რუსთაველის გამზირზე, პარლამენტის შენობის წინ საპარლამენტო და არასაპარლამენტო ოპოზიციის ნაწილი კვლავ შეკრებილია. სოლიდარობის აქცია თავდაპირველად 14:00 საათზე იყო ჩანიშნული, თუმცა მოგვიანებით აქციის ჩატარების დრომ 18:00 საათზე გადაიწია.
ამჟამად საპროტესტო აქციის მონაწილეები რჩებიან რუსთაველის გამზირზე და აქცია გამომსვლელების და ყოველგვარი მოწოდებების გარეშე მიმდინარეობს. საპროტესტო აქციაზე იმყოფებიან „ნაციონალურო მოძრაობის“, „ეროვნულ-დემოკრატიული პარტიის“, „ახალი საქართველოს“, „სახელმწიფო ხალხისთვის“ წარმომადგენლები. აქციაზე არ იმყოფება ხორავას ქუჩაზე მოკლული მოზარდის მამა ზაზა სარალიძე . ის პარლამენტში საგამოძიებო კომისიის ფარგლებში შეხვედრას ოპოზიციის წევრებთან მართავს.
