11
ივლისიდღის ზოგადი ასტროლოგიური პროგნოზი
პორტალ fortuna.ge-ზე გავრცელდა ინტერვიუ თურქეთის ერთ-ერთი წამყვანი კლინიკის დირექტორის ქართველ მრჩეველთან, მალინა ბერიკაშვილთან, რომელიც ამბობს, რომ "ქართველი ერი კატასტროფის წინაშე დგას, რადგან ძალიან დიდი სისწრაფით მატულობს სიმსივნური დაავადებების შემთხვევები". იგი ამის არაერთ მიზეზს ასახელებს და მათ შორის ერთ-ერთ ფაქტორად C ჰეპატიტის მკურნალობის უფასო პროგრამას, რომლის დახმარებითაც ათასობით ადამიანი განიკურნა ვირუსისაგან.
"კიდევ ერთ პრობლემაზე შევაჩერებ თქვენს ყურადღებას. ეს არის C ჰეპატიტის პროგრამა, რომელიც საქართველოში მიმდინარეობს. ვინც ამ პროგრამით მკურნალობს, წელიწადნახევრის, ორი წლის თავზე ჩვენთან სიმსივნის დიაგნოზით ჩამოდიან. ორგანოების გადანერგვით ვინც გადარჩა, გადარჩა, სხვები გარდაიცვალნენ, ზოგს ოპერაციამ ვერ უშველა… მანამდე ამ ადამიანებს არ ჰქონიათ სიმსივნე და ამ მკურნალობის შემდეგ განუვითარდათ. ყოველ შემთხვევაში, ანალიზები ასე აჩვენებს და კვლევა იყო არასწორი? არ ვიცი, პროგრამის წამლები იწვევს პროვოცირებას?! ამ პროგრამის წამლებს თურქეთშიც სვამენ და სიმსივნის დიაგნოზით შემდგომ არავინ მოდის ჩვენთან" - ამბობს ბერიკაშვილი fortuna.ge-სთან საუბრისას.
Mkurnali.ge ექიმ-ინფექციონისტს მანანა ლომიძეს დაუკავშირდა, რომელიც 1996 წლიდან ატარებს ანტივირუსულ მკურნალობას და აღნიშნულ საკითხთან დაკავშირებით კვალიფიციური კომენტარის გაკეთება სთხოვა.
- ეს არასწორი ინფორმაციაა, ძალიან ბევრ ქვეყანას უნდოდა ამ უფასო პროგრამის განხორციელება, მაგრამ ყველასთვის არ გახდა იგი ხელმისაწვდომი. სწორედ ამან გამოიწვია მათი გაღიზიანება.
ზოგადად, C ვირუსი კანცეროგენული თვისებების მატარებელია და მას შეუძლია გამოიწვიოს ჰეპატიტს, რომელიც შეიძლება გართულდეს ციროზით ან ჰეპატოცელულარური კარცინომით - ციროზი-კიბოთი.
მაგრამ კიბო გაცილებით უფრო ხშირად ვითარდება არანამკურნალებ პაციენტებში, რომელთა ორგანიზმშიც C ვირუსია, ვიდრე ნამკურნალებში, სადაც ვირუსი არ არის. ეს მკურნალობა ათასობით ადამიანმა ჩაიტარა და ვირუსის ელიმინაციის ანუ ორგანიზმიდან განდევნის პროცენტი 98%-ია, ეს ძალიან მაღალი მაჩვენებელია....წაიკითხეთ სრულად
