ლევან დადუნაშვილის მამის გამოსვლა აქციაზე - "რევოლუცია მე არ მაწყობს"
პარლამენტთან მიმდინარე აქციაზე ხორავას ქუჩაზე მოკლული ლევან დადუნაშვილის მამა მივიდა და შეკრებილ საზოგადოებას სიტყვით მიმართა. მოკლული მოზარდის მამამ ზაზა სარალიძეს თანადგომა გამოუცხადა და აღნიშნა, რომ გამოძიებით კმაყოფილი არც ის არის.
"არასოდეს გამოვჩენილვარ აქციებზე და კამერებთან. მე აღმაშფოთა ერთმა ფაქტმა, წეღან გამოვიდა აქ ვიღაც ტიპი, რომელმაც ლევანის ნათლიად გაასაღა თავი. ეს არ უნდა ხდებოდეს. თუ თანადგომაა, თანადგომა იყოს. ავანტიურებს და ამნაირ ავანტურისტებს აქ ადგილი არ უნდა ჰქონდეთ. მე ჩემი სათქმელი ეს მაქვს. მე ზაზას თანადგომას ვუცხადებ და მის გვერდში ვარ. ჩემი ტრაგედია და ზაზას ტრაგედია ერთია. მინდა ყველას მოგმართოთ, ვინც ტელევიზიით და სახლში შეკეტილები გვისმენენ, გამოვიდეთ ყელა. რევოლუცია მე არ მაწყობს, მინდა ჩემი შვილის მკვლელი ბოლომდე დაისაჯოს. სამართლით მეც არ ვარ კმაყოფილი, მაგრამ არის ინსტანციები, სადაც გასარკვევია ეს ყველაფერი. არ ვარ ბოლომდე კმაყოფილი გამოძიებით, მაგრამ უნდა გამოიძიოს ეს იმ სახელმწიფომ, რომელ სახელმწიფოშიც ვცხოვრობთ" - განაცხადა დადუნაშვილმა. აღნიშნულ კომენტარს აქციის მონაწილეების მხრიდან ხმაური მოჰყვა.
შეგახსენებთ, რომ საპროტესტო აქცია გუშინ მას შემდეგ დაიწყო, რაც თბილისის საქალაქო სასამართლომ ხორავას ქუჩაზე მოზარდების მკვლელობის საქმეზე ბრალდებულების მიმართ განაჩენი გამოაცხადა. მოსამართლის გადაწყვეტილებით, გ.ბ, რომელსაც ბრალი, როგორც ლევან დადუნაშვილის ასევე დავით სარალიძის განზრახ მკვლელობაში ედებოდა, მხოლოდ ლევან დადუნაშვილის მკვლელობის ეპიზოდში იქნა დამნაშავედ ცნობილი. რაც შეეხება დავით სარალიძის მკვლელობის ეპიზოდს, სასამართლომ გ.ბ. ამ ნაწილში სრულად გაამართლა. რაც შეეხება მეორე ბრალდებულს, რომელსაც პროკურატურა დავით სარალიძის განზრახ მკვლელობას ედავებოდა, სასამართლომ გ.ჯ.-ს ბრალი გადაუკვალიფიცირა და სარალიძის განზრახ მკვლელობის მცდელობაში ცნო დამნაშავედ. გამოტანილი განაჩენიდან გამომდინარე, ბრალდებულებთან მიმართებაში სასამართლო სასჯელის ვადას და ზომას დღეს განსაზღვრავს.
ხორავას ქუჩაზე ორი მოზარდი 1-ელ დეკემბერს დაჭრეს. ლევან დადუნაშვილი საავადმყოფოში მიყვანამდე გარდაიცვალა, ხოლო დავით სარალიძე რამდენიმე ოპერაციის ჩატარების მიუხედავად, 2 დეკემბერს, საავადმყოფოში გარდაიცვალა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
