მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას წაიღებს ე.წ სამხრეთ ოსეთი ყირიმში - დე ფაქტო რესპუბლიკებს სავაჭრო გეგმები აქვთ
09:44 / 22-06-2018
ყირიმში “უცხოური მაღაზიების გახსნა” იგეგმება, სადაც ე.წ. სამხრეთ ოსეთის ნაწარმი გაიყიდება. ამის შესახებ ყირიმისა და ცხინვალის რეგიონის “ხელმძღვანელობები” შეთანხმდნენ. ოსური მედიის თქმით, ახლა მთავარი საკითხია, “რა სახის პროდუქტით შეავსებენ მაღაზიებს, რადგან წლებია სამხრეთ ოსეთში მინერალური წყლის გარდა არაფერი იწარმოება...” შეთანხმება, ასევე, შესაძლოა შეეხოს ყირიმისა და ცხინვალს შორის ტურიზმის სფეროს, საბაზრო და საბანკო სექტორს.
“სამხრეთ ოსეთის სავაჭრო მინისტრის ალან ალბოროვის თქმით, ყირიმში სხვადასხვა სახის პროდუქტის შეტანა იგეგმება, თუმცა, მაღალჩინოსანი ვერ აკონკრეტებს კიდევ რა უნდა წაიღონ ყირიმში, რადგან თავად სამხრეთ ოსეთი გადავსებულია რუსეთიდან შემოტანილი საქონელით, ხილი და ბოსტნეული კი საქართველოდან შემოდის... როგორც ჩანს, ამ ყველაფერს ოსურ იარლიყს მიაკრავენ და ყირიმის მაღაზიებში ამგვარად შეიტანენ.
არადა, ერთ დროს, ოსური ყველი, რომელიც რესპუბლიკაში იწარმოებოდა, მართლაც ბრენდი იყო, თუმცა, ბოლო დროს, ჩრდილოეთ ოსეთის ნაწარმად გადააქციეს; პირდაპირ აწერია - ალანია, რუსეთის ფედერაცია; გაცილებით დაბალი ფასი ღირს, მაგრამ ხარისხიც გაფუჭებულია", - წერს ოსური მედია, რომელიც კითხვას სვამს - რა უნდა შესთავაზოს ყირიმს “სამხრეთ ოსეთმა", რომელიც თავის ტრადიციულ ნაწარმს ვერ ინარჩუნებს.
მათივე ცნობით, ადგილობრივმა ბიზნესმენმა, ვლადიმირ ბოსიკოვმა, რომელიც ჯერ კიდევ რამდენიმე წლის წინ აწარმოებდა მინერალურ წყალს “ალანდონი”, რუსეთიდან მიღებული ფინანსური დახმარებით ახალი ბრენდი “ოსეტინსკაიას” რეალიზაცია დაიწყო. ის ამ საქმეს მეტ-ნაკლებად კარგად უძღვება. მისთვის ყირიმიდან შემოთავაზების შესახებ არაფერი უთქვამთ, თუმცა, ამბობს, რომ ყირიმში მინერალური წყალი უკვე კარგა ხანია შეუფერხებლად შეაქვთ და მომავალში, შესაძლოა, რაოდენობის გაზრდაზეც იყოს ლაპარაკი...
ფოტო: Gana Yanovskaya /OC Media
ბიზნესმენისთვის დასმულ კითხვაზე, კიდევ რომელი პროდუქტის შეტანა შეიძლება ყირიმში, ბოსიკოვი პასუხობს, რომ წყლის გარდა რესპუბლიკას არაფერი აქვს. მისივე თქმით, რუსეთში ის ძალიან კონკურენტულ გარემოში იყო და შესაბამისად, ყირიმში გაცილებით მოთხოვნადი იქნება. არის კიდევ ერთი რამ, რაც ცხინვალში ფუნქციონირებს - ეს არის ხორცის გადამამუშავებელი კომპანია “რასტდონი”, თუმცა, ასეთი კომპანიები რუსეთში ძალიან ბევრია და შესაბამისად, მისი პერსპექტივა ყირიმში ბუნდოვანია...
