვალები, რაც მქონდა იმ ოსებმა გაფლანგეს, ვალი დამადეს, გამაკოტრეს და კიდევ აქეთ მთხოვენ ფულს, - სანამ არ მოიტან, ვერსად წახვალო. აქ ყველა ერთმანეთს იცნობს და ენათესავება, პირი შეკრეს და მე გამწირეს. ერთადერთი, რაც მინდა, აქედან წასვლაა. ჩემი გაკეთებული საქმეებისთვის მადლობის მთქმელი არავინ არის და არც ველოდები", - აცხადებს ის გამოცეასთან საუბრისას.
ბოლო დროს, ე.წ. სამხრეთ ოსეთში საინვესტიციო გარემოსთან დაკავშირებით არსებულ პრობლემებზე ბევრი საუბრობს. საქმე ის არის, რომ ყურბან ბუგანოვივით, ბევრი ჩავიდა რუსეთის სხვადასხვა რესპუბლიკიდან ცხინვალში, ზოგი გამდიდრების იმედით, ზოგიც, ხელმძღვანელობის მოთხოვნით, თუმცა, "უკონტროლო ვითარებაში ჯუნგლების კანონებს ვერ გაუძლო და იქაურობა, თავისი საწარმოებით თუ ინვესტიციებით, დატოვა და ქვეყანაში დაბრუნდა".
თუმცა, ბუგანოვს სამშობლოში დაბრუნების უფლებასაც არ აძლევენ და მისგან იმ თანხებს ითხოვენ, რაც ოსმა მაღალჩინოსნებმა მიითვისეს. "არადა მართლა მჯეროდა, რომ დავეხმარებოდი ამ ხალხს და ჩემს საქმესაც გავაკეთებდი. აქ კი ყველაფერი წამართვეს და ტყვეობაში ვყავარ", - ამბობს დაღესტნელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
