რუსი ჟურნალისტი, რომელიც კიევში "მოკლეს", ცოცხალი აღმოჩნდა

რუსი ოპოზიციონერი ჟურნალისტი, რომლის მკვლელობის შესახებ უკრაინული პოლიცია იუწყებოდა, ცოცხალია. უკრაინის უსაფრთხოების სამსახურის ხელმძღვანელის ვასილი გრიცაკის განცხადებით, ჟურნალისტის მკვლელობა რუსულმა სპეცსამსახურებმა შეუკვეთეს.

ასევე უკრაინული სპეცსამსახურების მიერ ჩატარებული სპეცოპერაციის ფარგლებში დაკავებულია ბაბჩენკოს მკვლელობის ორგანიზატორი.

არკადი ბაბჩენკოს მკვლელობა ინსცენირებული იყო უკრაინის უსაფრთხოების სამსახურის მიერ, რათა გამოევლინათ მკვლელობის შემკვეთი.

აღსანიშნავია, რომ არკადი ბაბჩენკო ბრიფინგზე გამოცხადდა უკრაინის გენპროკურორთან იური ლუცენკოსთან ერთად. მან ბოდიში მოუხადა თავის ახლობლებს და აღნიშნა, რომ ეს საჭირო იყო ოპერატიული მიზნებისთვის.

ნახეთ ასევე: არკადი ბაბჩენკოს ფოტოები აგვისტოს ომიდან