ოსი პუბლიცისტის თემურ ცხურბატის თქმით, - ყირიმში, მინერალური წყლის გარდა, შესაძლოა, გაიტანონ ხე-ტყე. კონკრეტულად, საუბარია, წიფელზე. მისი თქმით, ადგილობრივ ტყეებს სანიტარული ჭრები ნამდვილად სჭირდება, თუმცა, ამ საკითხზე ადგილობრივ “ხელმძღვანელობაში” არავის საუბრობს.
ცნობისთვის, ოსებს, სულ მცირე ინფორმაცია მაინც უნდა ჰქონდეთ, როგორი დამოკიდებულება აქვს რუსეთის ხელისუფლებას კონფლიქტურ რეგიონებში ბუნებრივი რესურსების მიმართ - წლებია აფხაზები სხვადასხვა დონეზე ითხოვენ ყურადღებასა და ქმედით ნაბიჯებს იმ ულმობელი პოლიტიკის წინააღმდეგ, რასაც რუსეთი იქ ასევე სხვადასხვა დონეზე ახორციელებს. კერძოდ, აფხაზეთიდან ინტენსიურად გააქვთ ქვა-ღორღი, საშენი მასალები, ხე-ტყე, წლებია მიმდინარეობს უკონტროლო თევზჭერა... ეს ყველაფერი თავის დროზე სწორედ ასეთი “შეთავაზებების” საფუძველზე დაიწყო, შემდეგ, რუსეთსა და ადგილობრივ სომეხ და აფხაზ ბიზნესმენებს მადა ჭამაში მოუვიდათ. ახლა კი, აფხაზები შველას ითხოვენ...
როგორც ჩანს, წინ არც ოსები იყურებიან, რადგან ამ ყველაფერს “განახლებად რესურსს“ უწოდებენ. მათი თქმით, წიფელი, ის ერთ-ერთი სიმდიდრეა, რომლის გამოყენებაც რეგიონს რეალურად შეუძლია და თამამად შეიძლება “მეგობარ ყირიმს” შესთავაზონ.
“სამხრეთ ოსეთში საკმარისად ბევრი ტყეა იმისთვის, რათა კარგი პირობების ფარგლებში ხის საამქრო შეიქმნას, სადაც 200-მდე ადამიანი დასაქმდება და ნორმალურ ანაზღაურებსაც აიღებს... თუმცა, უნდა დაწესდეს კვოტა ხის ჭრისთვის, რათა ბალანსი დაცული იყოს,” – წერს ცხურბატი, რომელიც საკმაოდ კარგად იცნობს ცხინვალში არსებულ რეალობას და ძნელი დასაჯერებელია, ადგილობრივი “კანონის” ეფექტიანობის სჯეროდეს..
თავის მხრივ, ყირიმის პრორუსულმა “ხელმძღვანელობამ” ეს შეთავაზება უკვე განიხილა. ე.წ. სავაჭრო პალატის პრეზიდენტის არტემ მალცევის განცხადებით, - “ორ რესპუბლიკას სერიოზული პოტენციალი აქვს”. მისივე თქმით, “ამგვარი პროექტები ყირიმისა და სამხრეთ ოსეთის ეკონომიკას გააძლიერებს”. ოსური მედიის შეფასებით, ორივე “რესპუბლიკის” იმედი, რომ ამით მათი ეკონომიკა გაუმჯობესდება და სოციალური ფონი გამოსწორდება, თავიდანვე განწირულია, თუნდაც იმიტომ, რომ ცხინვალში სიტყვა “წარმოება” 25 წელზე მეტია, მხოლოდ იუმორის ჟანრში გამოიყენება...
მთავარ ფოტოზე: დე ფაქტო სამხრეთ ოსეთის და ყირიმის ლიდერები
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
