მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მაშველებმა მღვიმიდან ორი ფეხბურთელი ბიჭი გამოიყვანეს - ევაკუაცია წარმატებით მიმდინარეობს
16:08 / 08-07-2018
ტაილანდში მღვიმეში ჩარჩენილი ფეხბურთელების გამოყვანა მაშველებმა დაიწყეს. BBC-ს ინფორმაციით, გამოქვაბულიდან რამდენიმე წუთის წინ სულ მცირე 2 ბიჭი წარმატებით გამოიყვანეს. CNN კი წერს, რომ მაშველების ბანაკი პირველმა სამმა ფეხბურთელმა დატოვა.
ოფიციალური პირების ინფორმაციით, რამდენიმე წუთში მღვიმედან კიდევ 4 ბიჭი გამოვა.
ამასთან, ჟურნალისტები "ტვიტერზე" აქვეყნებენ ვერტმფრენების ფოტოებს, რომლებმაც მღვიმის შესასვლელი დატოვეს და ქალაქისკენ მიფრინავენ- სავარაუდოდ, ვერტმფრენებით ბიჭები საავადმყოფოში გადაჰყავთ. ფეხბურთელებს საავადმყოფოში ოჯახის წევრები ელოდებიან.
ძლიერი წვიმისა და მღვიმის მთლიანად დატბორვის გამო მაშველებმა გადაწყვიტეს, ბიჭების გამოყვანის ოპერაცია დღეს დაუყოვნებლივ დაეწყოთ. დღეს დილით ოფიციალურმა პირებმა განაცხადეს, რომ ევაკუაცია, შესაძლოა, რამდენიმე დღის განმავლობაში გაგრძელდეს.
ისრაელელი მყვინთავი რაფაელ არუში, რომელიც ტაილანდში ცხოვრობს და ბიჭების დასახმარებლად ამჟამად მღვიმესთან იმყოფება, „სიენენთან“ ამბობს, რომ ამინდი ძალიან საშიშია. მისი თქმით, ნალექის გამო მღვიმეში ძალიან დიდი რაოდენობით წყალი შევა და არის რისკი, რომ ოპერაციას ხელი შეუშალოს.
„სიჩქარე ახლა ძალიან მნიშვნელოვანია. შესაძლოა, ევაკუაციის ოპერაციის გეგმაში ძალიან დიდი ცვლილებები შევიდეს და მიიღონ გადაწყვეტილება, რომ დღეს უფრო მეტი ადამიანი გამოიყვანონ მღვიმედან, ვიდრე დაგეგმილი იყო,“ - ამბობს არუში.
სამაშველო ოპერაციაში რამდენიმე ქვეყანაა ჩართული, მათ შორის - მონაწილეობას იღებენ ექსპერტები დიდი ბრიტანეთიდან, აშშ-დან, ჩინეთიდან, ავსტრალიიდან, იაპონიიდან, ლაოსიდან და მიანმარიდან.
საჭირო აღჭურვილობა მაშველებს რამდენიმე ქვეყნის მსხვილმა კომპანიებმა შესთავაზეს, მათ შორის არის ამერიკელი ბიზნესმენი ელონ მასკი, რომელმაც ტაილანდში საკუთარი ინჟინრებიც გაგზავნა.
სამაშველო ოპერაციის დაწყებამდე სამართალდამცველებმა მედიას სთხოვეს, მღვიმის შესასვლელი დაეტოვებინათ და ტერიტორია მწვანე ბრეზენტით შემოსაზღვრეს. ადგილზე მიიტანეს დიდი რაოდენობით ჟანგბადის ავზი, იქვე მობილიზებულია სასწრაფო სამედიცინო დახმარების ჯგუფები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
