15
ივნისიდღის ზოგადი ასტროლოგიური პროგნოზი
მეგან მარკლმა სწრაფად აითვისა მანერები, რომელსაც სამეფო ეტიკეტი ითვალისწინებს. სამოსის მკვეთრი ფერები ნეიტრალური ტონებით შეცვალა, ჯვარედინად გადაკიდებული ჩანთები კი - ქლათჩებით.
თუმცა, რამდენიმე დღის წინ მეგანი მედიის ყურადღების ცენტრში პროტოკოლის დარღვევის გამო მოექცა. ELLE-ს ინფორმაციით, დაჯილდოებაზე „ახალგაზრდა ლიდერები“ დედოფლის გვერდზე მჯდომმა მეგანმა ფეხები გადააჯვარედინა.
სოციალურ ქსელებში მისი ჯდომის მანერა მაშინვე გააკრიტიკეს. „ტვიტერის“ მომხმარებლების ნაწილი წერდა, რომ მეგანის გადაჯვარედინებული ფეხები და ასევე „უწესოდ“ მჯდომი ჰარი დედოფლის გვერდით საშინელი სანახავი იყო.
თუმცა, სასექსის ჰერცოგსა და ჰერცოგინიას დამცველებიც გამოუჩნდნენ.
„მეგანს შეუძლია ფეხი ფეხზე გადაიდოს, ამას პროტოკოლთან საერთო არაფერი აქვს და სამეფო ოჯახის ბევრი წევრი ჯდება ასე,“ - წერს „ფეისბუქის“ ერთ-ერთი მომხმარებელი.
გადაჯვარედინებული ფეხებით არაერთხელ გადაუღიათ პრინცესა დაიანაც.
დაჯილდოებაზე მეგანს "პრადას" ვარდისფერი კაბა ეცვა.
