მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ექსპერტიზის დასკვნით, არჩილ ტატუნაშვილს სხეულზე 100-ზე მეტი დაზიანება აღენიშნებოდა
14:00 / 05-06-2018
ექსპერტიზის დასკვნით, არჩილ ტატუნაშვილს სხეულის სხვადასხვა მიდამოებში 100-ზე მეტი დაზიანება აღენიშნებოდა, - ამის შესახებ „ინტერპრესნიუსს“ „ადამიანის უფლებათა ცენტრის“ იურისტმა, ტატუნაშვილის ოჯახის ადვოკატმა თამარ ავალიანმა განუცხადა.
„არის სამედიცინო ექსპერტიზის დასკვნა, სადაც აღნიშნულია, რომ არჩილ ტატუნაშვილს აღენიშნებოდა 100-ზე მეტი დაზიანება სხეულის სხვადასხვა მიდამოებში. სამედიცინო ექსპერტიზა საუბრობს იმაზე, რომ ეს დაზიანებები მიყენებულია მრავალგზის, მკვრივი, ბლაგვი საგნის ზემოქმედების შედეგად, რაც გვაფიქრებინებს, რომ შესაძლოა, არჩილ ტატუნაშვილი იყო ნაწამები და მისი გარდაცვალება გამოიწვია წამებამ“, - განაცხადა ავალიანმა.
ამასთან, ოჯახის ადვოკატი აცხადებს, რომ ლევან სამხარაულის სახელობის სასამართლო ექსპერტიზის ეროვნული ბიუროს მიერ ჩატარებული ამ ექსპერტიზის დასკვნას სრულად არ იზიარებს, ვინაიდან ის ნაკლოვანია.
„არჩილ ტატუნაშვილს სხვა დაზიანებებიც ეტყობოდა, მაგალითად, შუბლზე სავარაუდოდ ნატყვიარი, ასევე, მარცხენა საფეთქელი შეზნექილი ჰქონდა და ამის შესახებ დასკვნაში არაფერი არის მითითებული. ეს უბრალოდ, არის გარეგნული დათვალიერების სამედიცინო დასკვნა. ჩვენ ველოდებით კომისიური ექსპერტიზის დასკვნას, რომელიც უშუალოდ დაადგენს არჩილ ტატუნაშვილის სიკვდილის გამომწვევ მიზეზებს. ჩვენ მოვითხოვეთ, რომ ეს დასკვნა რაც შეიძლება სწრაფად და შემჭიდროებულ ვადებში მომზადდეს, ვინაიდან ეს გვესაჭიროება ადამიანის უფლებათა ევროპულ სასამართლოში საჩივრის წარდგენისთვის“, - განაცხადა თამარ ავალიანმა.
შეგახსენებთ, რომ 22 თებერვალს, საოკუპაციო რეჟიმმა საქართველოს 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში დააკავა. 23 თებერვალს კი ცნობილი გახდა, რომ არჩილ ტატუნაშვილი გაურკვეველ ვითარებაში გარდაიცვალა. 26 დღის შემდეგ, 20 მარტს, წითელი ჯვრის საერთაშორისო კომიტეტის მეშვეობით ოკუპირებულმა ცხინვალმა არჩილ ტატუნაშვილის ცხედარი ოჯახს გადასცა. ცხედარს სამხარაულის სახელობის ექსპერტიზის ეროვნულ ბიუროში ექსპერტიზა ჩაუტარდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
