მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირაკლი ნოზაძის პირველი კომენტარი დაჭრის ფაქტზე და თამთა ჯანჯღავაზე: "წარმოდგენა არ მქონდა, რომ ასეთი აგრესიული იქნებოდა"
20:29 / 30-06-2018
მომღერალი ირაკლი ნოზაძე 25 ივნისს მომხდარი დაჭრის დეტალებს იხსენებს. როგორც „პალიტრანიუსთან“ საუბრისას მომღერალმა განაცხადა, ბრალდებული მან საერთო მეგობრისგან გაიცნო. მისი თქმით, ჭრილობა დანით აქვს მიყენებული და არა „ბრელოკით“.
„ვიცნობ საერთო მეგობრისგან, სულ რამდენჯერმე ვართ შევხვედრილები. წარმოდგენა არ მქონდა, რომ ასეთი აგრესიული იქნებოდა. ერთ დღეს მჭირდებოდა რაღაც თანხა ჩემი პირადი პრობლემის მოსაგვარებლად და სატელეფონო საუბრისას ვუთხარი, ხომ არ ჰქონდა. ჩვეულებრივად მასესხა და დღის ბოლოს უნდა დამებრუნებინა. ისე მოხდა, რომ დღის განმავლობაში ცოტა დროც გაიწელა, მეგობრის ტელეფონზე დარეკა, რომელსაც ხმამაღალი რეჟიმი ჰქონდა ჩართული და აუგი სიტყვებით მომიხსენია. ალბათ, არ ელოდა, რომ მე ამ ყველაფერს გავიგებდი. მე გავიგე, გამოვართვი და, რა თქმა უნდა, აგრესიით ვუპასუხე. სავარაუდოდ, აქედან დაიწყო კონფლიქტი.
მე ვუთხარი, რომ ერთ საათში ვიქნებოდი სახლში, მოსულიყო და გაგვერკვია. რომ მოვიდა უკვე ისეთი აგრესიით შემოვარდა ეზოში და ისეთი გაღიზიანებული იყო, რომ თავიდან არც ჩავედი. მეგობარი ჩავაგზავნე, რომ დაეწყნარებინა, რაც ვერ მოახერხა. ისევ გააგრძელა აუგი სიტყვებით მოხსენიება. ჩავედი მეც, დავჯექი ჩემივე მანქანაში, ვეუბნებოდი უკან გამომყოლოდა, რომ იქიდან გავრიდებოდი, რადგან მეზობლები და ხალხი იყო და არ მინდოდა ამ ყველაფერს შესწრებოდნენ. ამის პასუხად მივიღე ჩემ მანქანაზე წიხლების დარტყმა, მინაზე დანის დარტყმა - ჩამსხვრევა უნდოდა. ამაზე მეც გავღიზიანდი, კარი გავაღე, მივარტყი კარი და გავწიე. რომ გადმოვედი დავინახე, რომ ხელში დანა ეჭირა. მოგერიების მიზნით, ხელი მოვუქნიე. ამასობაში თვითონაც მომიქნია და არტერიაში ჩამარტყა. ხელი მივიფარე და მეორედ ხელშიც მომხვდა ის დანა. წავბორძიკდი და წავიქეცი. მან კიდევ გააგრძელა ხომ ხედავ რა მოგივიდა, ჯერ სად ხარ, ეს კიდე არაფერია და ა.შ“, - განაცხადა ირაკლი ნოზაძემ.
მისი თქმით, ჭრილობა დანით აქვს მიყენებული და არა „ბრელოკით“. „რა „ბრელოკი“, ამხელა ჭრილობას „ბრელოკით“ განზრახ ვერ მიაყენებ. საუბარი ზედმეტია“, - განაცხადა ნოზაძემ.
შეგახსენებთ, რომ "ქუჩის ბიჭების" წევრი ირაკლი ნოზაძე 25 ივნისს წერეთლის გამზირზე დაჭრეს.
ბრალდებულები მოსკოვის გამზირზე მდებარე ერთ-ერთ საერთო საერთო საცხოვრებელში დააკავეს. მომხდარზე გამოძიება სსკ-ს 19-108-ე მუხლით და 376-ე მუხლით მიმდინარეობს.ირაკლი ნოზაძის განზრახ მკვლელობის მცდელობაში ბრალდებულ თამთა ჯანჯღავას და დანაშაულის შეუტყობინებლობაში ბრალდებულ ნათია თოფურიას აღკვეთის ღონისძიების სახით პატიმრობა შეეფარდათ.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
