მნიშვნელოვანი ინფორმაცია
5
აპრილიდღის ზოგადი ასტროლოგიური პროგნოზი
შაბათი, მთვარის მერვე დღე დაიწყება 10:42-ზე, მთვარე კირჩხიბშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადაადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. ამ დღის რთული ორგანო კუჭია. მოერიდეთ კუჭის გადატვირთვას, მოწევას, სმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ახალგორი შესაძლოა ქართულენოვანი მოსახლეობისგან დაცარიელდეს - ბიბილოვის "ბრძანება" ადგილობრივ ქართველებს შემოსავლის გარეშე ტოვებს
20:20 / 13-06-2018
ახალგორის რაიონის საბავშვო ბაღებიდან ყველა ის თანამშრომელი გაუშვეს, რომელიც რუსულ და ოსურ ენებზე არ საუბრობს. ოსური მედიის ცნობით, 7 ივნისს ახალგორში ახალი საბავშვო ბაღი გახსნეს, რომელსაც დე-ფაქტო სამხრეთ ოსეთის "პრეზიდენტი" ანატოლი ბიბილოვი და რუსეთის ე.წ. "ელჩი" მარატ კულახმეტოვიც ესწრებოდნენ.
"ახალი საბავშვო ბაღი, ორი ქვეყნის მეგობრობის პატივსაცემად აშენდა და მასში აღსაზრდელები 4 ცვლაში ისწავლიან. მთლიანობაში, 100 ბავშვი... პრეზიდენტის თქმით, მას სოციალურ დანიშნულება ექნება, რომელიც ადგილობრივი მოსახლეობისა და რუსი სამხედროების ოჯახებისთვის კარგი საშუალება იქნება" - წერს ოსური მედია და დასძენს, რომ საბავშვო ბაღებიდან ძველი პერსონალი, რომელიც რუსულ და ოსურ ენებზე ვერ საუბრობდა, დაითხოვეს.
აქამდე ახალგორის სკოლაში მოთხოვნა მხოლოდ რუსულენოვან მასწავლებლებზე იყო, რადგან იქ რუსი სამხედროების ცოლებიც მუშაობდნენ, თუმცა, ბიბილოვის ახალი ე.წ. ბრძანების თანახმად, სკოლებისა და საბავშვო ბაღის თანამშრომლებს და დამლაგებელსაც კი, როგორც რუსული, ასევე ოსური ენის ცოდნასაც სთხოვენ.
ახალგორელი სამოქალაქო აქტივისტის, თამარ მეარაყიშვილის თქმით, უამრავი ადამიანი უმუშევარი დატოვეს და მათ შორის ოსი უფრო მეტია, ვიდრე ქართველი. მისივე ინფორმაციით, ქართველების გარდა ეს შეზღუდვა ოსურ ოჯახებსაც შეეხო და არაერთი ადამიანი შემოსავლის გარეშე დარჩა. სამსახურის გარეშე დარჩენილი ქართველები კი დაბის დატოვებას და წეროვანში გადასვლას ფიქრობენ. მეარაყიშვილის აზრით, ბიბილოვის პოლიტიკის მიზანია, დაბა ქართულენოვანი მოსახლეობისგან დაცარიელდეს.
ბოლო დროს, ბიბილოვის ე.წ. ხელისუფლება ძალიან ბერს საუბრობს ახალგორის რაიონის ცხინვალის რაიონში "ასიმილაციის პრობლემაზე", თუმცა, ოსური მედია წერს, რომ ამისთვის არაფერი გაკეთებულა და არც კეთდება. მათივე თქმით, ოსური ადგილობრივებმაც არ იციან, რადგან მოსახლეობა ერთმანეთში უმეტესად რუსულად საუბრობს. სკოლებში კი ოსური ენა სიმბოლურად ისწავლება.
თამარ მეარაყიშვილის თქმით, თავის დროზე, ის ეძებდა ოსური ენის რეპეტიტორს, თუმცა უშედეგოდ.
"კულტურული განყოფილების უფროსს ბესარიონ ბიტაროვს ვთხოვე, იქნებ გახსნათ ენის კურსები და ცხინვალიდან კვალიფიციური სპეციალისტები მოიწვიოთ-მეთქი... ეს რაიონის ხელმძღვანელობის პრეროგატივაა, მაგრამ ამას ფული უნდა, რაც მათ არ აქვთო, მიპასუხა..." - ამბობს მეარაყიშვილი.
ოსური მედიის თქმით, რაიონში, სადაც ჩინოვნიკები სამ-ოთხ შტატს ითავსებენ და ანაზღაურებასაც იღებენ, "მშობლიური ენის შემსწავლელი კურსების დაფინანსება არავის უნდა, თუმცა, ეს შესაძლებლობის კი არა, მოტივაციის საკითხია...".
"სახელმწიფოს უნდა ეზრუნა ადგილობრივი მოსახლეობის ადაპტაციაზე, თუმცა, ახლა, მათ ახალ პროექტებს, უბრალო ადამიანები ეწირებიან" – წერს ოსური მედია.
"რაიონში არსებული რუსული სკოლა, როგორც ოსური, ისე ქართული მხარისგან ფინანსდებოდა. საქმე ის არის, რომ საბავშვო ბაღებს მუცინიპალიტეტი აფინანსებს, სკოლებს კი – ხელისუფლება... მნიშვნელოვანია, რომ ცხინვალმა ახალგორის რაიონში პირველი ხელფასების გაცემა მხოლოდ 2008 წლის დეკემბერში დაიწყო... თუმცა, ბევრი იქ თანხის გამო არ დარჩენილა, მათ უბრალოდ თავიანთ სახლებსა და სამსახურებში ყოფნა არჩიეს და ჩვენმა სახელმწიფომ ახლა ისინი საარსებო მინიმუმის გარეშე დატოვა..." – წერს ოსური მედია.
ადგილობრივი მოსახლეობა დიდი ცვლილებების მოლოდინში არ არის. მათი ვარაუდით, სცენარის გაგრძელება ასეთი იქნება - "გათავისუფლებული ადამიანების ადგილზე, ჩინოვნიკების თავიანთ ახლობლებს წინაგარადან, ორჭოსანიდან და სხვა სოფლებიდან მოიყვანენ. ადრეც ასე იქცეოდნენ. გამოდის, რომ ადგილობრივებს კარისკენ უთითებენ, უფრო ზუსტად კი - "რაზდახანის" გამშვები პუნქტისკენ," – მიიჩნევს ოსი ჟურნალისტი მურატ გუკემუხოვი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
