ექსპერტმა თამარ შოშიტაიშვილმა სამსაათიანი დაკითხვის შემდეგ შსს დატოვა

ლევან სამხარაულის სახელობის ექსპერტიზის ბიუროს ექსპერტმა თამარ შოშიტაიშვილმა სამსაათიანი დაკითხვის შემდეგ შს სამინისტროს შენობა დატოვა. აღნიშნული ექსპერტი ექსპერტიზას გარდაცვლილ მოზარდთა ტანსაცმელზე ატარებდა, შესაბამისად, გამომძიებლების კითხვებიც ამას უკავშირდებოდა.

როგორც თამარ შოშიტაიშვილმა ჟურნალისტებს განუცხადა, მან გაუთქმელობის ხელწერილს მოაწერა ხელი, რის გამოც კონკრეტიკისგან თავი შეიკავა. ჟურნალისტები დაინტერესდნენ ექსპერტის პოზიციით იმ შედეგებთან დაკავშირებით, რომელიც დადო დამოუკიდებელმა ექსპერტმა მაია ნიკოლეიშვილმა. თუმცა შოშიტაიშვილმა აღნიშნა, რომ ის ნიკოლეიშვილის დასკვნის შედეგებს არ იცნობს.