დღის ფოტო: ჭუბერის გამგებელი ნინო ვიბლიანი სტიქიის ზონაში

მესტიის მუნიციპალიტეტის სოფელ ჭუბერში უკვე მეორე დღეა რთული ვითარებაა. გუშინ სვანეთში მთის ჩამოშლის შედეგად მდინარე ნენსკრა ადიდდა და რამდენიმე სოფელი გარესამყაროს მოწყვიტა. ადგილზე იმყოფებიან სამთავრობო უწყებების წარმომადგენლები, ასევე პრემიერ-მინისტრი მამუკა ბახტაძე. საგანგებო რეჟიმში განაგრობს მუშაობას ჭუბერში შექმნილი საგანგებო შტაბი.

სტიქიის ზონაში იმყოფებოდა სოფელ ჭუბერის გამგებელი ნინო ვიბლიანიც, რომლის ფოტოც "ფეისბუქზე" განსაკუთრებული პოპულარობით სარგებლობს. ვიბლიანი, რომელიც ფოტოზე ადიდებული მდინარის ნაკადშია გადაღებული, ინტერნეტმომხმარებლებისგან უამრავ დადებით კომენტარს იღებს.

ფოტოს ავტორი: ლევან გაბეჩავა