მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გალღვა ყინული და პროცესი დაიწყო" - ოშკის გუმბათის გამაგრებით სამუშოებში ჩასართავად თურქეთში ქართველი სპეციალისტები გაემგზავრნენ
13:20 / 07-06-2018
ისტორიულ ტაო-კლარჯეთში, ოშკის ტაძრის გუმბათის გამაგრებით სამუშოებში ჩასართველად ქართველ სპეციალისტთა ჯგუფი თურქეთში დღეს გაემგზავრა. ამის შესახებ “ინტერპრესნიუსს“ კულტურული მემკვიდრეობის დაცვის ეროვნული სააგენტოს ხელმძღვანელმა ნიკოლოზ ანთიძემ განუცხადა.
მისივე თქმით, ჯგუფი ოთხი წევრისგან შედგება. კერძოდ, მასში შედიან არქიტექტორ-რესტავრატორი, არქეოლოგი, ხელოვნებათმცოდნე და კონსტრუქტორი. ისინი სამუშოებს ხვალიდან შეუდგებიან და გახდება ცნობილი, როგორ გადანაწილდება გუმაბთის გამაგრებისთვის შესასრულებელი სამუშაო ქართველ და თურქ სპეციალისტებს შორის.
„რაც ყველაზე მნიშვნელოვანია, გალღვა ყინული და პროცესი დაიწყო. ამიტომ კონკრეტული დეტალები ჯგუფის ჩამოსვლის შემდეგ გახდება ცნობილი. ისინი დღეს დილით გაემგზავრნენ და ჯერ გზაში არიან. გუმბათის გამაგრების პროექტი ჩვენ გადავაგზავნეთ. მათაც ექნებათ რაღაც შენიშვნები. ამიტომ, ამას ყველაფერს გაეცნობიან და თურქ კოლეგებთან ერთად ამ პროცესს დაგეგმავენ“, – განაცხადა ანთიძემ.
მისივე თქმით, ეს არის პირველი ნაბიჯები პროცესის დასაწყებად და ქართველ ექსპერტთა ჯგუფი 11 ივნისამდე თურქეთიდან უკან დაბრუნდება.
ოშკის გუმბათზე გამაგრებითი სამუშაოები გასულ წელს საქართველოსა და თურქეთის მთავრობას შორის მიღწეული შეთანხმების შესაბამისად დაიწყება. ამისთვის ქართულმა მხარემ თურქეთის მხარეს ძალოვანი ხარაჩოს პროექტი გადასცა.
ოშკის წმინდა იოანე ნათლისმცემლის სახელობის ტაძარი მე-10 საუკუნეშია აშენებული. იგი ორნამენტების სიუხვით და ქვაზე კვეთილი გამოსახულებებით გამოირჩევა. ოშკი სამონასტრო კომპლექსს წარმოადგენდა. ტაძრის გვერდით დღემდე შემორჩენილია ასევე სასულიერო აკადემიის ნანგრევები და სამლოცველო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
