მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საინტერესო შთაბეჭდილებები და უცნობი ფაქტები „დეტექტივების დედოფლის“– აგათა კრისტის შესახებ
12:45 / 26-06-2018
აგათა კრისტი იგივე „დეტექტივების დედოფალი“ მსოფლიოში ერთ–ერთი ყველაზე კითხვადი ავტორია, რომლის წიგნებიც ასზე მეტ ენაზეა ნათარგმნი და უდიდესი პოპულარობით სარგებლობს მთელს მსოფლიოში. საინტერესოა, თუ რას ფიქრობენ მასზე ქართული ლიტერატურული წრეების წარმომადგენლები და რატომ თვლიან ქალს განსაკუთრებულად საყვარელ მწერლად.
ლევან ბერძენიშვილი, ლიტერატურათმცოდნე: “აგათა კრისტის ყველა ნაწარმოები არათუ წაკითხული მაქვს, მთელი ცხოვრების განმავლობაში მისი შემოქმედების კოლექციას ვაგროვებდი. ეს არის აზროვნების განსაკუთრებული მეთოდის შემქმნელი ქალბატონი, რომელსაც ფანტაზიისა და გამოგონების განსაკუთრებული უნარი ჰქონდა. ის არ ყოფილა დეტექტიური ჟანრის ნოვატორი, თუმცა მოახერხა და ამ ჟანრის კლასიკური ნაწარმოებები დაუტოვა მსოფლიოს. განსაკუთრებულად მნიშვნელოვანია, რომ მისი პერსონაჟები, როგორც დამნაშავეები, ასევე, დეტექტივები, მოქმედებენ თითქმის მათემატიკური სიზუსტით. აქ შემთხვევითობა გამორიცხულია.”
დავით ლორთქიფანიძე, საქართველოს ეროვნული მუზეუმის დერექტორი: ”აგათა კრისტი და მისი დეტექტივები ბავშვობიდან ჩემი ცხოვრების განუყოფელი ნაწილია. მისი რომანები ლოგიკური აზროვნების განვითარებაში, სამყაროს გაცნობასა და ადამიანების მრავალფაროვნების შეგრძნებაში დამეხმარა. მის რომანებში მოქმედება სხვადასხვა ეპოქასა და ქვეყანაში ხდება. ალბათ, ძნელად თუ მოიძებნება მწერალი, რომელსაც ამდენი განსხვავებული გმირის გალერეა აქვს. ჩემთვის მისი ნებისმიერი ნაწარმოები სახელმძღვანელოა სამეცნიერო ამოცანის ამოხსნისთვის.”
გიორგი კეკელიძე, მწერალი, საქართველოს ეროვნული ბიბლიოთეკის დირექტორი: ”აგათა კრისტი მნიშვნელოვანი ავტორია. ასეთი ხალხი ყოველთვის განსაკუთრებულად რჩება, თან აგათა ისეთია, წაკითხვის მერეც ძნელად გაექცევი. არიან მწერლები, რომლებიც ცხოვრებას ისე აღწერენ, რომ დეტექტიურ ფაბულას მოარგონ. ჩვენი "დეტექტივების დედოფალი’’ კი პირიქითაა – კრიმინალური ისტორია და მისი გამოძიება მხოლოდ გარეგნული ასპექტია იმ დროის ყოფაში ჩასათრევად.”
სწორედ ასე ახასიათებენ აგათა კრისტის ქართულ საზოგადოებაში. მათ აზრს კი უამრავი მკითხველიც იზიარებს. აგათა კრისტის დეტექტივები წიგნის მაღაზიებში ყოველთვის ერთ-ერთ ყველაზე მოთხოვნადი წიგნების სიაში იყო. ამჯერად კი გამომცემლობა „პალიტრა L-მა” სასიამოვნო სიურპრიზი მოუმაზადა მათ აგათა კრისტიზე ზემოთ მოცემულ მოსაზრებებს იზიარებს და მათთვისაც, ვინც მწერლის შემოქმედებას ჯერ კარგად არ იცნობს. 28 ივნისიდან „ჩემი რჩეული მსოფლიო“ სერიის ფარგლებში „დეტექტივების დედოფლის“ პირველი წიგნი „იდუმალებით მოცული საქმე სტაილზში“ გამოიცემა, რომლის ყიდვასაც მკითხველი ჟურნალ „გზასთან“ ერთად 7 ლარად შეძლებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
