მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აფხაზეთში სუიციდის სტიქია მძვინვარებს - გარდაცვლილებს შორის სირიელი რეპატრიანტია, რომელსაც 4 შვილი დარჩა
12:48 / 02-07-2018
აფხაზეთში ბოლო ორი თვის განმავლობაში, მხოლოდ მაისსა და ივნისში თორმეტმა ადამიანმა თვითმკვლელობით დაასრულა სიცოცხლე, ოთხს კი, სუიციდის მცდელობა ჰქონდა... ადგილობრივი ე.წ. პროკურატურის წარმომადგენლების თქმით, აფხაზეთში სუიციდმა იფეთქა.
დაღუპულებს შორის არიან ტურისტებიც, ან ისინი, ვინც რეგიონში სხვადასხვა მიზნით ჩავიდნენ. 2018 წლის 6 ივნისს, გაგრის რაიონში, სოფელ ბზიფში, 1984 წელს, სტავროპოლის ოლქში დაბადებული კიჩევ მუჰამედია, რომელიც გაგრაში დროებით საცხოვრებელში ცხოვრობდა, კიბის სახელურზე ჩამომხვრჩალი იპოვეს... ერთ-ერთი ვერსიით, ის ჩამოახრჩეს.
სუიციდით დაღუპულებს შორისაა აფხაზი სირიელი რეპატრიანტი, 4 შვილის მამა, რომელიც გულრიფშის რაიონში ჩაასახლეს. შემთხვევა 2018 წლის 27 ივნისს მოხდა და ოფიციალური მიზეზი ჯერჯერობით უცნობია, თუმცა, აფხაზები სოციალურ ქსელში წერენ, რომ რეპატრიანტმა აფხაზეთში არსებულ რეალობას ვერ გაუძლო.
"მათი წარმოდგენით აქ ევროპაა, სიცოცხლე დუღს, კარგი, მეგობრული ხალხი ცხოვრობს და სირიის ომს გამოქცეულებს თვითრეალიზაცია არ გაუჭირდებათ, - აქ კი, მათი თქმით, 25 წლიან გაყინულ კონფლიქტში მოუწიათ ცხოვრება. რუსული არ იციან, არც აფხაზური - მათი ენა აქ არავის ესმის. მათ ინტეგრაციაზე არავის უზრუნია. ჩამოიყვანეს და ჩაასახლეს. ზოგი გაიქცა, რადგან ფსიქოლოგიურ წნეხს ვერ გაუძლეს. ასე მოუვიდა ამ კაცსაც, - ალბათ აჟიტირებულმა ჩამოიყვანა ცოლ-შვილი და აქ მშივრები დარჩნენ..." - წერენ აფხაზები...
არსებული ცნობით, რუსეთის ახალგაზრდა მოქალაქეების დიდი ნაწილი, ოკუპირებული აფხაზეთში ნარკოვაჭრობისთვის ჩადის და გარკვეულ შემთხვევებში მათი “ბიზნესსაქმიანობა” ტრაგიკულად სრულდება.
მიმდინარე წლის 22 ივნისს, გუდაუთის სოფელ ოთხარაში, 2001 წელს დაბადებული დათო ციკოლია საკუთარი სახლის ეზოში, ხეზე ჩამომხვრჩალი იპოვეს.
2018 წლის 19 ივნისს, 1983 წელს დაბადებული გუდაუთელი გიორგი ფაჩულია სოხუმში, ჩალმაზის ქუჩაზე, საცხოვრებელის სახლის სახურავიდან გადახტა და ადგილზე დაიღუპა... ადგილობრივი აფხაზების თქმით, ეს თვითმკვლელობა არ ყოფილა - ის ვალის გადაუხდელობის გამო სახურავიდან გადმოაგდეს.
მიმდინარე წლის 16 ივნისს, 1964 წელს, ტყვარჩელის რაიონში დაბადებული რომან შინკუბა დროებითი საცხოვრებელი სახლის ეზოში, ხეზე ჩამომხრჩვალი იპოვეს.
