მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კიდევ ერთი "ღირსების მკვლელობა" აფხაზეთში - ქალი, რომელსაც ქმრის ოჯახიდან ფულის მოპარვა ბრალდებოდა, ძმამ მოკლა
20:15 / 19-06-2018
აფხაზეთში კიდევ ერთი "ღირსების მკვლელობა" მოხდა. ოჩამჩირის რაიონში ძმამ და მოკლა, რომელსაც ოთხი არასრულწლოვანი შვილი დარჩა... თავდაპირველად ინფორმაცია სოციალური ქსელის მეშვეობით გავრცელდა, შემდეგ კი ე.წ. სამართალდამცავმა უწყებამაც დაადასტურა. მოკლულ ქალს ქმრის სახლიდან თანხის მოპარვის გამო რვაწლიანი სასჯელი ჰქონდა მისჯილი. თუმცა, სასამართლომ გაითვალისწინა, რომ "ბრალდებულს" არასრულწლოვან შვილებთან ერთად, ჩვილი ბავშვიც ჰყავდა და პატიმრობიდან გაათავისუფლა.
არსებობს კიდევ ერთი ვერსია, რომ ბრალდებული წინასწარი დაკავების იზოლატორიდან მისმა ძმამ ე.წ. სამართალდაცველებთან გარკვეული შეთანხმების შემდეგ წამოიყვანა, მეორე დღეს საკუთარი სახლში ცეცხლსასროლი იარაღიდან რამდენიმე გასროლით მოკლა და შემდეგ ადგილობრივ "მილიციას" ჩაბარდა, სადაც დანაშაული აღიარა.
ეს უკვე მესამე ე.წ. ღირსების მკვლელობაა აფხაზეთში. ზუსტად ერთი წლის წინ, კიდევ ერთმა ადგილობრივმა რობერტ ჯღამაზიამ, საკუთარი 23 წლის ქალიშვილი ასევე ცეცხლსასროლი იარაღიდან გასროლით მოკლა. მაშინ გავრცელებული ინფორმაციით, ანჟელიკა ჯღამაზიას მამა ამ ქმედებამდე დეპუტატმა ალმას ჯაპუამ მიიყვანა. რობერტ ჯღამაზია "გაასამართლეს" და 11-წლიანი პატიმრობა მიუსაჯეს.
ამ შემთხვევიდან რამდენიმე თვის შემდეგ კიდევ ერთი მკვლელობა მოხდა. ვიქტორ ჯანბამ ქუჩაში ავტომატური ცეცხლსასროლი იარაღიდან რამდენიმე ტყვია ესროლა გულზაგ მამედოვს, მისი მცირეწლოვანი შვილის დედას, რომელიც ადგილზე გარდაიცვალა... ადგილობრივებმა ეს ფაქტიც "ღირსების მკვლელობად" შეაფასეს.
სოციალური ქსელის აფხაზი მომხმარებლების თქმით, ასეთი ფაქტები ბევრი რამით არის განპირობებული, მათ შორის "მარლთმსაჯულების" სისუსტით.
აფხაზი მამაკაცების ერთი ნაწილი წერს, რომ ეს ფაქტები სხვა, "უვარგისი ქალებისთვის" სწორი სასჯელის ფორმაა და რადგან ბოლო წლებში სამართლებრივი სისტემა ძალიან მოიკოჭლებს, მამაკაცებმა თავად უნდა იპოვონ გამოსავალი.
"ადრე არსებობდა სახალხო სამართალი და სახალხო გასამართლება, უხუცესი თაობა და ობიექტური ადამიანები იკრიბებოდნენ და საქმეს სწავლობდნენ, დამნაშავე კი, რაც უნდა მძიმე ყოფილიყო განაჩენი, ისჯებოდა... ეს სწორი ფორმა იყო. "ღირსების სასამართლო" კავკასიელი ხალხისთვის ძალიან საჭირო რამ არის, რადგან ჩვენ კანონის მიმართ თავისებური დამოკიდებულება გვაქვს, აქ ყველა ერთმანეთს იცნობს, კორუფცია და ჩაწყობა ჩვეულებრივი რამ არის და შესაბამისად, რაღაც გამოსავალი უნდა ვიპოვოთ... თუკი, ამაზე მთელი საზოგადოება არ დათანხმდება, ეს ცალკეული სამართლიანი და გაბედული ადამიანების ხელით მოხდება..." - წერს აფხაზი ომარ აძინბა.
მის პოზიციას კრიტიკოსები გამოუჩნდნენ, თუმცა, აფხაზურ საზოგადოებაში "ღირსების მკველობისა" და "სახალხო სასამართლოს" მიმართ აშკარად ლოიალური დამოკიდებულება იკვეთება.
"ჩვენს ხალხში ამის გაკონტროლება წარმოუდგენელია... გაგახსენებთ რამდენიმე წლის წინანდელ ტრაგედიას, როდესაც ახალგაზრდა ქალი, რომელიც ქმრის ოჯახიდან, ვითომ მეგობარი მამაკაცის მესიჯის გამო გააგდეს ძმამ და მამამ მოკლა, ჩვეულებრივად გაგუდეს და შემდეგ ეს თვითმკვლელობად გაასაღეს... შემდეგ გაირკვა, რომ გოგონას ეს ყველაფერი რძალმა მოუწყო, რომელთანაც დაპირისპირება ჰქონდა და რომელმაც ვიღაც მამაკაცს გათხოვილი ქალისთვის სასიყვარულო მესიჯი გააგზავნინა... არც რძალი და არც უდანაშაულო მსხვერპლის ძმა და მამა არ დასჯილან. ყველა ვიცით, ასეთი ფაქტები რამდენი ხდება, რომელ "სახალხო სასამართლოზე" ვსაუბრობთ, ეს ხომ თვითმკვლელობის ტოლფასია?.. ვინმე იცის რატომ მოიპარა იმ საცოდავმა ქალმა ფული?! ან მოიპარა თუ არა საერთოდ? ვისაც მიაჩნია, რომ ოთხი მცირეწლოვანი ბავშვისთვის დედის მოკვლა ნორმალურია, თავად არ არის ნორმალური..." - წერს კიდევ ერთი აფხაზი ელზა ჩქოტუა.
არიან ისეთებიც, ვინც მიიჩნევს რომ "ამაყი აფხაზი ერისთვის" თავმოყვარეობა ყველაფერზე წმინდაა და ვინც ამას ვერ იგებს, სუფთა აფხაზური წარმოშობის არ არის...
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამაყები კი არა ბნელები არიან!!!!