მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აზიური ფაროსანას პოპულაცია შემცირდა - მავნებელთან ბრძოლის დეტალური შედეგები საქართველოს რეგიონებიდან
14:00 / 13-06-2018
გარემოს დაცვის და სოფლის მეურნეობის სამინისტროს სურსათის ეროვნულმა სააგენტომ აზიურ ფაროსანას წინააღმდეგ განხორციელებული ღონისძიებების ანგარიში წარმოადგინა. სააგენტოს უფროსმა, ზურაბ ჩეკურაშვილმა პრესკონფერენცია აბაშაში, მავნებელთან ბრძოლის საკოორდინაციო შტაბში გამართა.
„აზიურ ფაროსანასთან ბრძოლის ღონისძიებების პირველი ეტაპი დასრულდა. ჩვენ გვაქვს კონკრეტული შედეგები. გასული წლის ანალოგიურ პერიოდთან შედარებით, მნიშვნელოვნად შემცირდა მავნებლის პოპულაცია. მავნებლის გავრცელების გეოგრაფიული არეალი არ გაზრდილა. მინდა მადლობა გადავუხადო მოსახლეობის და ფერმერების იმ ნაწილს, რომელიც ჩართული იყო მავნებელთან ბრძოლის პროცესში და რომელმაც გაითავისა, რომ შედეგის მისაღწევად, მათი აქტიურობა გადამწყვეტია. აღსანიშნავია, რომ დღეისათვის მიღებული ხელშესახები პოზიტიური შედეგი თანმიმდევრულად გატარებულმა სახელმწიფო პოლიტიკამ განაპირობა, რაც გულისხმობს შესაბამისი სახელმწიფო უწყებებისა და მოსახლეობის მიერ ერთობლივად გატარებულ ღონისძიებებს; ასევე, აქტიურ საინფორმაციო კამპანიას.
მთავრობის გადაწყვეტილებით, წელს აზიური ფაროსანას წინააღმდეგ საბრძოლველად საჭირო სპეციალიზებული ტექნიკის რაოდენობა გაათმაგებულია. წელს პირველ ეტაპზე უკვე შეწამლულია 160 ათასამდე ჰექტარი. ორგანიზებულად მუშაობს საკოორდინაციო შტაბი. უსაფრთხოების წესების დაცვის მიზნით, ადგილობრივი მუნიციპალიტეტების მეშვეობით, წინასწარ ხდება მოსახლეობის ინფორმირება დაგეგმილი ღონისძიებების შესახებ.
შემდეგ ეტაპზე ბრძოლის ღონისძიებები გარემოს დაცვისა და სოფლის მეურნეობის სამინისტროს მიერ შემუშავებული სტრატეგიის მიხედვით გაგრძელდება. აღნიშნული სტრატეგია ქართველი და მსოფლიოს წამყვანი სპეციალისტების ჩართულობით და სხვა ქვეყნების გამოცდილებით შემუშავდა. ივლისის შუა რიცხვებიდან წამლობა ჩატარდება სიმინდის საყანე ფართობებში. მავნებელთან ბრძოლის ყველა ეტაპზე, მოსახლეობის ჩართულობა არის უმნიშვნელოვანესი, მათ შორის, მცენარეთა სხვა დაავადებებთან მიმართებაში, რომლებმაც, კლიმატური პირობების გამო, წელსაც იჩინა თავი და რომელიც საფრთხეს უქმნის თხილის მოსავალს, თუ ღონისძიებები სწორად და დროულად არ ჩატარდება“, - განაცხადა ზურაბ ჩეკურაშვილმა.
დღეის მდგომარეობით, აჭარის ავტონომიური რესპუბლიკის, სამეგრელოს, გურიისა და იმერეთის რეგიონებში, თერმული ნისლის ტექნოლოგიით დამუშავებულია 155 ათასამდე ჰექტარი სახელმწიფო საკუთრებაში არსებული და სოფლის ტერიტორიები, ხოლო ცივი შესხურებით, 4 000-მდე ჰექტარი, აზიური ფაროსანას ტყიდან სასოფლო-სამეურნეო კულტურებზე გავრცელების თავიდან აცილების მიზნით, ტყის პერიმეტრზე, ბუფერულ ზონებში, დაცული ტერიტორიების მიმდებარედ, დამონტაჟებულია 50 ათასამდე „მოიზიდე და გაანადგურე“ სადგური. სულ ღონისძიებები ჩატარდა 22 მუნიციპალიტეტის 382 სოფელში.
მავნებლის იდენტიფიკაციის და არეალის დადგენის მიზნით, საკოორდინაციო შტაბში ყოველდღიურ რეჟიმში, მიმდინარეობს მონაცემების განახლება და ინტერაქტიულ რუკაზე ასახვა. მონაცემთა ანალიზის საფუძველზე იგეგმება შეწამვლითი ღონისძიებები. ღონისძიებების შესახებ მოსახელობის ოპერატიულად ინფორმირების მიზნით, ამოქმედებულია სატელეფონო გზავნილების სისტემა, მუშაობს ცხელი ხაზი.
მავნებლის საწინააღმდეგო ღონისძიებების გასატარებლად რეგიონში მობილიზებულია 150 ერთეული მაღალი გამავლობის სპეციალიზებული ტექნიკა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
