მოსკოვის ერთ-ერთ ბინაში ქართველი ახალგაზრდა გარდაცვლილი იპოვეს
მოსკოვში, კუტუზოვის ქუჩაზე მდებარე საცხოვრებელ ბინაში ახალგაზრდა მამაკაცი გარდაცვლილი იპოვეს. რუსული მედიის ინფორმაციით, გარდაცვლილი საქართველოს მოქალაქეა, რომელიც მოსკოვში მსოფლიო ჩემპიონატზე დასასწრებად იმყოფებოდა.
თავდაპირველად რუსულ მედიაში გავრცელდა ცნობა, რომ საცხოვრებელი ბინა საქართველოს საფეხბურთო ნაკრების წევრ საბა კვირკველიას ეკუთვნოდა და გარდაცვლილიც ქართველი ფეხბურთელის მეგობარი იყო, თუმცა კვირკველიას თქმით, ეს ყველაფერი სიმართლეს არ შეესაბამება.
"უკვე ექვსი თვეა იმ სახლში აღარ ვცხოვრობ. სახლი მეგობარს გადავეცი და იქ უკვე ნახევარი წელია აღარ ვყოფილვარ. გარდაცვლილი ჩემი მეგობარი არ ყოფილა. ეს ადამიანი საქართველოში ყოფილი ფეხბურთელია და იმის მეგობარია, ვისაც მე სახლი გადავეცი. მე ახლა საქართველოში ვიმყოფები, ეს ყველაფერი საინფორმაციოებიდან შევიტყვე და შოკირებული ვარ", - აღნიშნა კვირკველიამ Sport24-თან კომენტარში.
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