სულ 12 ასეთი ტრაგიკული შემთხვევის შესახებ არსებობს ინფორმაცია. სუიციდი ხდება ყველა ქალაქში და ყველა ასაკის ადამიანებში... ადგილობრივი მოსახლეობა გამოსავლის პოვნას ე.წ. ხელმძღვანელობას სთხოვს, რადგან სუიციდის ზრდის მიზეზი ყველაზე ხშირ შემთხვევაში არის დეპრესია, რომელიც უმუშევრობით, პერსპექტივის არარსებობით, მწვავე სოციალური ფონით არის გამოწვეული...
ადგილობრივები ერთმანეთს ურჩევენ, ბრმად არავინ შეუშვან სახლში, რადგან უკონტროლო რეგიონში ნარკომოვაჭრეების მკვეთრი შემოდინება ფიქსირდება, შემდეგ ისინი შარში ეხვევიან, პრობლემებს უქმნიან ოჯახს, სადაც შესახლდნენ და საკუთარ თავსაც.
ინდირა ჭკადუა: "ჩემს მეზობლად ცხოვრობდა რუსეთიდან ჩამოსული ახალგაზრდა ცოლ-ქმარი, არსად არ მუშაობდნენ, მაგრამ ფული სულ ჰქონდათ – კაფე-ბარებში იკვებებოდნენ, რესტორნებში დადიოდნენ, ავტომანქანით მოძრაობდნენ... ერთ დღესაც ვიკითხეთ, ვინ არიან, საიდან აქვთ ფული... სახლის მეპატრონე სომეხია და წინააღმდეგობა გაგვიწია, მაგრამ როდესაც ერთ ქუჩაზე, ორი ბიჭი ნარკოტიკის გადაჭარბებული დოზით დაიღუპა, მივხვდით, რაშიც იყო საქმე. ხალხმა მათი ჩაქოლვა მოითხოვა, ასეც იქნებოდა, მაგრამ სახლის მეპატრონის ხელშეწყობით გაიპარნენ..."
გუნდა პაპასკირი: "საქმე ის არის, როდესაც ოჯახში სამი-ოთხი ძმა ცხოვრობს, სოფელში არაფერი პერსპექტივა არ არის, ერთი მოიყვანს ცოლს და დანარჩენი სამი, პრაქტიკულად ჰაერში რჩება, რადგან სახლ-კარი არ აქვთ... ოჯახს ვერ ქმნიან, სახლის ყიდვის შესაძლებლობა არ აქვთ. იწყებენ დალევას ან ნარკოტიკის მომხარებას ასე თანდათან “ბომჟდებიან...” ფინალი რა არის? - თვიმკვლელობა. რამდენი ასეთი შემთხვევის შესახებ გვსმენია? ოჯახს ვერც დაოჯახებული ძმა არჩენს, მეუღლესთან მუდმივი კონფლიქტი აქვს. მისი შემყურე არც სხვა ძმები ან ახლობლები ფიქრობენ ცოლის მოყვანაზე... გამოსავალი არ ჩანს. გადით ქუჩაში, დანევროზებული, აგრესიული, დეპრესიული ახალგაზრდები დადიან, იარაღი, დანა ყველას აქვს და მცირე მიზეზი შეიძლება საკმარისი გახდეს, რომ ერთმანეთი დაჭრან ან მოკლან..."
ადგილობრივი ე.წ. პროკურატურა ვითარების გამწვავებას უარყოფს. უწყების წარმომადგენლის, დაურ ამიჩბას თქმით, ეს ინფორმაცია დამალული არავისთვის ყოფილა, თუმცა, ასეთი ფაქტები ბოლო წლებში ხდებოდა და სტატისტიკის ზრდა, მით უფრო კატასტროფული, არ შეინიშნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
