მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ასეთი პირობები რომ მქონოდა ქუთაისში, უფრო მეტს მივაღწევდი" - რას წერს ციხის შესახებ მოკრივე ავთანდილ ხურციძე
10:40 / 06-07-2018
მოკრივე ავთანდილ ხურციძე, რომელიც 2017 წლის ივლისში ნიუ-იორკში დააკავეს, "ფეისბუქის" პირად გვერდზე წერს, რომ მისი სასჯელი, სავარაუდოდ მაქსიმუმ 5 წლით განისაზღვრება და ის რინგზე კვლავ დაბრუნებას შეძლებს:
"ეხლა მოემზადეთ კარგი ამბავი უნდა გითხრათ: მე წავაგე კატრანი ანუ არალეგარული თამაშები. ეს არის მინიმუმ 2 წელი და მაქსიმუმ 5. ასე რომ 5 წელზე მეტს ვერ მომცემენ ჩემს შემთხვევაში. 1 წელზე მეტი ვზივარ აქ 10 თვე ერთ წლად ითვლება, კიდევ კარგი ყოფაქცევა გაქაჩე, გამოქაჩე კიდევ 2 წელი და ეგაა.
ეს არის უტყუარი ინფორმაცია და ნუ დაუჯერებთ ცრუ ინფორმატორებს, 40 წელი ტერორისტი კი არა ვარ, რა სისულელეა, მაგის დამწერს და გამვრცელებელს ჭკუა აქვს? კარგი თქვით რამე, ტყუილს რომ ავრცელებთ. ასე რომ, კიდევ დავბრუნდები და კიდევ ბევრს გავახოხებ რინგზე. ყოველდღე 3-საათიან ვარჯიშებს ვატარებ, ასე რომ ავთანდილა ფორმაშია.
გულშემატკივრებს გაცნობებთ, რომ მე არ შემიჩერებია ჩემი საყვარელი ნამდვილი საქმე, ლაპებიც კი შემიკერეს ციხეში და მიდის ბათქაბუთქი ყოველდღე. თანაც დრო ბევრი მაქვს, სხვა საქმე არაფერი - ვარჯიში, ძილი, ჭამა. ბრძოლებსაც რომ მიტარებდნენ, გეუბნებით ცუდ ადგილზე არა ვარ. ასეთი პირობები რომ მქონოდა ქუთაისში, ალბათ უფრო მეტს მივაღწევდი. რომ დამიჭირეს და მეორე დღეს ქათმის ბარკალი მომიტანეს, მერე გულის გასაგრილებლად ნაყინი, მეთქი ვიღაც მეღადავებაა..." - წერს "ჩაქუჩა" და ფაქტია, რომ ცნობილი მოკრივე იუმორის გრძნობას არც ციხეში კარგავს.
ცოტა ხნის წინ, საქმის დეტალებზე სტატია New York Post-მა გამოაქვეყნა, სადაც ეწერა, რომ აშშ-ში დაკავებულ ქართველ მოკრივე ავთანდილ ხურციძეს 40-წლიანი პატიმრობა ემუქრება. სტატიაში აღნიშნულია, რომ ხურციძის წინააღმდეგ შესაძლოა ვიდეომტკიცებულებას ემუშავა. გამოცემის ინფორმაციით, ბრალდების მხარე აპირებდა ნაფიცი მსაჯულებისთვის წარედგინა რამდენიმე ვიდეომტკიცებულება, რომელშიც ნათლად ჩანს, როგორ ემუქრება ან ესხმის თავს ადამიანებს ხურციძე ე.წ. კანონიერი ქურდის, რაჟდენ შულაიას სახელით.
მოკრივემ ცოტა ხნის წინ სოციალურ ქსელში დაწერა, რომ სასამართლომ გარკვეულ საკითხებში გაამართლა. "დარჩა ორი ბრალდება - რეკეტი და "გემბლინგი" (უკანონო აზარტული თამაშები), მაგრამ ამასაც არ ვეთანხმები. სავარაუდოდ, ერთ წელში გამათავისუფლებენ“ - დაწერა ხურციძემ "ფეისბუქზე".
შეგახსენებთ, რომ "რუსული კრიმინალური სინდიკატის წევრობის" ბრალდებით, 15 ქართველი დააკავეს. მათ შორის იყო ორი ქართველი სპორტსმენი ავთანდილ ხურციძე და ლევან მაყაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
