ივან ურგანტმა და მისმა ქართველმა ცოლმა, ნატალია კიკნაძემ ისრაელის მოქალაქეობა მიიღეს

რუსმა ტელეწამყვანმა ივან ურგანტმა ისრაელის მოქალაქეობა მიიღო, ინფორმაციას RTVI ავრცელებს.

წარმოშობით ისრაელელ ურგანტს პირადობის მოწმობა აეროპორტში დაახვედრეს. პასპორტს კი ტელეწამყვანი ისრაელის შინაგან საქმეთა სამინისტროში აიღებს.

რუსულენოვანი გაზეთი „ვესტი“, რომელიც ისრაელში გამოდის, წერს, რომ ურგანტმა ისრაელის მოქალაქის პირადობის დამადასტურებელი მოწმობა ბენ-გურიონის აეროპორტში მიიღო. გამოცემის ინფორმაციით, რეპატრიაცია ტელეწამყვანმა ცოლთან, ნატალია კიკნაძესთან და შვილებთან ერთად განახორციელა.

ივან ურგანტი რუსი ტელეწამყვანი და შოუმენია. მას რუსეთის პირველ არხზე საკუთარი გადაცემა აქვს, სადაც სტუმრად ცნობილ ადამიანებს იწვევს.

ურგანტს ქართველი ცოლი ჰყავს.