მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მარშრუტკებმა" თბილისში შესაძლოა, მხოლოდ მოკლე ხაზებზე იმოძრაონ - რა ცვლილებებს ითვალისწინებს დედაქალაქის გენგეგმა
11:41 / 06-07-2018
თბილისის მიწათსარგებლობის გენერალური გეგმის ავტორების რეკომენდაციით, მიკროავტობუსები დედაქალაქში მხოლოდ მოკლე სამარშრუტო ხაზებზე უნდა მოძრაობდნენ.
როგორც „ინტერპრესნიუსს“ გენგეგმაზე მომუშავე ჯგუფის ხელმძღვანელმა მამუკა სალუქვაძემ განუცხადა, მიკროავტობუსები ქალაქის მთელ ტერიტორიაზე არ უნდა გადაადგილდებოდნენ და მათ მოსახლეობა საცხოვრებელი უბნებიდან ავტობუსების გაჩერებებთან ან მეტროსადგურების სიახლოვეს უნდა მიჰყავდეთ.
„მიკროავტობუსებთან დაკავშირებით, ჩვენი შეთავაზებაა, რომ ქალაქის მთელ ტერიტორიაზე კი არ გადაადგილდებოდნენ, არამედ, საცხოვრებელ უბნებში იყვნენ და მათ მოქალაქეები ავტობუსების გაჩერებებთან ან მეტროსადგურების სიახლოვეს მიჰყავდეთ. მოკლე ხაზებზე იმუშაონ და არა მთელ ქალაქში. მათი დაფარვის არეალები საგარეუბნო ზონები და დიდი საცხოვრებელი დასახლებები უნდა იყოს. უნდა იყოს გადაჯდომის ადგილები. გარკვეულწილად ეს ეხება ერთიანი გაბილეთიანების სისტემას, მაგრამ ამის სტრატეგიაც შესამუშავებელია. ამიტომ ვამბობთ, რომ ერთიანი სისტემა უნდა შემუშავდეს ტრანსპორტის ყველა სახეობისთვის“, - განაცხადა სალუქვაძემ.
ცნობისთვის, თბილისის მიწათსარგებლობის გენერალური გეგმის თანახმად, სამარშრუტო ქსელის ოპტიმიზაციის დაგეგმვა მერიამ 2018-2019 წლებში უნდა მოახდინოს, რაც საზოგადოებრივი ტრანსპორტის ყველა სახეობისთვის (ძირითადი, მეორეული და მესამეული საავრობუსო ქსელი და მიკროავტობუსები) იერარქიის მიხედვით სამარშრუტო ქსელში როლის განსაზღვრას, მარშრუტების დადგენას, საჭირო მოცულობებისა და სიხშირეების განსაზღვრას და საზოგადოებრივი ტრანსპორტის სახეობების ერთმანეთში ინტეგრირებას გულისხმობს. ამავე პერიოდში, მერიამ ტრანსპორტის მოდელიც უნდა შეიმუშაოს, რაც გზათა ქსელის, საზოგადოებრივი ტრანსპორტის ქსელს, ფუნქციური ზონირების რუკას, სამანქანო და მგზავრთნაკადების მონაცემებს მოიცავს. ტრანსპორტის განვითარების გეგმა კი, მერიამ 2019-2022 წლებში უნდა წარმოადგინოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
